news

“ቅ/ጊዮርጊስ በየትኛውም ሊግ ይጫወት ክለቡን መርጬ ነው የመጣሁት” ደስታ ደሙ /ቅ/ጊዮርጊስ/�

ቅ/ጊዮርጊስ የወልዋሎ አዲግራት ዩንቨ
ርስቲና የኢትዮጵያ ብሄራዊ ቡድን
ጠንካራ የተከላካይ ስፍራ ተጨዋችየሆነውን ደስታ ደሙን ከደደቢቶቹ የአማካይ ስፍራ ተጨዋቾች አቤልና የአብስራ
ተስፋዬ በኋላ ማስፈረም ችሏል፤ ቅዱስጊዮርጊስ ደስታ ደሙን ማስፈረም የቻለው
በተከላካይ ክፍሉ ላይ ያለውን ጥንካሬ
ይበልጥ ለመጨመር እና በእዛም ስፍራ ላይ
በቋሚነት ለመጫወት ጥሩ ፉክክር እንዲኖር
በማሰብ ሲሆን ደስታ ደሙም ወደ ቡድኑ
ከመጣና ፊርማውን ካኖረም በኋላ የሚዲካል
ምርመራን ጨርሶ በአሁን ሰዓት የክለቡ
ሙሉ ንብረት ሆኗል፡፡

ቅዱስ ጊዮርጊሶች ደስታ ደሙን ማስፈ
ረማቸውን ካረጋገጥን በኋላም ተጨዋቹን
ጋዜጠኛ መሸሻ ወልዴ በወቅታዊ ጥያቄዎች
ላይ ያናገረው ሲሆን የተጨዋቹም ምላሽ
ከእዚህ እንደሚከተለው ይቀርባል፡፡

ሀትሪክ፡- ከሙገር፣ ከደደቢት፣ ከወልዋሎ
አዲግራት ቡድኖች የተጨዋችነት ህይወት
ቆይታህ በኋላ አሁን ላይ ቀጣይ ማረፊያ ቅ/
ጊዮርጊስ መሆኑ ተረጋግጧል፤ ፊርማህንም
አኑረሃል፤ በእዚህ ዙሪያ ምን የምትለን ነገር
አለ?

ደስታ፡- የእግር ኳስ ተጨዋችነት ያለፉት ቅ ዓመታት ህይወቴን ከላይ በጠቀስካቸውቡድኖች ውስጥ በመጫወትና መልካም
የውድድር ጊዜንም በማሳለፍ አሁን ላይ
ለውጥና ዕድገትን በመፈለግ ለቅ/ጊዮርጊስ
ለመጫወት የመጣሁት ቡድኑ የመጀመሪያ
ምርጫዬ ስለሆነ ነው፤ ይህንንም ወደ
ቡድኑ የመግባት እልሜን ስላሳካው በጣም
ደስተኛ ነኝ፡፡

ሀትሪክ፡- ለኢትዮጵያ ብሔራዊ ቡድን
ተመርጠህ በምትጫወትበት ወቅት ነው ወደ
ቅ/ጊዮርጊስ ያመራከው፤ ለብሔራዊ ቡድን
መጫወት ስሜቱን እንዴት አገኘከው? ስለ
ወቅታዊ አቋምህስ ምን ትላለህ?

ደስታ፡- ለኢትዮጵያ ብሔራዊ ቡድን
ተመርጦ መጫወት መቻል ያለው ስሜትና
ደስታ በጣም ከፍተኛ ነው፤ አሁን ላይ ለሀገሬ
እየተጫወትኩ ባለሁበት ሁኔታ ላይ ወደ
ትልቁ ክለብ ቅ/ጊዮርጊስ መምጣት መቻሌም
ችሎታዬን የበለጠ እንዳሳድግም ያደርገኛልና
በእዚህ ላይ በርትቼ እሰራለው፤ ስለ ወቅታዊ
አቋሜ ማለት የምፈልገው አሁን ላይ እኔ
በምፈልገው ደረጃ ላይ አይደለም ያለሁት፤
ያም ሆኖ ግን ከአሁን በኋላ በሚኖረኝ የተ
ጨዋችነት ቆይታ በትልቅ ደረጃ ላይ እንደምገኝ እርግጠኛ ሆኜ መናገር እችላለውኝ፡፡

ሀትሪክ፡- ቅ/ጊዮርጊስን የቅድሚያ
ምርጫህ ያደረግክበት የተለየ ምክንያት አለ?

ደስታ፡- አዎን፤ የመጀመሪያው
ሀገራችን ውስጥ ካሉት ቡድኖች በታሪክም፤
በውጤታማነትም ግምባር ቀደሙ
ክለብ ስለሆነ ነው፤ ከዛ ውጪም በርካታ
ደጋፊዎችም አሉት፤ በእዚህ ታሪካዊ ቡድን
ውስጥ መጫወትን የማይፈልግ ማንኛውም
ኢትዮጵያዊ ተጨዋች የለምና እኔም ይህንን
አውቄና ዋንጫም የማንሳት ናፍቆትና
ጉጉትም ስላለብኝ ነው ወደ ቡድኑ የመጣሁት።

ሀትሪክ፡- ወደ ቅ/ጊዮርጊስ መምጣትህ
የዋንጫ ጥማትህን ይቀርፈዋል?

ደስታ፡- አዎን፤ የደደቢት ተጨዋች
ሳለው ለሁለት ጊዜያት ያህል ይህንን ዋንጫ
የማግኘት አጋጣሚዎች ተፈጥሮልኝ የነበረ
ቢሆንም ወደ መጨረሻ ጨዋታዎቻችን
አካባቢ ሳይሳካልን ቀርቷል፤ ስለዚህም
ይህንን የዋንጫ ጥማቴን በአዲሱ ቡድኔ
የተጨዋችነት ቆይታዬ በእርግጠኝነት
የማሳካው ነው የሚሆነው፡፡

ሀትሪክ፡- ቅ/ጊዮርጊስን የተቀላቀልከው
በየትኛው ሊግ ላይ ይጫወታል ብለህ ነው?

ደስታ፡- ጥሩ ጥያቄ ነው የጠየቅከኝ፤
አሁን ላይ ለሁለት የተከፈለ ነገር አለ፤ የአዲስ
አበባ ሊግ እንዲሁም ደግሞ የኢትዮጵያ
ፕሪምየር ሊግ፤ ቡድናችን በአዲስ አበባ
ሊግ ላይ ለመጫወት ፍላጎቱን ያሳወቀ
ስለሆነ እኔም ይህንን አመዛዝኜና አውቄም
ነው ለክለቡ ለመጫወት ወስኜ የመጣሁትና
በእዚሁ ለአዲሱ ቡድኔ የሚቻለኝን ጥሩ
ግልጋሎት ለመስጠት ዝግጁ ሆኛለው፡፡

ሀትሪክ፡- በቅ/ጊዮርጊስ የተሳካ የውድድር
ዘመንን ታሳልፋለህ?

ደስታ፡- አዎን፤ ዋናው ጤና ይስጠኝ፤
ጤና ካለህ ሁሉም ነገር ሊመጣ ይችላልና
አሁን ላይ ካለኝ ወቅታዊ አቋም አንፃር ጥሩ
የውድድር ዘመንን የማሳልፍ ይመስለኛል፡፡
ሀትሪክ፡- ቅ/ጊዮርጊስ ውስጥ እንደ እነ
አስቻለው ታመነን የመሳሰሉ ተጨዋቾች
በአንተ ቦታ ላይ አሉ፤ ይሄ በቋሚነት ተሰልፎ
በመጫወቱ ላይ አያሰጋህም?

ደስታ፡- በፍፁም አያሰጋኝም፤ ወደ
ቅዱስ ጊዮርጊስ የመጣሁት እኮ ሁሉንም
ነገሮች አውቄ ነው፤ እንደውም ለመሰለፍ
ፉክክር ወዳለው ቡድን መምጣቴም ጥሩ
ነው፤ አቅሜንም አውቅበታለው፤ ክለቡ
ልምድ ያላቸው ተጨዋቾች አሉት፤ ከእነሱ
ብዙ ልምድ አገኛለው፤ የመሰለፍና ያለመሰለፍ
ሁኔታውን የሚወስነው ደግሞ አሰልጣኙ
እስከሆነ ድረስ ጠንክሬ ሰርቼ በመምጣት
በቋሚ ተሰላፊነት ለመጫወት ጥረትን
አደርጋለው፡፡

“ኢትዮጵያ ቡናዎች ካሳዬ አራጌ ለሚከተለው የጨዋታ ፍልስፍና ትሆናለህ ብለው ሲያመጡኝ ደስተኛ ሆኜ ነው የገባሁት” አለምአንተ ካሳ /ማሪዮ/ /ኢትዮጵያ ቡና/�

 



ሀትሪክ፡- ለኢትዮጵያ ቡና
ለመጫወት ፊርማህን አኑረሃል፤
ምን ስሜት ተሰማህ? ክለቡንስ
እንዴት የቅድሚያ ምርጫህ
አደረግክ?

አለምአንተ፡- ኢትዮጵያ ቡና
ለእኔ የመጀመሪያና ተቀዳሚ
ምርጫዬ ሊሆን የቻለው ክለቡ
በአገራችን የእግር ኳስ ታሪክ
በበርካታዎች ዘንድ የሚወደድና
የሚደገፍ ከመሆኑ ባሻገር የአዲስ
አበባም ክልል ቡድን ስለሆነ ነው፤
ከዛ ባሻገር ከአሜሪካ ሀገር ቡድኑን
ለማሰልጠን ለመጣው የአሰልጣኝ
ካሳዬ አራጌም የአጨዋወት ፍልስፍና
የአንተ እንቅስቃሴ አመቺ ነው
በሚልም ጥያቄ ስለቀረበልኝና
በቡድኑም ስለተፈለግኩኝ ቡናን
እንድመርጠውና ወደ ቡድኑ
በመግባቴም ደስተኛ አድርጎኛል፡፡

ሀትሪክ፡- ወደ ኢትዮጵያ ቡና
የአንተን አጨዋወት በመረዳት
እንድትመጣ ያደረጉህ አካላቶች
እነማን ናቸው?

አለምአንተ፡- ኢትዮጵያ ቡና በአሰልጣኝ
ካሳዬ አራጌ አማካኝነት ለሚከተለው የጨዋታ
ፍልስፍና አንተ ትሆናለህ በሚል ለክለቡ
እንድጫወት በመፈለግ እኔን ወደ ክለቡ
ያመጡኝ ሰዎች በምልመላው ላይ ቡድኑ
ኃላፊነት የሰጣቸው የአሰልጣኞች ስብስብ
ሲሆኑ ከእነዛም መካከል አሰልጣኝ ዘላለም
ፀጋዬ /ዞላ/ በዋናነት ይጠቀሳል፤ ከእነዚህ
መልማዮች ውጪም ከክለቡ ፕሬዝዳንት
መቶ አለቃ ፈቃደ ማሞም ጋር ተነጋግረን
መግባባት ደረጃ ላይ ስለደረስን በእዚሁ ደረጃ
ወደ ቡና ልገባ ችያለው፡፡

ሀትሪክ፡- ስለ አሰልጣኝ ካሳዬ አራጌ
የጨዋታ ፍልስፍና ምን የምታውቀው ነገር
አለ? አሰልጣኙንስ ታውቀዋለህ?

አለምአንተ፡- የኢትዮጵያ ቡና የቀድሞ
ተጨዋችና አሰልጣኝ የሆነውን ካሳዬ አራጌን
ሲጫወትና ሲያሰለጥን በታሪክ ስለ እሱ
ሰማው እንጂ እኔ ፈፅሞ አልደረስኩበትም፤
የእሱን የጨዋታ ፍልስፍና በተመለከተ ከብዙ
ሰዎች ጥሩ ጥሩ ነገሮችን ማድመጥ ችያለው፤
ሲያሰለጥን አንድ ተጨዋች ባለው ነገር ላይ
ሰርቶ ችሎታውን የሚያሳድግበትን እንቅስቃሴ
እንደሚከተልና ተጨዋቹ የሌለውን ነገር
ደግሞ በጊዜ ሂደት እንዲያመጣ የሚያደርግ
በፓሲንግ ፉትቦልና ወደ ቶታል ፉትቦልምየሚያመራ ስልጠናን እንደሚሰጥ ተረድቻለ
ውና ይሄንን እኔ በመልካም ሁኔታ ልቀበለ
ውና በቡናም ጥሩ የውድድር ጊዜን ለማሳለፍ
ተዘጋጅቻለው፡፡

ሀትሪክ፡- ለኢትዮጵያ ቡና ከረጅም
ዓመታት እና ከእነ ዮሴፍ ተስፋዬ፣ ዓሊ
ረዲ፣ ካሊድ መሐመድ፣ ዑመር አብደላ፣
ቴዎድሮስ ብርሃኑና መሰል ተጨዋቾች
በኋላ አንተ ከኳስ ሜዳ አካባቢ በመውጣት
ለክለቡ ልትጫወት ተዘጋጅተሃል፤በዚህ ዙሪያ
የምትለው ነገር ካለህ…?

አለምአንተ፡- የእውነት ነው የአሁን
ሰዓት ላይ ኳስ ሜዳ ተጨዋቾች በጠፉበት
ሰዓት እኔ ከላይ ከጠቀስካቸው ተጨዋቾች
በኋላ ለኢትዮጵያ ቡና ለመጫወት ፊርማዬን
ማኖሬ በጣም ነው ደስ ያለኝ፤ አሁን ላይ
በትልቅ ቡድን ደረጃ ከአካባቢያችን ኳስን
የምንጫወተው ከሶስት አንበልጥም፤ ይሄ
ሁኔታ የቁጭት ስሜት ቢፈጥርብኝም እኔ
ደግሞ ኢትዮጵያ ቡናን በሚያህል ቡድን
ተፈልጌ ለክለቡ ልጫወት ዝግጁ መሆኔ ዕድለኛ
ከመሆኔ ባሻገር ከፍተኛ የደስታ ስሜትም ነው
በውስጤ እየፈጠረብኝ የሚገኘው፡፡

ሀትሪክ፡- ወደ ኢትዮጵያ ቡና ስታመራ
በየትኛው ሊግ ላይ እንደሚጫወት አውቀህ
ነው?

አለምአንተ፡- ኢትዮጵያ ቡና በየትኛውም
ሊግ ላይ ይጫወት ቡድኑ የእኔ የቅድሚያ
ምርጫ ሊሆን ችሏል፤ ከዛ ውጪ ሌላው ነገር
እኔን አያስጨንቀኝም፡፡

“የእግር ኳሱን ክፍያ ገበያው እንጂ ክለቦቹና ፌዴሬሽኑ እንዲወስኑ አንፈቅድም” አሰልጣኝ ዮሃንስ ሳህሌ/ ወልዋሎ አዲግራት/�

THE BIG INTERVIEW WITH YOHANNES SAHLE


 



ትሪክ፡- ራስህን የመብት ታጋይ
አድርገህ ትቆጥራለህ?

ዮሐንስ፡- ታጋይ መሆን ብቻ ሳይሆን
ከምንም በላይ የህሊና ጉዳይ ነው፡፡
በማደርጋቸው ነገሮች ህሊናዬ እንዲወቀስ
አልሻም፡፡ በተጨማሪ በእኔ ላይ ሊደረግ
የማልፈልገውን ነገር በሌሎች ላይ ሲደረግ
ማየት አልፈልግም እነኚህ ሁለት ነገሮች
በተሻለ ይገልፁኛል፡፡

ሀትሪክ፡-የተጨዋቾቹ ማህበር መነሻ
ጥንስሱ መቼና እንዴት ጀመረ?

ዮሐንስ፡- ይህን ማህበር ለማቋቋም ብዙ
መስዋዕትነት ተከፍሏል… ብዙ ታግለናል…
እንቅፋቶች መሰናክሎች እያጋጠሙን
እንዳይቋቋም ሰዎች ከጀርባችን ብዙ ነገር
አድርገዋል በግሌም ብዙም ችግር
እንዲፈጠር በህይወቴና በስራዬ
ላይ ጫና ተደርጎብኛል፡
፡ ይህ ማህበር በሀገሪቱ
ደረጃ ፕሮፌሽናል
አሰራር የሚያመጣና
ትልቅ አቅም የሚፈጥር
በመሆኑ ብዙ ጫና
ያደርጉብን ወገኖች ላለፉት
አራት አመታት ታግለዋል፡፡
እኔና ጓደኞቼ ከማህበራት
ኤጀንሲ፣ ውጪ
ጉዳይ ሚኒስትር፣ ከፓርላማ አፈ
ጉባኤ ድረስ ደርሰን ለፈተን ህልማችንን
አሳክተናል… ዝም ብሎ አልጋ በአልጋ
ሆኖ የመጣ ሳይሆን ብዙ መስዋዕትነት
የተከፈለበት ማህበር ነው.. ታግለን ሃሳባችንን
በማሳካታችን ደስ ብሎኛል…ይሄ ማህበር
የኢትዮጲያ እግር ኳስ ተጨዋቾች ሙያተኛ
ማህበር ይባላል፡፡

ሀትሪክ፡- ምስረታው እውን ሲሆን
የይግባኛል ጥያቄ አልተነሣም?

ዮሐንስ፡- ከዚህ በፊት የነበረ ከኛ ጋር
ተመሳሳይ የሆነ ማህበር የለም፡፡ ብዙ
አለመግባባቶች እንዲፈጠር አንፈልግም… የኛ
የኢትዮጵያ እግር ኳስ ተጨዋቾች ሙያተኛ
ማህበር ነው.. ሙያተኛ ማህበርና ዝም ብለህ
የምታቋቁመው ማህበር ይለያያል… ለምሣሌ
በኢትዮጵያ የቀድሞ ተጨዋቾች መረዳጃና
ደጋፊዎች ማህበር የሚባል አሜሪካ አገር
አባል የነበርኩበት ከመስራቾቹም አንዱ
የነበረኩበት ማህበር አለ ያ ማህበር
አሁንም መኖር ይችላል መብትም
አለው ከኛ ጋር የሚለየው የኛ
ማህበር ፕሮፌሽናል ተጨዋቾችን
የሚመለከት ብቻ ነው፡፡ በኛ ማህበር
ውስጥ መመዝገብ የሚችለው
በኢትዮጵያ እግር ኳስ ፌዴሬሽን
ውስጥ ተመዝግቦና ተጫውቶ
ያለፈ ብቻ ነው….
ፊ ፋ የ አ ገ ሪ ቱ ን
ፌዴሬሽን የሚያውቀው
በዚህ መልክ ነው ፊፋ
በአባልነት መዝግቦናል
ለዚህ ነው ልዩነቱ
መታወቅ አለበት
የምንለው፡፡ የኛ ማህበር
ከዚህ የተነሣ ከሌሎቹ
ጋር በምንም መልኩ
አይጋጭም፡፡
ሀትሪክ፡-ከፌዴሬሽኑ
ውሳኔው በደብዳቤ
አገኛችሁ?

ዮሐንስ፡- ለኛ
የደረሰን ደብዳቤ የለም፡፡
ለክለቦች የተላከውን ደብዳቤ
አይተን ከፌዴሬሽኑ ጽ/
ቤት ኃላፊ ዶ/ር ኢያሱ ተልኮልን ካገኘነው
ደብዳቤ ተነስተን የፃፍነው ነው፡፡
የኢትዮጵያ እግር ኳስ
ፌዴሬሽን በመንግሥት
የተቋቋመ ማህበር ነው
የኛም ተመሳሳይ ማህበር ነው
ሁለታችም እኩል መብት ነው
ያለን፡፡ ከሁለታችንም በላይ ህገ
መንግሥቱ አለ… ውሳኔዎቹ ህገ
መንግሥታዊ መብቶችን የሚጥስ
ነው፣ የእግር ኳስ ተጫዋቾችኮ
ኢትዮጵያ ሀገራቸው ናት፡፡ ተጨዋቹ
ዜጋ ነው ታክስ ከፋይ ነው በሌላ መንገድ
መታየትም የሌለበት ለዚህ ነው… ውሳኔ
ሲወስን መብታችን ተጥሶ መሆን የለበትም፡
፡ ተቃውሞ የምናሰማው ህግን አክብረን ነው
የማህበሩ አንደኛው አላማ የአባሎቻችንን
መብት ማስከበርና ግዴታቸውን እንዲያውቁ
ነው፡፡ ተጨዋቹ አንድም ጊዜ በደመወዝ ጉዳይ
ሰልፍ ወጥቶ አድማ መትቶ አያውቅም
እስከዛሬ የተሰጠውን እየተቀበለ ነው የኖረው
ከሚሰጠው ገንዘብ ላይ እንደማንኛውም
ሰራተኛ ግብር እየከፈለ ነው ያን ግዴታውን
ተወጥቶም ቢሆን መብቱ ተነክቷል ባይ ነን፡
፡ በመጀመሪያ የተጠራው ስብስባ ፌዴራል
ስፖርት ኮሚሽን ከኢትዮጵያ እግር ኳስ
ፌዴሬሽን ጋር በጋራ በመሆን ነው ስብሰባውም
ውሳኔ የሚሰጥበት ሳይሆን የውይይት
መድረክ ነው፡፡ የተጠሩ 16 የወንዶች
ፕሪሚየር ሊግ ክለቦች ናቸው እዚህ ስብሰባ
ላይ የተገኙት በፌዴሬሽኑ ህግ የወረዱትም
ሆኑ ወደ ፕሪሚየር ሊጉ ያደጉ ተከተውበታል
ይሄ ራሱ የተዛባ ነው፡፡ 16 ተብሎ 3
ሲጨመር 19 ሆነ ማለት ነው፡፡ ድምፅ ሰጡ
የተባለውም የተደበላለቀ ነው ስብሰባው ራሱ
ስርዓት ያለው አልነበረም፤ ሁለተኛው እኛ
የፌዴሬሽኑ አባል ነን፡፡ ማንኛውም መረጃና
ማስረጃ ከፌዴሬሽኑ የማግኘት መብቱ አለን፡
፡ ፌዴሬሽኑ ግን ጥሪ ሲያደርግ ለኛ የተሰጠ
የጥናት ፅሁፍ የለም ዋና ተዋናዩ ግን እኛ
ነን፡፡ ፌዴሬሽኑና ኮሚሽኑ የጠሩት ስብሰባ
የተጨዋቾችን ደመወዝ በተመለከተ ነው
ስለኛ ለማውራት ተሰብስበው የምናውቀው
ነገር ግን የለም ራሳችን እንድንከላከል እድሉን
አልሰጡንም ይሄ ራሱ ደግሞ የአባልነት
መብታችንን መግፈፉን ያሳያል በአንድ ወገን
ብቻ ያሉ ወገኖች የተሰባሰቡበት ውይይት
ነበር ይሄ ኢፍትሃዊ ድርጊት ነው በተጨማሪ
በፌዴሬሽኑ ደንብ መሠረት ማንኛውም
የተጨዋቾች ጉዳይ ፍ/ቤት አይሄድም ይላል
እነርሱ ግን የመንግሥት አካል ይዘው ነው
ያስወሰኑት፡፡ ኮሚሽኑ የመንግሥት አካል ነው
ያንን ይዘው ነው የወሰኑት.. የራሣቸውን
ደንብም ጥሰዋል ፌዴሬሽኑ ይህን ማሰብ
አለበት፡፡ ሌላው የፌዴሬሽኑ አባል መብታችንን
ለማስከበር እንዳንችል በተገቢ መንገድ ጥሪው
አልደረሰንም፡፡

ሀትሪክ፡-በወቅቱ አንተ እንዴት ተገኘህ?

ዮሐንስ፡-የተገኘሁትማ ለሁሉም ጥሪ
ካደረገ በኋላ ነው ሲጀመር ለአስልጣኞች
ማህበር ለዳኞችና ታዛቢዎች ማህበርም
በተመሳሳይ ጥሪ ማድረጉን ከሚዲያ
ሰምተናል…ሚዲያው እንዴት ዋነኛ ተዋናይ
የተጨዋቾች ማህበር አልተገኘም ብሎ ሲያወራ
ነው ያወቅነው፡፡ ለኮሚሽኑ ፍቃድ ያለን ህጋዊ
ማህበር መሆናችንን ለኮሚሽኑና ለፌዴሬሽኑ
ማስረጃችንን ይዤ ሄጄ ረቡዕ ዕለት አስገባው
ሀሙስ ተደውሎ ለአርብ ስብሰባ ተገኙ
ተባልን በዚህ መንገድ ነው የተገኘነው፡
፡ ለውይይት ጠርተውን ውሳኔ ማሳለፋቸው
ተገቢ አይደለም፡፡ ውሳኔው ሊወሰን የክለቦች
ፕሬዚዳንትና ስራ አስኪያጆች ተጠርተዋል፡፡
የየክልል ኮሚሽነሮችም ተገኝተዋል፡፡ ቅዱስ
ጊዮርጊስ፣ ደደቢትና ስሁል ሽረ አልመጡም
ከምሳ በኋላ ደግሞ ወልዋሎ አዲግራት
አልተገኘም፡፡ ይህን ቀድሜ ባውቅ ኖሮ አንድ
ተወካይ እኔ ብቻ ስጠራ አልሄድም ነበር፡፡
ያውም የማዳመጥና ሀሳብ የመሰንዘር እንጂ
ድምጽ የመስጠት መብት አልነበረንም ይሄ
ሁሉ ስህተት ነው በኛ ላይ ሲወሰኑ ቁጭ
ብለን ነው የተመለከትነው… ከፍትህ አንፃር
ውሳኔ የሚሰጥ ከሆነ የክለቦቹ አምበሎች
ሊገኙ ይገባ ነበር እኩል መብት ማግኘት
ነበረብን፡፡ ሙያተኞች ላይ ሲወሰን እነርሱ
የሚሰሙት ከሚዲያ ነው ታዲያ የቱ ጋር
ነው መብታችን… ውሳኔው ፍትሃዊ አይደለም
መሻር አለበት ብለን እየጠየቅን ነው፡፡

ሀትሪክ፡-ማህበሩና ተጨዋቾቹ አሁን
ያላችሁ ግንኙነት ምን ይመስላል?

ዮሐንስ፡-የተፈጠረው ችግር ለኛ አንድነት
ጥሩ አጋጣሚ ፈጥሯል ማለት ይቻላል፡
፡ ተጨዋቹ የሙያ ብቻ ሣይሆን የዜግነት
መብት እንዳለው እየገባው መጥቷል፡፡
ውሳኔውን የወሰኑ ግለሰቦችኮ እንደኛ ተቀጣሪ
ናቸው፡፡ ይሄ በፍ/ቤት ወይም በፓርላማ
የተወሰነ አይደለምና መስተካከል አለበት
ውሳኔው በዜጎች ላይ የተጫነ በመሆኑ
መወገድ አለበት ጉዳዩን ከሙያና ከዜግነት
አንፃር የምናየውም ለዚህ ነው ተጨዋቹ
ቤተሰብ ልጅ የሚያስተምር ብዙ ኃላፊነት
ያለበት ነው በአንድ ስብሰባ ላይ ይሄን
ያህል ይበቃዋል ማለት ምን ማለት ነው
ከምን ተነስተው ምን መብት ኖሯቸው ነው
የወሰኑት? የክለቦች ወክለዋቸው የመጡት
ብቻ ሣይሆኑ እኛም የመንግሥት አካል
ነን፡፡ መንግሥት ለስፖርቱ የበጀተውን
የሚያመጣው ከዜጎቹ የታክስ ከፋዮች ያገኘው
ነውና ገንዘቡም ይመለከተናል፡፡ ውሳኔውን
ለመወሰን እንደሆነ ብናውቅ ጉዳዩን ወደ ህግ
እንወስደዋለን እንጂ አንሄድም ነበር፡፡ ድምጽ
የመስጠት መብት ተከልክለን እንዴት መብት
አላችሁ ይባላል? መልስ መስጠት ራሱን
የመከላከል መብት አጥቶ ስብሰባ ላይ አለ
ማለት ይከብዳል፡፡ እንዴት በኛ ጉዳይ ላይ እኛ
ታዛቢ እንሆናለን ይሄኮ የተጨዋቾችን መብት
መርገጥ ነው ይሄ ራሱ ፍትሃዊ አይደለም፡፡
ስብሰባው ላይ በደመወዝ ጉዳይ የመንግሥት
ክለቦች ነን መወሰን እንችላለን ነው ያሉት፡
፡ የመንግሥት ያልሆኑት ቅዱስ ጊዮርጊስና
ኢትዮጵያ ቡናንስ ምን ሊያደርጓቸው ነው?
እነሱንም ሊያስገድዱ ነው? በህግ ይችላሉ
ብዬ አላስብም፡፡ ይሄ ሊስተካከል ይገባል
ራሱ ስብስባው የስብስባን መርህ የተከተለ
አይደለም፡፡ ሁለቱ ክለቦች ባይመጡም
በውሳኔው ሊገደዱ አይችሉም ባይ ነኝ፡፡
በእግር ኳሳዊ አካሄድ መስማማት ካልተቻለ
በፊፋና በካፍ ህግ ይዳኛል ካልተግባቡ ወደ
ካስ ይጓዛል ይላል፡፡ ይሄ የፌዴሬሽኑ ደንብ
የሚለው ነው እነርሱ ይህንንም ነው የጣሱት፡
፡ በተቻለ መጠን በሀገራችን ህግ በዜግነት
መብታችን እንከራከራለን ከዚያ ውጭ ከሆነ
ጉዳዩን ወደ ካስ (አለም አቀፍ የግልግል ፍርድ
ቤት) እንወስደዋለን፡፡

ሀትሪክ፡-አሁን የሚከፈለውም ገንዘብ ሆነ
50 ሺህ ብሩ ከተጨዋቾቹ አቅም አንፃር ከበቂበላይ የሆነ ክፍያ ነው የሚሉ ወገኖች አሉ…
እንደ ማህበር ምን ትላለችሁ?

ዮሐንስ፡-የተጨዋቹ ደመወዝ በ50
ብር፣ በመቶ ብር፣ በ150 ብር፣ በ300
ብር፣ በ400፣ በ10 ሺህ፣ በ20ሺህ 30 ሺህ
እያለ አሁን 300 ሺህ ብር ደረሰ፡፡ ይሄ የነፃ
ገበያው የፈጠረው እድል እንጂ ተጨዋቹ
አልፈጠረውም.. አድማ መትቶ ስራ አቁሞ
መንግሥትን በጥብጦ የመጣ ክፍያ አይደለም
እኛ እያልን ያለነው ገቢያው ይወስን እንጂ
እናንተ አትወስኑብን ነው የእግር ኳሱን ክፍያ
ገበያው እንጂ ክለቦቹና ፌዴሬሽኑ እንዲወስኑ
አንፈቅድም ከ100 ብር ተነስቶ 300 ሺህ
የከተቱትኮ ክለቦቹ ናቸው አንድ መስሪያ
ቤት ከ10 ሺህ ብር አንስቶ 300 ሺህ ብር
ልከፍል ቢል የክለብ አመራሮቹ እንቢ የሚሉ
ይመስላል? አይሉም፡፡ 300 ሺህ ብር ቢሰጥህ
መጠየቅ ያለበት ሰጪው እንጂ ተከፋዩ
አይደለም፡፡ ይሄኮ በእግር ኳስ ላይ ያሉ
አመራሮችን የሚያስገመግም ይመስለኛል፡፡
100 ብር የምታወጣ ዶሮ 400 ብር ከገዛሁ
ሰውየው ምን አደረገ? እኔ ነኝ መጠየቅ
ያለብኝ… 400 ብር አያወጣም ማለት ያለበት
ገዢው ነው ታዲያ ምን አጠፋ ተጨዋቹ?
አውሮፓም እንግሊዝ አገር 1 ሺ ዶላር
ሲከፈል ተቃወሙ 10 ሺህ ሲደርስ አበዱ
አሁንስ የት ነው ዋጋው ያለው? ገበያው
የፈጠረውን እድል ተቀብለዋል፡
፡ እኛ የምንለው የእግር ኳሱን
ክፍያ ገበያው እንጂ ክለቦቹና
ፌዴሬሽኑ አይወስኑ እያልን
ነው ዝቅተኛም ሆነ ከፍተኛ
ሳንቃወም ተቀብለናል 50
ይበቃል 70 ይበቃል ማለት
ግን ተገቢ አይደለም ነው
የምንለው፡፡

ሀትሪክ፡- ከሀገሪቱ የኢኮ
ኖሚ ደረጃ አንጻር ክፍያቸው
ተጋኗል መቀነስ አለበት
የሚሉም አሉ፡፡ ይሄስ ልክ
አይደለም?

ዮሐንስ፡- የኢትዮጵያ
ኢኮኖሚና ስፖርቱን በምን ደረጃ
ነው የምናገናኘው? ቻይናን
ተ መ ል ክ ት ኳሷ ታች
ነው ክፍያው ግን ከላይ ነው አይገናኙም…
እግር ኳሱን ለማሳደግ ከፍተኛ ክፍያ
እየፈፀመች ነው አሜሪካንን ተመልከት
ህንድንም እይ… ከፍተኛ ገንዘብ ከፍለው
የሀገራቸውን ኳስ ለማስተዋወቅ እየሰሩ
ነው እነ ጋና ናይጄሪያ የሚከፍሉት ክፍያ
በሀገራቸው ብር ሲመነዘር የትየሌለ ነው፡
፡ ጋና 1 ሺህ ዶላር ትከፍላለች ትንሽ ነው
ይባላል…. በሀገሪቱ ብር ሲመነዘርኮ በኛ ደረጃ
ወደ 200 ሺህ ብር ነው ይሄ ነው ትንሽ…?
የሀገሪቱ ኢኮኖሚ የሚለው አያዋጣም… እኛ
ኢኮኖሚስት አይደለም ተጨዋቹ 100 ብር
ደመወዝም ተቀብሏልኮ.. ያኔ ታዲያ የሀገሪቱ
የኢኮኖሚ ደረጃ ነው ሊባል ነው? ያ ከሆነስ
ለምን 300 ሺህ ብር አወጡት? መጠየቅ
ያለባቸው እነርሱ ናቸው ግለሰቦች ተሰብስበው
ሳይሆን የገበያው ደረጃ የተጨዋቾቹን
ደመወዝ መወሰን አለበት ባይ ነኝ፡፡ እግር
ኳስ ስራ ነው ቤተሰብ የሚመራበት ልጆቹን
የሚያሳድግበት ስራው መነካት የለበትም፡፡
ሙያተኞች ናቸው ወይ ይሄን የሚያደርጉት?
ወይስ መንግሥትን ለማስደሰት ነው? ጠቅላይ
ሚኒስትር ዶክተር አብይ እግር ኳሱ በሌለበት
ሲሉ ተጨዋቹ ብቻ ነው እንዴ የሚጠየቀው?
መልሱ በትክክል መመለስ አለበት፡፡

ሀትሪክ፡-መንግሥት ስፖርቱን በሚገባ
ተከትሎ ርምጃ ወስዷል ማለት
ይቻላል?

ዮሐንስ፡-አይመስለኝም… የአገሪቱ
መሪዎች የተለያዩ
ሙያ ላይ ያሉ ሰዎችን
ጠርተው ሲያነጋግሩ
ስፖርቱ አካባቢ
ይሄ አልተደረገም፡፡ ይሄ ለስፖርቱ
ያላቸውን ርቀት ነው የሚያሳየው፡
፡ ከፍተኛ ገንዘብ
የፈሰሰበት ከሆነ ተገቢ ቦታ ላይ
ዋለ ወይስ አልዋለም
የሚለውን መንግስት
መከታተል ነበረበት ይሄ
እግር ኳስም ሆነ አትሌቲክስ ሌሎች
የስፖርት አይነቶችን መመልከት አለበት፡፡
ጠቅላይ ሚኒስትር ዶክተር አብይ በቅርብ
ጊዜ ውስጥ የሚመለከታቸውን ባለሙያዎችን
ጠርተው ያነጋግራሉ ብዬ ተስፋ አደርጋለሁ፡፡

ሀትሪክ፡- የእግር ኳሱ ደረጃ አድጓል
ወይስ አላደገም… እንደ ባለሙያ ምን ትላለህ?

ዮሐንስ፡- እግር ኳስ አደገ የሚባለው
ውጤትን ብቻ አይቶ አይደለም… በኔ ግምት
ምን ያህል አሰልጣኞቻችን በመላው አለም ላይ
ሄደው ያሰለጥናሉ? ምን ያህል ተጨዋቾች
ውጪ ሀገር ሄደው ይጫወታሉ? ምን ያህል
ዳኞቻችን ወደ ውጪ ወጥተው ይዳኛሉ?
የሚለው የእድገታችንን ደረጃ ያሳያል ብዬ
አስባለው… ቡናና ጊዮርጊስ ስለተሸናነፉ
መቀለና ጅማ ዋንጫ ስለወሰዱ የኳስ እድገት
አይደለም እድገት ሲባል ምን ያህል ተተኪዎች
አሉ? የስፖርት ፋሲሊቲዎቻችን ምን ያህል
ተቀባይነት አላቸው? እነኚህ ሁሉ ምላሽ ካገኙ
በኋላ ነው ስለ እድገቱ ሊነገር የሚችለው

ሀትሪክ፡- በአንተ ግምገማ እድገቱ አለ?
ወይስ ታች ነን?

ዮሐንስ፡- በኢንተርናሽናል ውድድር
ሜዳዎቻችን ተቀባይነት አጥተዋል
ሊያመልጠን የማይገባን የቻን ውድድር
ተሰርዞብናል… እንደ አቶ ይድነቃቸው ተሰማ
አይነት ከሀገር አልፈው አፍሪካን የሚመሩ
መሪዎች ማፍራት አለብን ባለፉት 28
አመታት ግን ይህን ማድረግ አልቻልንም፣
በተጨዋች ደረጃ 1 አውሮፓ 2 አፍሪካ
ናቸው ሶስተኛው ጋቶች ከግብፅ ክለብች
ተሰናብቷል… ከ100 ሚሊዮን ህዝብ
ያሉን 3 ናቸው፣ በየጊዜው ተተኪ
እያፈራን አይደለም፡፡ በአፍሪካ ደረጃ
የአለምና የአፍሪካ ዋንጫ ላይ
ያጫወተ የምናውቀው ዳኛ አንድ
ነው.. ሌሎቹ በአርቢትር በአምላክ
ተሰማ ደረጃ ባይሆኑም ብቅ እያሉ
እየተጠሩ ነው የአፍሪካ ዋንጫ
ሲጀመር የነበረን ዳኛ አንድ
ነበር ከአመታት በኋላ ያለን
አንድ ነው ይሄን ሁሉ ስናይ
ማደግ አለማደጋችንን
ማወቅ እንችላለን…
ውጤት ብቻ የእድገት
ማሳያ ነው ብዬ
አላምንም፡፡

ሀትሪክ፡-መቐለ 70 እንደርታና
ወልዋሎ አዲግራትን መርተሃል የደርቢ
ተፋላሚዎችን እንደማሰልጠንህ ጫና
አልተፈጠረብህም?

ዮሐንስ፡- ጫና የለውም፡፡ በሁለቱም
ወገን መታወቄ ሠላማዊ ነገር እንዲኖርና
ውድድሩ በሰላም እንዲያልቅ ልዩነቱን አርጋቢ
ሆኛለው… በመቐለም ደጋፊ ጥሩ ተቀባይነት
አለኝ በሰራሁት ስራ በመወደዴ የአርጋቢነት
ሚናዬ ተሳክቶልኛል ማለት ይቻላል፡፡

ሀትሪክ፡- የባህርዳር ከተማና የአዳማ
ከተማ አሰልጥነን ጥያቄ ትተህ በወልዋሎ
አዲግራት ኮንትራትህን ያራዘምከው በምን
ምክንያት ነው?

ዮሐንስ፡- እግር ኳስ ህይወቴ ነው፡፡ የትም
ቦታ ቢሆን ኳስ ካለ እመለከታለው፡፡ ብዙውን
የዝውውር ነገር በደንብ የሚያወቁት ኤጀንቶቼ
ናቸው… ሁኔታውን አይተው መርምረው
የተሻለ ነገር አገኘን ሲሉ መስማማት ብቻ
ነው የኔ ኃላፊነት.. የተሻለና ለኔ የሚመቸውን
መርምረው ሲወስኑ ፈርምኩ.. ዝርዝሩን
የሚያውቁት እነርሱ ናቸው፡፡

ሀትሪክ፡- አሰልጣኝ ዮሐንስ ሳህሌ
አግሬሲቭ ነው እንጂ ሙሰኛ አይደለም
የሚሉ በርካቶች ናቸው?

ዮሐንስ፡- (ሳቅ) አልስማማም… አግሬሲቭ
የሚለው እኔን አይገልጸኝም፡፡ አግሬሲቭ ነው
የሚባለው ስንት ሰው ደበደብኩ ማንንም፤ ስንት
ሰው ጋር በማይሆን ቦታና ጊዜ ተገኝቻለው
ይሄም ዜሮ ነው፤ አቋም አለው በአቋሙ
የፀና ነው ከተባለ ይወክለኛል፡፡ ሙያውን
የማይሸጥ በጥቅም የማይደለል… ለሚሰራው
ስራ ተገቢ ክብር ያለው የሚለው ይገልፀኛል፡
፡ በዚህ ደረጃ አቋም በመያዜ ግትር ነህ ልባል
ይችል ይሆናል ይሄን እቀበላለው፡፡ የምወደው
መማርና ማስተማር ነው እነኚህ ደግሞ
ከሰዎች ጋር ተግባብቶ መኖርን ይጠይቃልና
በዚህ የምታማ አይደለሁም፡፡ በሙስና ደረጃ
ከተጨዋቾች ጋር የማልሞዳሞድም ነኝ፡፡

ሀትሪክ፡- ከአሰልጣኞች ጋር ያለህ
ግንኙነት መልካም ነው ማለት ይቻላል?

ዮሐንስ፡- አዎ እግር ኳስ ግን ፍልሚያ
ስላለበት በጨዋታ ስንገናኝ ተፋላሚ ነን፡፡
በቃ ከዚያ ውጪ በግል የምጣላው የለም፡፡
ከወንድሜ ጋር ባላጋራ ሆነን ተጫውተናል፡፡
እኔ ለጊዮርጊስ ወንድሜ ለኦሜድላ ሲጫወት
ተገናኝተናል… ሜዳ ላይ ሳገኘው አለቀውም
እርሱም አይለቀኝም፡፡ ያ የማሊያ ጉዳይ
ነው ከዚያ በብሔራዊ ቡድን ደረጃ በጋራ
ተጫውተናል ሲቀጥል ቤት አብረን አንድ
ላይ ነን፡፡ እግር ኳሱ ከሚፈጥራቸው ውጪ
ሌሎች ችግሮች ከማንም ጋር የለብኝም፡፡

ሀትሪክ፡-ጓደኛ የለውም… ብዙ ጊዜ
ከአሰልጣኞች ጋር አይታይም ይሉሃል..
እውነት ነው?

ዮሐንስ፡- ጓደኞች የምላቸው የስራ
ጓደኞች አሉኝ.. በግል ህይወቴ የምገናኘው
ግን ከእግር ኳስ አለም ከወጡ ሰዎች ጋር
ነው.. ሙያዬን በሚመለከት ዕርዳታ ጠይቆኝ
እንቢ ያልኩት ሰው በፍፁም ትዝ አይለኝም፤
ይሄ ነው እውነቱ፡፡

ሀትሪክ፡ በአሰልጣኝነትህ ህይወትህ
በሰጠኸው ውሳኔ ልክ አይደለሁም ብለህ
የተፀፀትክበት ጉዳይ አለ?

ዮሐንስ፡-ይሄን ለምን ወሰንኩ ብዬ
አይደለም ነገር ግን የማልረሳው ገጠመኝ
አለ፡፡ ከአልጄሪያ ጋር ተጫውተን 7ለ1
ከተሸነፍንበት ጨዋታ በፊት 22 ሰዓት ያለ
ምግብና መኝታ ተጉዘን ነበር፡፡ ተጨዋቾቼን
ሳነጋግራቸው በእነዚህ ልፋት ውስጥ
ገብታችሁ ችግር ከሚገጥመን በደንብ
ሳታርፉም ቢሆን አስገድጃችሁ ውጤት
አምጡ የምልበት መብት የለኝም፡
፡ ስለዚህ አንጫወትም አካላችን ብቁ
አይደለም አዕምሮአችን ዝግጁ አይደለም
አልተከበርንም ባንዲራውን ወክለን
መጥተን ተሰቃይተናል የምትሉ ከሆነ
ከጎናችሁ ነኝ ስላቸው እንግባና የፈለገው ነገር
ይምጣ… በኑሮአችን ላይ አደጋ ይፈጥራል
ብለው ወደ ሜዳ መግባታቸው ቅር አሰኝቶኛል፡
፡ በራሴ መወሰን ባለመቻሌ ቅሬታው አሁንም
አለ፡፡ ያ ነው የሚቆጨኝ፡፡

ሀትሪክ፡-በአቶ ሳህሉ ገ/ወልድ የአመራር
ጊዜ ፍ/ቤት ወስደህ ካሸነፍክ በኋላ የካሳ
ገንዘቡን ለበጎ አድራጎት ሰጥተሃል… እውነት
ነው?

ዮሐንስ፡- አዎ እውነት ነው… ገንዘቡን
የሚያውቀው ጠበቃዬ ነው ወደ ፍ/ቤት
የሄድነው ፍትህ ፈልገን ብቻ ነው ስለ ካሳ
አላስብንም ካሳው ሲሰጠን ደግሞ ለበጎ
አድራጎት እንዲሰጥ አድርገን መጥተናል፡
፡ ይሄ ደግሞ ደስተኛ አድርጎናል፡፡ በወቅቱ
የገንዘቡ ጉዳይ ሳይሆን በፌዴሬሽኑ ውሳኔ
ክፉኛ ተበሳጭቻለሁ፡፡ እግር ኳሱ በሙያተኞች
ይመራ በማለቴ ነው የተቀጣሁት፡፡ ይሄ
ደግሞ ተገቢ ባለመሆኑ ወደ ፍ/ቤት
ወስጄዋለው ስፖርቱን እየመሩ ያሉት ሰዎች
የሌላ ሙያ ባለቤት ሊሆኑ ይችላሉ በኳሱ
ደረጃ ያላቸው እውቀት ሲታይ ግን በተግባር
የታየው የመምራት አቅም ችግር ያለባቸው
ናቸው ለዚህ ነው አሁን የተፈጠረው ችግር
ሊፈጠር የቻለው…ስፖርቱ በባለሙያ ይመራ
በማለቴ በአሰልጣኝነት፣ በማናጀርነትና
በቴክኒክ ዳይሬክተርነት እንዳልመራ
ፌዴሬሽኑ በመወሰኑ ፍ/ቤት ወስጄ በማሸነፌ
ተደስቻለሁ፡፡

ሀትሪክ፡- ዋሊያዎቹና ክለቦቻችን እንዲ
ያድጉ ምን ይደረግ ትላለህ?

ዮሐንስ፡- እግር ኳስ ሁልጊዜም የሚኖር
ነው ትልቁ ነገር ሌሎቹ እንደሚሄዱት እየሄድን
ነው ወይ የሚለው ነው፡፡ ወይም ሌሎች
እንደሄዱት ሄደውም እንዳደጉት እንዳንሆን
ያደረገን ምንድነው ብሎ መነጋገር አለብን…
አንዴ ላይ ሌላ ጊዜ ታች የምንሆነው ከፍ
ያላልነው ለምንድነው የሚለው ላይ መነጋገርና
መፍትሔውን ማግኘት የግድ ይለናል፡፡

ሀትሪክ፡- አርቢትሮች ላይ ያለህ እይታ
ምን ይመስላል?

ዮሐንስ፡- ከማንኛውም ዳኛ ጋር ተነካክቼ
አላውቅም ትዝም አይለኝም ማን እንደሚዳኝ
ማወቅ እንኳን አልፈልግም… ዳኞች ላይ
ትኩረት ሰጥቼ ይሄ ዳኛ እንዲህ አደረገን
ብዬ ተናግሬ አላውቅም፡፡ እኛ አሰልጣኞች
እንደምንሳሳት ዳኞችም ሊሳሳቱ ይችላሉ
100 በመቶ ዳኛ ችግር ፈጠረ ብዬ አስቤም
አላውቅም እንዲያውም ሃይም ባይም
ያልኳቸው ጊዜ ትዝ አይለኝም ስራቸውን
ሰርተው እንዲወጡ እመኛለው… ያለባቸውን
ጫና በተለይ ባለፉት 3 እና 4 አመታት
እያየሁ ስለሆነ ለነርሱ ነው የማዝነው፡፡

ሀትሪክ፡- ማህበሩን በፕሬዚዳንትነት
ለመምራት ትውልደ ኢትዮጵያዊ መሆንህ
አይከለክልህም?

ዮሐንስ፡- (ሳቅ) የትኛውም ማህበር
የሚቋቋመው በሀገሪቱ ህገ መንግሥት መሰረት
ነው.. ባለፈው ጊዜ ትውልደ ኢትዮጵያዊያን
እንዳንሳተፍ ተከልክለን ነበር፡፡ በ2011
በወጣው አዋጅ ግን በማህበራት ጉዳይ ኤጀንሲ
ብዙ ደንቦች ተቀይረዋል በኤን.ጂ.ዮ እና
በዲያስፖራ ደረጃ ብዙ ነገሮች ተቀይረዋል፡
፡ ለኢትዮጵያ እግር ኳስ ፌዴሬሽንና
ለስፖርት ኮሚሽን ህጉ ተልኳል ነገር ግን
በፌዴሬሽኑ ህግም ቢሆን አመራር ለመሆን
ትውልደ ኢትዮጵያዊ እንዳይሰሩ የሚያግድ
አዋጅ አልነበረም.. በ1994 ዓ.ም ግን ገብተን
እንድንገለግል ነው ሕጉ የወጣው… ፌዴሬሽን
ግን አሁን ድረስ ዜግነቱ ኢትዮጵያዊ የሆነ
እያለ እገዳ ማድረጉ ልክ አይደለም፡፡ አዋጅ
ጥሰው እየሰሩ ነው በቀጣዩ ጠቅላላ ጉባኤ ላይ
አዋጁን ተግባራዊ ያደርጋሉ ብዬ አስባለው…
በአዋጅ የተቋቋመው ፌዴሬሽን አዋጅ ጥሶ
መኖር አይችልም፡፡ እስከዛሬ ድረስ በተለይ
ባለፉት 17 አመታት የሀገርን አዋጅ ጥሰው
ነበር ፌዴሬሽኑን ሲመሩ የነበረው… ትውልደ
ኢትዮጵያዊ ለዋሊያዎቹ እየተጫወተ ሌላው
ይከለከላል፡፡

ሀትሪክ፡-ተጨዋችና አሰልጣኝ ይችላል…
በአመራር ደረጃ ነው ክርክሩ የነበረው…
አመራር መሆንስ አሁን ይቻላል?

ዮሐንስ፡- ኢትዮጵያዊ ተብለህ እየተጫ
ወትክ ሌላው መከልከሉ በሕግ የተገደበማ
አይደለም፡፡ አሁንማ ትውልደ ኢትዮጵያዊ
ሙሉ መብት አለው፡፡ እናንተም ብትሆኑ
ይህን አልጠየቃችሁምና ተጠያቂ ናችሁ…
ለባንዲራው መጥቶ የሞተ ሰው እዚህ ደግሞ
በነፃ ላገልግል ሲል አትችልም መባሉ ልክ
አይደለም ምክንያቱ ግን ስልጣን ነቻ! አሁን ግን
ያለው የማህበር አዋጅ ትውልደ ኢትዮጵያዊ
ገብተው እንዲያገለግሉ እንዲሳተፉ ፈቅዷል
በዚህም ደስተኛ ነኝ፡፡

ሀትሪክ፡-ጨረስኩ.. ቀረ የምትለው ነገር
አለ?

ዮሐንስ፡-መናገር ያለብኝን ሁሉ ተናግሬያ
ለሁ ቀረ የምለው ነገር የለም፤… በዚሁ
አጋጣሚ ግን አምላኬን እግዚብሔርን አመሰ
ግናለሁ፡፡

ሀትሪክ ስፖርት በነገው እትሟ የሚወዷት፤ በጉጉት የሚጠብቋት ሳምንታዊዋ ሀትሪክ ስፖርት ጋዜጣ ነገ ማክሰኞም እናንተን በንባብ ልታገኝ ዝግጅቷን አጠናቃለች፡፡

ሀትሪክ ስፖርት በነገው እትሟ
የሚወዷት፤ በጉጉት የሚጠብቋት ሳምንታዊዋ ሀትሪክ ስፖርት ጋዜጣ ነገ ማክሰኞም እናንተን በንባብ ልታገኝ ዝግጅቷን አጠናቃለች፡፡
ሀትሪክ በነገው እትሟ ምን ምን ጉዳዮችን ይዛ ወጥታ ይሆን?
በሀገር ውስጥ ከፍተኛ ተወዳጅነትን ባተረፈላት THE BIG INTERVIEW አምዷ የሀትሪክ ስፖርት ኤክስኪዩቲቭ ኤዲተርና ጋዜጠኛ የሆነው ይስሀቅ በላይ ላለፉት በርካታ ዓመታት በክለብና በብሄራዊ ቡድን የእግር ኳስ ተጨዋችነትም ሆነ የአሰልጣኝነት ሙያ ላይ በመሰማራት አብዛኛው ህይወቱን ያሰለፈውንና በአሁን ሰዓት ደግሞ ወልዋሎ አዲግራት ዮንቨርሲቲ ክለብን በማሰልጠን ላይ እሚገኘው እና በአሁን ሰዓት ኘሮፌሽናል ተጫዋቾች ማሀበር ፕሬዝደንት በመሆን እየሰራ እሚገኘው ዮሐንስ ሳህሌን የተለያዩ ጥያቄዎችን አቅርቦለት የሰጠውን ምላሽ ጋዜጣዋ ታቀርብሎታለች፡፡ አሰልጣኝ ዮሐንስ ምን ብሎ ይሆን ሀትሪክን ያንብቧት።
ሀትሪክ ስፖርት በሌላ የሀገር ውስጥ ዘገባዋም ለቅዱስ ጊዮርጊስ ስፖርት ክለብ ፊርማውን ያኖረው ደስታ ደሙ የሚለው አለው። ተከታተሉት፤ ለሌኛው የሸገር ክለብ ኢትዮጵያ ቡናን የተቀላቀለው አለማንተ ካሳ (ማሪዮ) ላይም ሀትሪክ መረጃን ትሰጦታለች፤ ሀትሪክ አታምልጦት፡፡
ሀትሪክ ስፖርት በባህር ማዶ ዘገባዋም የሚወዱትን ዘገባ አቅርበንሎታል።
የሀትሪክ ስፖርት የነገው የፊት ለፊት ገፅ ይህንን ይመስላል።

የቀድሞው የቅዱስ ጊዮርጊስ አማካይ አብዱልከሪም ኒኪማ የአርሜንያውን ክለብ ጋንድዛሳርን ተቀላቀለ

 

በ2010 ክረምት ከቅዱስ ጊዮርጊስ ከለቀቀ በኃላ ለአንድ ዓመት ክለብ አልባ ሆኖ የቆየው ቡሩኪናፋሶያዊው አብዱልከሪም ኒኪማ የአርሜንያውን ጋንድዛሳርን ተቀላቅሏል።

በፈረሰኞች ቤት የሁለት ዓመት ቆይታ ያደረገው ኒኪማ በሁለተኛው ዓመት ቆይታው በአሰልጣኝ ቫዝ ፒንቶ ስር የተሳካ ዓመትን አሳልፋል።ከአጥቂ ጅርባ በመስመር አጥቂነት መጫወት ሚችለው ኒኪማ በአርሜኒያ ፕሪምየር ሊግ እየተሳተፈ ሚገኘውን ጋንድዛሳርን ከእንድ ዓመት ክለብ አልባ ቆይታ በኃላ መቀላቀል ችሏል።

ከተጀመረ ሥስት ጨዋታዎችን ባካሄደው እና 10 ክለቦችን በሚያሳትፈው የአርሜንያ ፕሪምየር ሊግ
ከሥስቱ ጨዋታዎች ሁለት ነጥብ ብቻ መሰብሰብ የቻለው ጋንድዛሳር በደረጃ ሰንጠረዡ 8ተኛ ላይ ተቀምጧል።

ደደቢት በመሰቦ ስሚንቶ ፋብሪካ ስር ሆኖ ይቀጥላል

 

በመቐለ 70 እንደርታ እሸናፊነት በተጠናቀቀው የ2011 ኢትዮጵያ ፕሪምየር ሊግ ከሊጉ የወረደው ደደቢት ቀጣይ ዓመት በመሰቦ ስር ሆኖ በከፍተኛ ሊጉ ተሳታፊ ይሆናል።

ባለፋት ዓመታት ከተለያዩ ከድርጅቶች በሚያገኘው የገንዘብ ድጋፍ በፕሪምየር ሊጉ ከጥሩ ተፎካካሪነት ባሻገር የፕሪምየር ሊጉን ዋንጫ እስከ ማንሳት ደርሶ የነበረው ደደቢት በተጠናቀቀው የውውድር ዓመት በፋይናንስ እጥረት ምክንያት እስከ መፍረስ ደርሶ እንደነበር ሚታወስ።

መሉ ርክክቡን በሚመለከት በቀጣይ ቀናት ክለቡ ጋዜጣዊ መግለጫ ሚሰጥ ይሆናል።

Quatar 2022: Ethiopia names preliminary squad

Quatar 2022: Ethiopia names preliminary squad
Abraham Mebrahtu has named a 27 men squad for the Qatar 2022 World Cup qualifier match against Lesotho to be held at the beginning of September. The boys are supposed to report by August 20 at the Wabishebele Hotel, Addis Ababa.                Besides the 24 players, Abraham has included three new players of Ethiopian descendants in his provisional squad including Amin Soleiman Askar (Sarpsborg 08 FF/ Norway), the goal Keeper Daniel Tessema (Strømsgodse/ Norway) and the German born Kalid Mesfin Mulugeta (Germany).
Despite the paper works, Amin Askar was supposed to be included in Sewnet Bishaw’s squad for the play off against Nigeria for the World Cup in Brazil. Abraham has also called ShimelisBekele (El Makkasa/ Egypt), Biniam Belay (Syrianska FC / SWeden), Gatoch Panom (Free agent) and Omud Okuri( Smouha FC/ Egypt).
The Debub Police skimmer Yonas Berta is also named for the senior national team for the first time. Abraham’s full squad of 27 men looks like:

Goalkeepers: Jemal Tassew (Fasil Kenema), Mentesinot Alo (Bahir Dar Ketema), Lealem Berhanu (Kidus Giorgis), Daniel Nigussie (Strømsgodse/ Norway)

Defenders: Aschalew Tamene (Kidus Giorgis), Yared Baye (Fasil Kenema), Yonas Berta (DebubPolice), Anteneh Tesfaye (Dire Dawa Ketema), Remedan Yesuf (Sehul Shire), Amsalu Tilahun (Fasil Kenema), Ahmed Reshid (Ethiopia Bunna), Desta Demu (Kidus Giorgis), Khalid Mesfin Mulugeta (Free agent).

Midfielders: Gatoch Panom (Free agent), Amanuel Yohannes (Ethiopia Bunna), Kanaan Markneh (Horoya FC/ Guinea), Haider Sherefa (Mekele 70 Enderta), Shimelis Bekele (El Makkasa), Tafesse Solomon (Hawassa), Sourafel Dagnachew (Fasil Kenema), Biniam Belay (Syrianska/ Sweden), Amin Askar (Sarpsborg 08 FF/Norway).

Forwards: Amanuel Gebremichael (Mekele 70 Enderta), Omud Okuri (Smouha FC/ Egypt), Addis Gidey (Sidama Bunna), Mujib Kassim (Fasil Kenema), Mesfin Tafesse (Hawassa Ketema).

ለኳታር 2022 የዓለም ዋንጫ ማጣሪያ ጨዋታ ለ24 ተጫዋቾች ጥሪ ተደረገ

ለኳታር 2022 የዓለም ዋንጫ ማጣሪያ ጨዋታ ለ24 ተጫዋቾች ጥሪ ተደረገ
በ2022 ኳታር ለምታዘጋጀው የዓለም ዋንጫ ቅድመ ማጣሪያ ጨዋታ ከሌሴቶ ጋር ነሐሴ 29 ቀን እና ጳጉሜ 3 ቀን በደርሶ መልስ ለሚደረገው ጨዋታ የኢትዮጵያ ብሄራዊ ቡድን አሰልጣኝ ኢንስትራክተር አብርሃም መብራቱ ለ24 ተጫዋቾች ጥሪ አድርገዋል።
ከ24ቱ ተጫዋቾች በተጨማሪ በኖርዌይ አንደኛ ዲቪዚዮን የሚጫወቱት ሁለት ተጫዋቾች ማለትም ስትሮምጎድሴት እግር ኳስ ክለብ በግብ ጠባቂነት የሚጫወተው ዳንኤል ንጉሴ እና በሳርፕስበርግ እግር ኳስ ክለብ የአማካይ አጥቂ በመሆን ሚጫወተው አሚር አስካር እንዲሁም በጀርመን ሁለተኛ ዲቪዚዮን በሚገኝ ክለብ በተከላካይ ስፍራ ሚጫወተው ካሊድ ሙሉጌታ በኢትዮጵያ ብሔራዊ ቡድን አሰልጣኝ ኢንስትራክተር አብርሃም መብራቱ ጥሪ እንደተደረገለቻው ታውቋል፡፡
ግብ ጠባቂዎች
1 ጀማል ጣሰው – ፋሲል ከነማ
2 ምንተስኖት አሎ – ባህር ዳር ከተማ
3 ለዓለም ብርሃኑ – ቅዱስ ጊዮርጊስ
ተከላካዮች
4 አስቻለው ታመነ – ቅዱስ ጊዮርጊስ
5 ያሬድ ባዬ – ፋሲል ከነማ
6 አንተነህ ተስፋዬ – ድሬዳዋ ከተማ
7 ረመዳን የሱፍ – ስሁል ሽረ
8 አምሳሉ ጥላሁን – ፋሲል ከነማ
9 አህመድ ረሽድ – ኢትዮጵያ ቡና
10 ደስታ ደሙ – ወልዋሎ
11 ዮናስ በርታ – ደቡብ ፖሊስ
አማካዮች
12 ጋቶች ፓኖም – አልጉዋና
13 አማኑኤል ዮሃንስ – ኢትዮጵያ ቡና
14 ከነዓን ማርክነህ – አዳማ ከተማ
15 ሀይደር ሸረፋ – መቐለ 70 አንድርታ
16 ሽመልስ በቀለ – አልመካሳ
17 ታፈሰ ሰለሞን – ሐዋሳ ከተማ
18 ሱራፌል ደኛቸው – ፋሲል ከነማ
አጥቂዎች
19 አማኑኤል ገ/ሚካኤል – 70 እንድርታ
20 ዑመድ ኡክሪ – አልሱሙማ
21 ቢኒያም በላይ – ሱሪያንስ
22 አዲስ ግደይ – ሲዳማ ቡና
23 ሙጅብ ቃሲም – ፋሲል ከነማ
24 መስፍን ታፈሠ – ሐዋሳ ከተማ
ለቅድመ ማጣሪያ ጨዋታ ጥሪ የተደረገላቸው ተጫዋቾች የካቲት 14/2011ዓ.ም ከጥዋቱ 3ሰዓት በሸበሌ ሆቴል ሪፖርት እደሚያደረጉ ታውቋል።

ኢትዮጵያ ቡና የሁለት ተጨዋቾችን ዝውውር እጠናቀቀ

በካሳዬ እራጌ ሚመራው ኢትዮጵያ ቡና የክረምቱ የመጀመርያ ፈራሚዎቹን ሠይፈ ዛኪር ከፌደራል ፖሊስ እንዲሁም እለም አንተካሳን ከደደቢት እድርጓል።

ባሳለፍነው ዓመት ከደደቢት ጋር ያሳለፈው የመሃል ሜዳ ተጨዋቹ አለም እንተ ካሳ በእዲስ ተጨዋቾች እንደሚዋቀር እየተነገረለት ያለውን ኢትዮጵያ ቡናን ተቀላቅሏል።የቀድሞው ወልዋሎ ዩኒቨርሲቲ ና ደደቢት እማካይ ኳስ ላይ መሰረት ያደረገ አጨዋወት ሚከተለውን የካሳዬ እራጌ ፍልስፍናን ይተገብራል ተብሎ ይጠበቃል።

በተጨማሪ ኢትዮጵያ ቡና እምና ከፍተኛ ሊግ ላይ ከፌደራል ፖሊስ ጋር የነበረው ሠይፈ ዛኪርንም ማስፈረም ችለዋል።ወጣቱ እጥቂ በቡና ቤት ተሰላፊ ለመሆን ከባድ ፋክክር ይጠብቀዋል።

የአቡበከር ነስሩ እና እያሱ ታምሩ ውል ያራዘሙት ኢትዮጵያ ቡና በቀጣይ ቀናት የሌሎች ተጨዋቾች ውል ያራዝማሉ ተብሎ ይጠበቃል።

ጅማ እባጅፋር ጳውሎስ ጌታቸውን በዋና እሰልጣኝነት ቀጠረ

ጅማ እባጅፋር ጳውሎስ ጌታቸውን በዋና እሰልጣኝነት ቀጠረ

በቅርቡ ባህርዳር ከተማን የለቀቀው ጳውሎስ ጌታቸው(ማንጎ) እምና ከዘማርያስ ጋር ከተለያየ በኃላ በጊዜያዊ እሰልጣኝ ሲመራ የነበረውን ጅማ እባጅፋርን ለማሰልጠን ከስምምነት ላይ ደርሷል።

ከባህርዳር ጋር ጥሩ ሚባል ዓመት ያሳለፈው ጳውሎስ ጌታቸው ባሳለፍነው የውድድር ዓመት የፋይናንስ ቀውስ እና የወሳኝ ተጨዋቾቹን ማጣት የታየበትን ጅማ እባጅፋር የማሻሻል ከባድ ስራ ይጠብቀዋል።

ጠጣር የተከላካይ ክፍል በመገንባት ሚታወቀው ጳውሎስ ጌታቸው እምና በተደጋጋሚ በእንድ ጨዋታ ብዙ ግቦችን ሲያስተናግድ የነበረውን የጅማ እባጅፋር ተከላካይ ክፍልን እንደገና በእዲስ ተጨዋች ሊያዋቅረው እንደሚችል ይገመታል።