Author: hatricksport team

Hatricksport team

ሀትሪክ በነገው እትሟ የሚወዷት ጓጉተውም የሚያነቧት የዘወትር ማክሰኞ ሀትሪክ ስፖርት ጋዜጣዎ ነገ በገበያ ላይ ትውላለች፤ ሀትሪክ በእትሟ ምን ምን ጉዳዮችን ይዛ ወጥታ ይሆን?


ሀትሪክ በነገው እትሟ
የሚወዷት ጓጉተውም የሚያነቧት የዘወትር ማክሰኞ ሀትሪክ ስፖርት ጋዜጣዎ ነገ በገበያ ላይ ትውላለች፤ ሀትሪክ በእትሟ ምን ምን ጉዳዮችን ይዛ ወጥታ ይሆን?
በሀገር ውስጥ ዘገባዋ በብዙዎች ዘንድ ከፍተኛ ተወዳጅነትን ባተረፈላት THE BIG INTERVIEW አምዷ የሀትሪክ ስፖርት ጋዜጣ ኤክስኪዩቲቭ ኤዲተር እና ጋዜጠኛ የሆነው ይስሀቅ በላይ በአሁን ሰዓት በአልቢትርነት ሙያው የራሱንና የአገራችንን ስም በዓለም አቀፍ ደረጃ እያስጠራ ያለውን ስኬታማውን ኢንተርናሽናል አልቢትር በአምላክ ተሰማን መውጫና መግቢያ አሳጥቶት ያነጋገረውን ቃለ-ምልልስ የምታስነብቦት ሲሆን ሌሎችም መረጃዎችን ጋዜጣዎ ትሰጦታለች፡፡
ሀትሪክ ስፖርት ከበአምላክ ጋር በነበራት ቆይታ አልቢትሩ ለተጠየቀው ጥያቄ በጥቂቱ የሚከተለውን ምላሽ ሰጥቷታል፡፡
“የህዝቡ የደስታ ስሜትና ያሳየኝ ድጋፍ የበለጠ እንድሰራ እንቅልፍ እንዳጣም አድርጎኛል የሚልና
“የሚቀጥለውን የአፍሪካ ዋንጫ ፍፃሜ በመምራት ደስታው የተነጠቀውን ህዝቤን መካስ እፈልጋለሁ፡፡ ያለው ይገኝበታል።
ሀትሪክ በባህር ማዶ ዘገባዋም ለእናንተ ከምታቀርብሎት ውስጥ ለባርሴሎና ፊርማውን ያኖረው አንቷ ግሬዝማን “ከሜሲ ጎን ተሰልፌ ለመጫወት እጅግ በጣም ጓጉቼያለሁኝ” ስላለበት ምላሽ ስለ አርሰናሉ ስፔናዊ አዲስ ፈራሚ ሴባልስ ለክለቡ ስለሚጨምርለት አቅምና ተጨዋቹ ወደ ቡድኑ በመምጣቱ ስለተሰማው ስሜት የማንቸስተር ሲቲው RAHEEM STERLING
“የአዲሱ አመት የሊጉ ፉክክር ከመቼም ጊዜ ይበልጥ ጠንካራ እንደሚሆን ስለመናገሩና የሊቨርፑሉ ግዙፉ ተከላካይ VIRGIL VAV DIJK የወርቅ ኳስ ተሸላሚ መሆን ይችላል ወይንስ አይችልም በሚል ዘገባ ላይ ነገ ሀትሪክን ያገኟታል፤ ሀትሪክ ሌሎችም ሊያነቡት የሚችሉ ዘገባዎች አሏት፤ ሀትሪክ አታምልጥዎት፡፡

የ2012 የተጨዋቾች ዝውውር በኢንተርሚደሪ /ሶስተኛ ወገን/ ብቻ የሚስተናገድ መሆኑ ተገለፀ

የኢትዮጵያ እግር ኳስ ፌዴሬሽን የዓለም አቀፋ እግር ኳስ ፌዴሬሽን /ፊፋ/ የአገር ውስጥና የውጭ አገር ተጨዋቾች ዝውውርን አስመልክቶ ባወጣው መመሪያ መሠረት በቀጣይ በ2012 ዓ.ም ፌዴሬሽኑ በመሚመራቸው ውድድሩሮች ላይ ተሳታፊ የሆኑ ተጨዋቾች በኢንተርሚደሪ /በሶስተኛ ወገን / ብቻ ምዝገባ እንደሚካሄድ አስታወቀ፡፡

ቀደም ሲል ይህንኑ ሥራ ለመስራት የሚያስችለውን የኢንተርሚደሪ /የሶስተኛ ወገን/ ፈቃድ ለሚፈልጉ በሙሉ
በፌዴሬሽኑ መስፈርት መሠረት የፈቃድ መውሰጃ ፈተና በመስጠት 75 የሚሆኑት ተመዝጋቢዎች የመመዘኛ ፈተናውን ማለፋቸውን የአረጋገጡ በመሆናቸው ፈቃዱን ለመውሰድ የፈቃድ ክፍያ እና የኢንሹራንስ ክፍያ በመፈፀም ቅድመ ዝግጅታቸውን እያከናወኑ ይገኛሉ ፡፡

ከሐምሌ 25 /2011 እስከ ጥቅምት 12 /2012 እና ከጥር 1 እስከ ጥር 30 ቀን 2012 ዓ.ም በአንደኛ እና በሁለተኛ ዙር የሚከናወኑት የ2012 ዓ.ም የተጫዋቾች ምዝገባን አስመልክቶ ለኘሪሚየር ሊግ ክለቦች፣ ለከፍተኛ እና ለአንደኛ ሊግ ክለቦች ዛሬ ሐምሌ 18/ቀን 2011 ዓ.ም በተፃፈ ደብዳቤ ከፌዴሬሽኑ ሕጋዊ የሦስተኛ ወገን ፈቃድ በተሰጣቸው ህጋዊ አካላት ብቻ ማስመዝገብ እንደሚገባቸው እና በፌዴሬሽኑ ህጋዊ የሆኑት አካላትም ስም ዝርዝር በደብዳቤ እንደሚላክላቸው የተገለፀ መሆኑን የኢትዮጵያ እግር ኳስ ፌዴሬሽን የአስተዳደር ጉዳዮች ምክትል ፀሐፊ የሆኑት አቶ ሚሊዮን መኮንን ገልፀዋል፡፡
አክለውም “ማንኛውም የአገር ውስጥ እና የውጭ አገር ተጫዋች በተገለፁት የምዝገባ ጊዜያት ለመመዝገብ በሚቀርብበት ወቅት ከፌዴሬሽኑ የሶስተኛ ወገን ፈቃድ ባላቸው እና ሕጋዊ በሆኑት አካላት ብቻ መመዝገብ እንደሚገባቸው” አሳስበዋል፡፡ በመጨረሻም “ይህ አይነቱ አሰራር ለአገራችን እግር ኳስ የራሱ የሆነ በጎ ገጽታ ያለው ሲሆን ለክለቦቻችን በወቅቱ የሚፈጠሩትን የተለያዩ የምዝገባ ስህተቶች በአፋጣኝ ለመፍታት፣ ለፌዴሬሽኑ የገቢ ምንጭ እንዲያገኝ የማስቻል እና ለተጨዋቾች በተደጋጋሚ የሚከሰትን ክስ እና እንግልት ለመቀነስ እንዲሁም የሦስተኛ ወገን ፈቃድ ላላቸው የሥራ እድል መፍጠርን የሚያስችል ነው፡፡ በተጨማሪም የዓለም አቀፋ የእግር ኳስን አሠራር ሂደት የሚከተለውን ዘመናዊ ሥርዓት በአገራችን መተግበሩ በፊፋ እና በካፍ መልካም ገጽታ ለማግኘት የራሱ አስተዋጽኦ እንዲኖረው ያደርጋል በማለት” አስረድተዋል ፡፡

Via- theeff official page

“አለአግባብ ላጣነው የፕሪምየር ሊግ ዋንጫ ማካካሻ አግኝተናል” አሰልጣኝ ውበቱ አባተ (ፋሲል ከነማ)�

ሀትሪክ፡- ፋሲል ከነማ የኢትዮጵያ
ጥሎ ማለፍ ዋንጫን እሁድ ዕለት
አንስቷል፤ በተገኘው ድል ምን ተሰማህ?
አሰልጣኝ ውበቱ፡- በኢትዮጵያ
ጥሎ ማለፍ ዋንጫ ሐዋሳ ከተማን
በማሸነፍ ያገኘነው ድል በውስጤ
የፈጠረብኝ የደስታ ስሜት በጣም
ከፍ ያለ ነው፤ ፋሲል ከነማ እንደ
ልፋቱ፣ እንደ ጥረቱ፣ እና በሜዳ ላይ
እንደሚያሳየው ማራኪ የእግር ኳስ
አጨዋወቱ ከእዚህም በላይ ሌላ ድልም
ይገባው ነበርና ይሄን ዋንጫ በፕሪሚየር
ሊጉ አለአግባብ ላጣነው ዋንጫ እንደ
ማካካሻ ቆጥረነዋል፤ ደስታችንም እጥፍ
ድርብ ሆኗል፡፡
ሀትሪክ፡- ፋሲል ከነማ የጥሎ
ማለፉን ዋንጫ ባያነሳ እንደ ቡድኑ
አሰልጣኝነት በውስጥህ ምን ነገር
ሊፈጠር ይችል ነበር?
አሰልጣኝ ውበቱ፡- ክለባችን
በእዚህ ዓመት የውድድር ተሳትፎው
ላይ ከነበረው ጥንካሬና እስከመጨረሻው
ቀን ድረስም የፕሪሚየር ሊጉን ዋንጫ
ለማንሣት ከመፎካከሩ አንፃር የእሁድ
ዕለቱን የጥሎ ማለፍ ዋንጫ ባያገኝና
ዘንድሮ ያለምንም ስኬት የውድድር
ዘመኑን ቢያሳልፍ ለእኔ ብቻ ሣይሆን
ለቡድኑ ተጨዋቾች እንደዚሁም
ደግሞ በየሜዳው እኛን ለማበረታታት
እየተጓዙ፣ እየተንገላቱ፣ እየተጎዱና
ከፍተኛ መስዋትነትንም እየከፈሉ
ለሚገኙት ደጋፊዎቻችን ጭምር
ሁሉም ነገር አሳዛኝ ይሆን ነበርና በዚህ
ዋንጫ እግር ኳሳዊ ባልሆነ
መንገድ አለአግባብ ላጣነው
ዋንጫ ልንካስ ችለናልና ይሄ
መሆን መቻሉ አስደስቶኛል፡፡
ሀትሪክ፡- እሁድ ዕለት
ከፋሲል ከነማ ጋር ያሳካከው
ዋንጫ ለአንተ አራተኛው
ትልቁ ድልህ ነው ልበል?
አሰልጣኝ ውበቱ፡
– አዎን፤ ወደ አሰልጣኝነት
ህይወት ካመራሁበት ጊዜ
አንስቶ በትላልቅ ደረጃዎች
ሊጠቀሱ የሚችሉ ዋንጫዎችን
አሁን ላይ ሳገኝ አራተኛ ጊዜዬ
ነው፤ እነሱም ከእዚህ ቀደም
በ2002 ዓ.ም ላይ ከደደቢት
ጋር የጥሎ ማለፍ ዋንጫን
በ2003 ዓ.ም ከኢትዮጵያ ቡና
ጋር የፕሪሚየር ሊጉን እና
የአሸናፊዎች አሸናፊ ዋንጫን
እና ከፋሲል ከነማ ጋር እሁድ
ዕለት የተጎናፀፍኩት የጥሎ
ማለፍ ዋንጫ ትልቁ ስኬቶቼ
ናቸውና የበፊቱን ድሎቼን
ያኔ ውጤት ባመጣንበት ወቅት
ለተገኘው ድል ክሬዲቱን በጊዜው ለነበሩት
የቡድኑ አባላቶች ስሰጥ የእሁዱን ደግሞ
ለአሁኑ የቡድናችን አጠቃላይ አባላቶች እና
ለደጋፊዎቻችን መስጠትን እፈልጋለው፡፡
ሀትሪክ፡- የጥሎ ማለፉን ዋንጫ
ያገኛችሁት በፍፁም ቅጣት ምት በማሸነፍ
ነው፤ በእዚህ ዙሪያ እና በሜዳ ላይ
ስለነበረው እንቅስቃሴ ምን ትላለህ?
አሰልጣኝ ውበቱ፡- ከሐዋሳ ከተማ ጋር
ያደረግነውን የፍፃሜ ጨዋታ ቡድናችን
በፍፁም ቅጣት ምት አሸንፎ ዋንጫውን
ለማንሳት ቢችልም የዋንጫ ጨዋታዎች
ብዙ ጊዜ አንድ ነገር ከተሳሳትክ ዋጋ
ልትከፍል የምትችልበት ነገሮች ስላሉና
ጥንቃቄም አድርገህ የምትጫወትበት ሁኔታ
ስላለ ሜዳ ላይ ስለነበረው እንቅስቃሴ ብዙ
ማውራት ትርጉም ያለው አይመስለኝምና
በእሁድ ዕለቱ ጨዋታ የእግር ኳሱ አንዱ
አካል በሆነው የፍፁም ቅጣት ምት አሸንፈን
ዋንጫውን ስላነሳንና በኢንተርናሽናል
የውድድር መድረክም ፋሲል ከነማን
ለመጀመሪያ ጊዜ እንዲሳተፍ መንገዱን
ስላመቻቸንለት ይሄ ሊያስደስተኝ ችሏል፡፡
ሀትሪክ፡- በፍፃሜው ጨዋታ ከሐዋሳ
ከተማ ጋር ለመሸናነፍ ወደ ፍፁም ቅጣት
ምቶቹ ስታመሩ ምን አልክ?
አሰልጣኝ ውበቱ፡- የፍፁም ቅጣት
ምቶች የጨዋታው አንድ አካል
ቢሆኑም ሁሌም ግን ከዕጣ
ያልተናነሱ ነገሮች ናቸው፤
በዚህ የፍፁም ቅጣት ምት ጊዜም
በዕለቱ ጥሩ ሲጫወቱ የነበሩት
የእነሱ መስፍን፣ ካቻና የእኛው
ደግሞ በዛብህን የመሳሰሉ
ተጨዋቾች የሳቱበት አጋጣሚ
ስለነበር ወደዛ ከማምራታችን
በፊት ምነው 30 ደቂቃ
ቢጨመር የሚል ነገር ነበር
በውስጤ ሲመላለስ የነበረውና
ቡድናችን ይሄ ዋንጫ ይገባው
ስለነበር በመለያ ምት ልናሸንፍ
ችለናል፡፡
ሀትሪክ፡- ፋሲል ከነማ
የጥሎ ማለፉ አሸናፊ በመሆኑ
በአፍሪካ ኮንፌዴሬሽን ካፕ ላይ
ይሳተፋል፤ በእዚያ ውድድር ላይ
ቡድናችሁ ስለሚኖረው ቆይታ
ምን ትላለህ?
አሰልጣኝ ውበቱ፡- የፋሲል
ከነማ እግር ኳስ ክለብ በዘንድሮው
የፕሪሚየር ሊጉ ተሳትፎ
በሜዳ ላይ ያሳየው የጨዋታ
እንቅስቃሴ ደጋፊን በኳስ
ያረካ፣ በርካታ ጎል ያስቆጠረ
ትንሽ ግብ ብቻ የተቆጠረበት
እና ከፍተኛ ብርታትንም
የሚሰጡት ብዙ ደጋፊ ያለው
ቡድን ከመሆኑ አኳያ በቶታል
የአፍሪካ ኮንፌዴሬሽን ካፕ ላይ
የሚኖረው የውድድር ተሳትፎ
ጥሩ ይሆንለታል፡፡
ሀትሪክ፡- በመጨረሻ….?
አሰልጣኝ ውበቱ፡- የኢትዮጵያ ፕሪሚ
የር ሊግ የእዚህ ዓመት ተሳትፎአችንን እግር
ኳሳዊ ነገሮች ባልነበሩበት ሁኔታ ዋንጫውን
ብናጣም የጥሎ ማለፉ ባለድል ሆነን በእዚሁ
ልንካስ ችለናልና ለእዚህ ላበቃን ፈጣሪያችን
ክብርና ምስጋና ይግባው፡፡

ሀትሪክ ስፖርት በማክሰኞ እትሟ ተወዳጅ ጋዜጣዎ ሀትሪክ ስፖርት እነዚህን ዘገባዎች በማክሰኞ እትም ይዛ ወጥታለች።

ሀትሪክ በሀገር ውስጥ ዘገባዋ ከፍተኛ ተወዳጅነትን ባተረፈላት THE BIG INTERVIEW አምዷ በአሁን ሰዓት በካናዳ ቶሮንቶ ከተማ ኑሮውን ያደረገውና በስልጠና ሙያ ላይ የተሰማራው የቀድሞ የኢትዬጵያ መድን አሰልጣኝ አባይነህ ማሞ ስላሳለፋቸው የስልጠና ህይወቱ እና አሁን ስለሚገኝበት ሁኔታ እንደዚሁም በሌሎች ተያያዥ ጉዳዬች ላይ ከጋዜጣው ኤክስኪዩቲቭ ኤዲተር እና ጋዜጠኛ ከሆነው ይስሀቅ በላይ ጥያቄዎች ቀርቦለት ምላሽን ሰጥቷል።
ሀትሪክ የኢትዮጵያ ዋንጫን አስመልክቶም የውድድሩ ሻምፒዬና ከሆነው የፋሲል ከነማ አሰልጣኝ ውበቱ አባተ እና ተጨዋቹ ሱራፌል ዳኛቸው ጋር በቡድኑ ስኬታማነት ዙሩያ ቆይታ አድርጋለች ተከታተሏት።
ሀትሪክ በባህር ማዶ ዘገባዋም የእንግሊዝ ፕሪምየር ሊግ እና የአውሮፓ ሀገራት የውስጥ ውድድር ከመጀመሩ በፊት በክለቦች የተጨዋቾች ዝውውር እና ተጨዋቾቻቸው ስለቡድኖቻቸው በሰጡት አስተያየት ዙሪያ መረጃን ይዛሎት ቀርባለች።
ሀትሪክ አታምልጦት ያንብቧት።

የኢትዮጵያ ክለቦች ሻንፒዮና በአዳማ ከተማ እሁድ ሐምሌ 14/2011ዓ.ም ይጀመራል፡፡

 

የኢትዮጵያ ክለቦች ሻንፒዮና ከስምንት ክልሎች እና ከሁለት ከተማ መስተዳድሮች ከተውጣጡ 37 የእግር ኳስ ቡድኖች መካከል ከሐምሌ 14 እስከ ነሐሴ 4/2011ዓ.ም በአዳማ ከተማ ይካሄዳል፡፡ በውድድሩ ኦሮሚያ፤ አማራ፤ ትግራይ፤ ደቡብ፤ አፋር፤ ቤኒሻንጉል፤ ጋምቤላ፤ ሐረሪ ክልሎች እነዲሁም አዲስ አበባ እና ድሬዳዋ ከተማ መስተዳድሮች ሲሳተፉ ሶማሌ ክልል በዚህ ውድድር እነደማይሳተፍ ታውቋል፡፡ በዚህ የክልል ክለቦች ሻንፒዮና የተሻለ ውጤት የሚያስመዘግቡ 8 ክለቦች የኢትዮጵያ አንደኛ ሊግ ተሳታፊነታቸውን የሚያረጋግጡ ይሆናል፡፡ የእጣ ማውጣት እና የምድብ ድልድል የሁሉም ክለብ ተወካዮች በተገኙበት ቅዳሜ 8፡30 አዳማ በሚገኘው የቀበሌ 12 አዳራሽ ይካሄዳል፡፡

ተ.ቁ ክልል የክለቡ ስም
1 ኦሮሚያ ክልል ዶዶላ እግር ኳስ ክለብ
2 ኦሮሚያ ክልል ስሉልታ እግር ኳስ ክለብ
3 ኦሮሚያ ክልል ኤጀሬ እግር ኳስ ክለብ
4 ኦሮሚያ ክልል ሃሳሳ እግር ኳስ ክለብ
5 አማራ ክልል ደጀን ከተማ እግር ኳስ
6 አማራ ክልል የሸዋሮቢት እግር ኳስ
7 አማራ ክልል የዳሞት እግር ኳስ
8 አማራ ክልል ሞጣ ከተማ እግር ኳስ
9 ደቡብ ክልል ሾኔ ከተማ እግር ኳስ ክለብ
10 ደቡብ ክልል ምዕራብ አባያ እግር ኳስ ክለብ
11 ደቡብ ክልል ደውሮ አላላ እግር ኳስ ክለብ
12 ደቡብ ክልል ፕላኔት እግር ኳስ ክለብ
13 ትግራይ ክልል አውዜን እግር ኳስ ክለብ
14 ትግራይ ክልል አድዋ ውሃ አገልግሎት እግር ኳስ ክለብ
15 ትግራይ ክልል ኮረም ከተማ እግር ኳስ ክለብ
16 ትግራይ ክልል ፍራሆም እግር ኳስ ክለብ
17 ቤንሻጎል ጉሙዝ ክልል ኩርሙክ ከነማ እግር ኳስ ክለብ
18 ቤንሻጎል ጉሙዝ ክልል መንጌ ቤንሻጉል እግር ኳስ ክለብ
19 ቤንሻጎል ጉሙዝ ክልል ባንቢስ ከነማ እግር ኳስ ክለብ
20 ቤንሻጎል ጉሙዝ ክልል ካማሽ ከነማ እግር ኳስ ክለብ
21 ጋምቤላ ክልል ጅኮ ከተማ እግር ኳስ ክለብ
22 ጋምቤላ ክልል መኩይ እግር ኳስ ክለብ
23 አፋር ክልል ሰመራ ሎጊያ ከተማ እግር ኳስ ክለብ
24 አፋር ክልል አሳይታ ከተማ እግር ኳስ ክለብ
25 አፋር ክልል አዋሽ ከተማ እግር ኳስ ክለብ
26 ሐረር ክልል ሀረር ዩናይትድ እግር ኳስ ክልብ
27 ሐረር ክልል አባድር ወረዳ እግር ኳስ ክለብ
28 ሐረር ክልል ሶፈ ወረዳ እግር ኳስ ክለብ
29 ሐረር ክልል አሚርኑር ወረዳእግር ኳስ ክለብ
30 አዲስ አበባ ከተማ መከላከያ እግር ኳስ ክለብ
31 አዲስ አበባ ከተማ አቃቂ ማዞሪያእግር ኳስ ክለብ
32 አዲስ አበባ ከተማ አዲስኮቴ እግር ኳስ ክለብ
33 አዲስ አበባ ከተማ ሲልቫ እግር ኳስ ክለብ
34 ድሬዳዋ ከተማ አኳድሬ እግር ኳስ ክለብ
35 ድሬዳዋ ከተማ 04 ቀበሌ እግር ኳስ ክለብ
36 ድሬዳዋ ከተማ ሀረር ቡና እግር ኳስ ክለብ
37 ድሬዳዋ ከተማ ዋልያ እግር ኳስ ክለብ

Via – theeff offical website

“የሠላም መስበኪያ መድረክ የሆነው እግር ኳሳችን ላይ ዘረኝነት መንፀባረቁ አሳፋሪ ነው…”� ሙጂብ ቃሲም /ፋሲል ከነማ/

ሀትሪክ፡- የልጅነት ህልምህን እየኖርክ
ነው ወይስ?
ሙጂብ፡- ህልሜ ላይ እየኖርኩ ነው፡፡
መሆን የምሻው እግር ኳስ ተጨዋች መሆን
ነበር፡፡ ትምህርቴን እያቋረጥኩ ነበር ኳስ
ስጫወት የነበረውና…. ህልሜ ላይ ፍላጎቴ
ላይ እየኖርኩ ነው ማለት እችላለው፡፡
ሀትሪክ፡- በክለብ ደረጃ የት የት
ተጫወትክ?
ሙጂብ፡- የኳስ ህይወቴ የጀመረው
በሲዳማ ቡና ነው…. ከዚያ ውጪ
የተጫወትኩባቸው ክለቦች ሀዋሳ ከተማ፣
አዳማ ከተማና ፋሲል ከነማ ናቸው፡፡
ሀትሪክ፡- ለአንተ የህይወት ጉዞ ስኬት
ወይም አሁን ለደረስክበት ደረጃ እንድትደርስ
አድርጓል የምትለው ባለውለታ አሰልጣኝ
ማነው?
ሙጂብ፡- ትልቅ ምስጋናዬን የማቀርብ
ለትና የማመሰግነው የሲዳማ ቡናው ዋና
ስራ አስኪያጅ መንግሥቱ ሳሳሞ ነው፡
፡ ከርሱ ውጪ በወቅቱ አሰልጣኝ የነበረው
ታረቀኝ ትልቁን ድርሻ ይወስዳሉ፡፡ ከወረዳ
ውድድር ላይ አግኝተው አስፈርመው
በህልሜ ላይ እንድኖር አድርገውኛልና ከልብ
አመሰግናቸዋለው፡፡
ሀትሪክ፡- በኮከብ ግብ አስቆጣሪነት ፉክክር
ላይ ነህ በ29ኛው ሳምንት ደግሞ ፎርፌ
አግኝታችኋል በዚህም 3 ግብ ለክለባችሁ
ተሰጥቷል ግቦቹ ለኔ በሆኑ ወይም በስሜ
በተመዘገበ አላልክም?
ሙጂብ፡- (ሳቅ በሳቅ) አዎ
ብያለው፡፡ በጣም ሳስበው ሁሉ
ነበር… ሆኖም ግን ዋናው ነጥቡ
ለክለቡ የሚያስፈልግ በመሆኑ
ባገኘነው 3 ግብም ተደስቻለሁ
በርግጥ ብንጫወት ደስ ይለኝ
ነበር ነገር ግን አጋጣሚው ለኛ
ጥሩ በመሆኑ አልተከፋሁም፡፡
ሀትሪክ፡- በዘንድሮው 29
ጨዋታ ነጥብ በመጣላችሁ
የተከፋህበት.. ስላሸነፋችሁ
ደግሞ የተደስትክበት
ጨዋታዎች የትኞቹ ናቸው?
ሙጂብ፡- ጎንደር ላይ
ከደቡብ ፖሊስ ባደረግነው
ጨዋታ በቃ አሸንፈናል
ብለን ርግጠኝነት በተሰማን
ሰዓት የተቆጠረብን ግብ
አቻ አድርጎናል በዚህም
በጣም ተበሳጭቻለሁ…
በ ማ ሸ ነ ፋ ች ን
የተደሰትኩበት ደግሞ
ጅማ አባጅፋርን 6ለ1
የረታንበት ጨዋታ ነው፡
፡ በዚህ ጨዋታ አራት
ግብ አስቆጥሬያለው
በውጤቱም ደረጃችንን
ማሻሻል በመቻላችን ደስተኛ ነበርኩ፡፡
ሀትሪክ፡- ተጨዋች በሆንክባቸው ክለቦች
ለአሰልጣኝ ገንዘብ ሰጥተህ ወይም ተጠይቀህ
አታውቅም?
ሙጂብ፡- በፍፁም ሰጥቼም አላውቅም
የጠየቀኝ አሰልጣኝም የለም፡፡ በዚህ በኩል
እድለኛ ነኝ የፈረምኩት አምነውብኝ ባናገሩኝ
አሠልጣኞች በመሆኑ ገንዘብ ለመክፈል
አልተገደድኩም፣ የማወራው የእውነቴን ነው
ገጥሞኝም አያውቅም፡


ሀትሪክ፡-የአመቱ ልፋት የሚወሰነው
ከስሁል ሽረ ጋር በሚደረግ ጨዋታ ነው ምን
ውጤት ይጠበቅ?
ሙጂብ፡- የጨዋታው ስሜት ከባድ
ነው… ከባድ ትግልም ይጠብቀናል እኛ ጋር
ያለው ስሜትና የሚጠበቀው የግድ ማሸነፍ
በመሆኑ ያንን ለማድረግ ተዘጋጅተናል ከፈጣሪ
ጋር እናሳካለን ብለን እናምናለን ግዴታ
ማሸነፍ የሚጠበቅብን ጨዋታ እንደመሆኑ
ለሜዳው ላይ ፍልሚያ ተዘጋጅተናል፡፡ 90
ደቂቃ ይለየናል ከባድ ስሜት ያለበት ጨዋታ
ነውና ማሸነፍ ዋንጫ ከማንሣት ጋር የተያያዘ
በመሆኑ የምንችለውን እናደርጋለን፡፡
ሀትሪክ፡- በጨዋታው በዳኛ ስህተት
ወይም በሌላ የውጪ ኃይል አሸናፊው
መታወቅ የሌለበት ጨዋታ ደስ ይላል ከዚህ
አንፃር ለሽሬው ጨዋታ ምን መደረግ አለበት
ትላለህ?
ሙጂብ፡- አሁን ያለው የኳሱ ሁኔታ
የሚታወቅ ነው ኳሱና ፖለቲካው አንድ
መሆኑ የኳሱ እድገት ላይ ተፅዕኖ ፈጥሯል
ያ ስሜት ስላለ ጥንቃቄ ያስፈልገዋል፡፡ ትልቅ
ደርቢ እንደመሆኑና የዋንጫ ጨዋታ ስለሆነ
ጥንቃቄና ጥበቃ ያስፈለገዋል፡፡ ከባድ ጨዋታ
ነው ትልቅ ትርጉም ያለውም በመሆኑ
ፌዴሬሽኑ ትልቅ የቤት ሥራ አለበት፡፡
ጨዋታው በሠላም እንዲጠናቀቅ እመኛለው፡፡
ሀትሪክ፡-በሀገራችን እግር ኳስ ላይ
ዘረኝነቱ ተንሰራፍቷል እዚህ ላይ የምትለው
አለ?
ሙጂብ፡- እግር ኳስን ጨምሮ አጠቃላይ
ስፖርት ከዘረኝነት ነፃ የሆነ መድረክ ነው፡
፡ ብዙ ጊዜ የሚሰራው እንዲህ እንዲሆን
ነው በኛ ሀገር ግን አሁን ላይ ያለው ሁኔታ
ያስጠላል ዘረኝነቱ ኳሱ የሠላም መስበኪያ
መድረክ የሆነው እግር ኳሳችን ላይ ዘረኝነት
መንፀባረቁ አሳፋሪ ነው… ክለብ ሲደገፍም
ፖለቲካና ብሔርተኝነት ይንፀባረቅበታል
ከዚህ በኋላም ካልተስተካከለ አደጋ አለው
ደጋፊውም የኳሱ ባለድርሻም ከዘረኝነት ነፃ
ሆኖ ነው ኳስን መመልከት ያለበት፡፡
ሀትሪክ፡- ይሄ የዘረኝነቱን ችግር
ለማስወገድ የቀረበው ሃሳብ ፎርማቱ ይቀየር
የሚል ነው፡፡ ፎርማቱ ይቀየር ወይስ?
ሙጂብ፡- በፍፁም አልስማማም….
ፎርማቱ መቀየር የለበትም… በሀገር ደረጃ
ካለው ችግር አንፃር መታሰቡን እረዳለሁነገር ግን መፍትሔ አይሆንም ሁሉም ራሱን
የማረም ርምጃ ሲወስድ ብቻ መፍትሔው
የሚመጣው…. እንደ ተጨዋች ግን ፎርማቱ
ይቀየር በሚለው አልስማማም፡፡ የኳሱን
እድገት ከማቆሙም ውጪ ህዝብን ከህዝብ
የሚያራርቅ በመሆኑ ፎርማቱ ይቀየር
በሚለው አልስማማም፡፡ ፕሪሚየር ሊጉ
ባለበት ሆኖ የስፖርት ቤተሰቡንና ባለ ድርሻ
አካላት ማስተማርና መለወጥ የሚለው
መቅደም አለበት ባይነኝ፡፡
ሀትሪክ፡- ክልል ወጥቶ ወይም ከሜዳ
ውጭ ማሸነፍ ከባድ ሆኗል…ይሄንንስ
እንዴት አየኸው?
ሙጂብ፡- የአቅም ማነስ ነው ብዬ
አላስብም፡፡ በእርግጥም የሚታይ ተፅዕኖ
ይኖረዋል፡፡ በተለይ የደጋፊ ተፅዕኖ ከባድ
ነው ከሜዳ ውጪ ስትጫወት ብዙ ተፅዕኖዎች
ስላሉ እንደ ሜዳህ መጫወት አትችልም
ሁኔታው ከባድ ነው፡፡
ሀትሪክ፡- ብዙዎች ከሜዳ ውጪ
ስንጫወት የዳኛ ተፅዕኖ አለ ይላሉ… አንተስ?
ሙጂብ፡- በርግጥ ተፅዕኖ አለ…. የዘንድሮ
ፕሪሚየር ሊግ ከበድ ያለ ቢሆንም ያንን
ተቋቁመው እዚህ ደረጃ መድረሳቸው ጥሩ
ነው… ተፅዕኖው እንዳለባቸው ግን ይገባኛል
በየሜዳው ያለው የደጋፊ ተፅዕኖ የስፖርታዊ
ጨዋነት ችግር ተቋቁመው ማጫወታቸው
ግን እንደእኔ ትልቅ ነገር ነው፡፡
ሀትሪክ፡- ፋሲል ከነማ በጨዋታው
ተበልጦ ሳይሆን በዳኛ ስህተት የተሸነፈበት
ግጥሚያ አለ?
ሙጂብ፡- እርሱማ አይጠፋም.. ሀዋሳ
ላይ በነበረን ጨዋታ የፌር ፕሌይ ግብ
ተቆጥሮብናል፡፡ ያንን ጨዋታ አሸንፈን ቢሆን
ኖሮ የተሻለ ነጥብ ይኖረን ነበር በዚያ ቅር
ብሎኛል፡፡
ሀትሪክ፡- የፋሲል ከነማ ደጋፊዎች
ድጋፍንስ እንዴት ትገልፀዋለህ?
ሙጂብ፡- ደጋፊዎቻችን በክለባቸው
የማይደራደሩ ጠንካሮች ናቸው የነርሱ ጥንካሬ
ነው እዚህ ደረጃ ላይ ያደረሰን… ከጀርባችን
ሁሌ የማይጠፉ ለክለባቸውና ለተጨዋቾቹ
ያላቸው ክብርና ፍቅር የሚያስደስት ነው
ምርጥ ደጋፊዎችን ስለያዝን ደስተኞች ነን…
ሀትሪክ፡- ከ15ቱ የሊጉ ክለቦች መሃል
የፋሲል ከነማ የተለየ መገለጫ የትኛው ነው?
ሙጂብ፡- አሰልጣኛችን ውበቱ አባተ
የሚታወቀው ኳስን መሰረት አድርጎ
በመጫወቱ ነው፡፡ ያንን ነገር ነው የሰራነው..
ቡድናችን በይበልጥ ኳስን ተቆጣጥሮ
የሚጫወት ቡድን ነው ቶሎ ቶሎ ወደ
ግብ ይደርሳል ብዙ ግብ ነው እያስቆጠርን
የነበረው… በተለይ ከ2ኛ ዙር በኋላ በይበልጥ
የማጥቃት አቅማችን እንደ ቡድን ምርጥ
ነው… ይሄ ነው ልዩነታችን፡፡
ሀትሪክ፡- ፋሲል ከነማን የመረጥከው
ብቸኛ የጠየቀህ ክለብ እሱ ስለሆነ ነው?
ሙጂብ፡- ቅዱስ ጊዮርጊስ፣ ኢትዮጵያ
ቡናና መከላከያ አናግረውኛል… ነገር ግን
ምርጫዬ ፋሲል ስለነበር ወደዚያ አቅንቻለሁኝ
በዚህ ደግሞ ደስተኛ ነኝ፡፡
ሀትሪክ፡- የአሰልጣኝ ውበቱ አባተ ትልቅ
አቅም የምትለው ምኑን ነው?
ሙጂብ፡-አሰልጣኝ ውበቱ ያለው አቅም
የሚታወቅ ነው ምንም ጥርጥር የለውም
በሚገባ ታታሪ የሆነ አሰልጣኝ ነው ቡድኑን
ጠንካራ የማድረግ አቅሙ በግል ከተጨዋች
የሚፈልገውን ለማግኘት የሚያደርገው ጥረት
ልዩ መለያው ነው፡፡ ጠንካራ አሰልጣኝ
በመሆኑ ቡድኑን ጠንካራ አድርጎታል
በአሰልጣኛችን ደስተኛ ነኝ፡፡
ሀትሪክ፡-ያንተ ምርጡ አሰልጣኝ ማነው?
ሙጂብ፡- አሰልጣኝ ውበቱ አባተ ነዋ….
ይሄማ ጥርጥር የለውም፡፡
ሀትሪክ፡-አሁን እያሰለጠነህ ስለሆነ
ፈርተህ ነው?
ሙጂብ፡- (ሳቅ በሳቅ) በፍፁም አይደለም
ሀዋሳ እያለሁ አሰልጥኖኛል እዚህም አብረን
ነን ለኔ ምርጡ እርሱ ነው፡፡
ሀትሪክ፡-በፋሲል ደጋፊዎች ትወደዳለህ…
ይገባኛል የሚል አቋም አለህ…?
ሙጂብ፡- (ሣቅ) የመውደዱ ነገር
የደጋፊው እይታ ይመስለኛል… እኔ ስራዬን
በታማኝነት መስራት ነው የሚጠበቅብኝ…
ደጋፊው ሊጠላህም ሊወድህም ይችለል፡
፡ በእርግጥ ደጋፊ ከሚጠላህ ቢወድህ
ይመረጣለና በደጋፊዎቹ በመወደዴ ደስተኛ
ነኝ፡፡ የደጋፊ ጫና ከባድ ነው ሀዋሳ
እያለሁ ይሄ ነገር አጋጥሞኝ እንደምንም
ተቋቁሜዋለው እዚህ ፋሲል ከነማ ግን ድጋፍ
እንጂ ጫና የለብኝም፡፡


ሀትሪክ፡-አብሬው ብጫወት ደስ ይለኛል
የምትለው ተጨዋች ማነው?
ሙጂብ፡- አሁኝ የለም … በፊት ግን
ከሙሉጌታ ምህረት ጋር የመጫወት ህልም
ነበረኝ… ኳስ ሊያቆም አካባቢ ከርሱ ጋር
ተጫውቼ ፍላጎቴን አሳክቻለሁ፡፡
ሀትሪክ፡-የፋሲል ከነማ የቡድን አጋርህ
አይናለም ኃይለ ውድድሩ ፕሪሚየር ሊግ
አይባል የረብሻ ወይም የድብድብ ሊግ ይባል
ሲል ባለው ሁኔታ ቅሬታውን ገልጿል…
ሙጂብስ ምን ይላል?
ሙጂብ፡- (ሳቅ በሳቅ)
አዎ እውነቱን ነው…
ከባድ ነው… አሁን
ያለው ሁኔታ
ያሰጋል… አይናለም
እንዳለው ሁኔታው
ያስጠላል ክለቦች
በምን አይነት
መልኩ ውጤት
እ ን ደ ሚ ያ መ ጡ
እየሰማንና እያየን ነው፡፡
ደጋፊዎች ውጤት እያስለወጡ
ነው… ዘረኝነቱ ሰፍቷል…
እውነት ነው ሊጉ ከጨዋታ
ይልቅ የረብሻ ሊግ ነው ቢባል
ነው የሚቀለው…የምናየው
መጥፎ ሁኔታ እንዲስተካከልና
ሠላም እንዲሆን እመኛለው
በዚህ ከቀጠለ ግን ለኳሱ
ከባድ አደጋ ነው የተሻለና
ጥሩ ጊዜ እንዲመጣ ተስፋ
አደርጋለው፡፡
ሀትሪክ፡- ጠቅላይ
ሚኒስትር ዶ/ር አብይ
አህመድ በሌለ ኳስ ላይ
ረብሻው ከቀጠለ ድብድቡ
ካልቆመ እጃችንን
እንሰበስባለን ሲሉ
ተናግረዋል.. ይሄስ
ስጋት አይፈጥርም?
ሙጂብ፡-
በርግጥ ኳሱ ገና ነው
ገና ብዙ የሚቀሩት
ጉዳዮች አሉ…
የደጋፊዎች የእርስ
በርስ ድብድብ
ለሰው ልጆች
ህልፈት ምክንያት
እየሆነ ነው በዚያ
ላይ ኳሱ አለማደጉ
በራሱ ያበሳጫል…
በጣም ከባድ ችግር
ነው፡፡ ሁኔታው
ከቀጠለ ለኳሱ
አደጋ ይሆናል ብዬ
እየሰጋው ነው፡፡
ሀትሪክ፡-ከ40 -60
ሚሊዮን ብር በአመት
እየወጣ ሽልማቱ 150 ሺ ብር
መሆኑ አይገርምም?
ሙጂብ፡- (ሣቅ) ሁሌ የማስበው
ነገር ነው፡፡ ሽልማቱ 150 ሺ ብር ሲባል
ያስቃልኮ.. ሁሌ ባወራው የምፈጥረው
ነገር ስለሌለ ለራሴ አውርቼ ነው ዝም
የምለው… በጣም የሚያሳዝን ነገር
ነው፡፡ ገንዘቡ ቀርቶ የክብር ሽልማት
ቢሰጥኮ ይሻላል… ገንዘቡ ምንም
ትርጉም የለውም ማሸነፍ ዋንጫ
መውሰድ ብቻ ነው ትርጉሙ.. ያንን
ሳስብ አፍራለው፡፡
ሀትሪክ፡- እድል ቢሰጥህ
ኢትዮጵያ ውስጥ መቀየር
ወይም ማድረግ የምትፈልገው
ምንድነው?
ሙጂብ፡- በየጊዜው
ባይሆንም በየሁለት
የአፍሪካ ዋንጫ ላይብንሳተፍ ደስ ይለኛል፡፡ ሰፊ ጊዜ እየተቆጠረ
ከመድረኩ ከምንርቅ ሌላው ቢቀር በጥቂት
የአፍሪካ ዋንጫ ላይ ብንገኝ ደስ ይለኛል ይሄ
ታሪክ ተቀይሮ ማየት እፈልጋለሁ፡፡
ሀትሪክ፡- ፕሮፌሽናል ተጨዋች የመሆን
እድል አግኝተህ ነበር.. እንዴት ነበር?
ሙጂብ፡- ለ25 ቀናት የሙከራ እድል
ሞርኮ ሄጄ ነበር…ሙከራው ባይሳካም
በቀጣይም እሞክራለው
ሀትሪክ፡-የሞሮኮና የኢትዮጵያን የኳስ
ልዩነት ታዘብክ?
ሙጂብ፡- በጣም ሰፊ የሆነ ልዩነትማ
አለ፡፡ አንገናኝም.. በቡድን አደረጃጀት፣
በስታዲየም ጥራት ሜዳ ላይ ባለው ስልጠና
ሰማይና ምድር ነን… በእውነት አንገናኝም
ይሄን ታዝቤያለው፡፡
ሀትሪክ፡-ለኢትዮጵያ ምን ትመኛለህ?
ሙጂብ፡- ያለ ጥርጥር ሠላምን እመ
ኛለው… ሠላም ለሁሉም ነገር ወሳኝ ነው
በተለይ ለኢትዮጵያና ለኢትዮጵያውያን ዋና
ጉዳይ ነው…. ሠላም ከሌለ እንደ ሀገር እንደ
ዜጋ እንደ ተጨዋች መኖር አይቻልም
ኳሱም የሚኖረው ሠላም ሲመጣ ነው…
ያንን ሠላም ለማምጣት ሁሉም ኢትዮጵያዊ
ሊያስብበት ይገባል በተለይ ኳሱ ላይ ሠላም
እንዲመጣ የማድረግ አቅም ያለው ደጋፊው
ነው ተጨዋቹ 22 ሆኖ ነው ወደ ሜዳ
የሚገባው ከነርሱ ጀርባ ያለው ተመልካች ነው
ዋነኛ ባለድርሻ… እንደ ሀገር አሁን ያለውን
ሁኔታ ያሳስበኛል….ሠላም እንዲሆን ሀገሪቷ
እንድትረጋጋ እፀልያለው፡፡ ሀገሬን አላህ
ሠላም ያደርጋት ነው የምለው፡፡
ሀትሪክ፡- ለስፖርታዊ ጨዋነት መጓደልኮ
የተጨዋቾችም እጅ አለበት… ደጋፊ
የሚያነሳሱ ተጨዋቾች፣ አሰልጣኞች የቡድን
መሪዎች አሉ፤… እዚህ ላይ ምን ትላለህ?
ሙጂብ፡- አዎ ትክክል ነው ያ ግን
ከስሜታዊነት የሚመነጭ ይመስለኛል፡፡
ሁሉም ስሜቱን መቆጣጠር እንዳለበት ግን
አምናለሁ፡፡ የተጨዋቾች አንዳንድ ድርጊት
በርግጥም በተቃራኒ ቡድን ደጋፊዎች ላይ
ተፅዕኖ ይፈጥራልና ሁሉም ባለድርሻ አካል
ስህተቱን ማረም አለበት ማለት እፈልጋለሁ፡፡
ሀትሪክ፡- የሚከፈለው ደመወዝና የናንተ
የኳስ ደረጃ አይገናኝም…. ክፍያው በዝቷል
የሚሉ አሉ… ትስማማለህ?
ሙጂብ፡- አልስማማም… እንደተጨዋች
ሳየው ያንሳል ባይ ነኝ፡፡ እንደ ሀገሪቱ እግር
ኳስ ደረጃ ካየነው ግን ልዩነት አለው፡፡
አፍሪካም ውስጥም ያለው ነገር ተመሳሳይ
ነው ለምን የኛ እንደሚጋነን አልገባኝም፡፡
ሀትሪክ፡-ትዳር እንዴት ይዞሃል…. አሪፍ
ነው?
ሙጂብ፡- አሪፍ ትዳር አለኝ ባለቤቴ
ኢማን ስሩር ትባላለች… ትዳር ከመሰረትን
5 አመታችን ነው፡፡ ሲዳማ እያለሁ ነው
ያገባኋት… ደስተኛ መሆኔንንና እንደምወዳት
ልነግራት እፈልጋለው… በህይወቴ ላይ ከባድ
ተፅዕኖ ያሳረፈች ምርጥ ሚስቴ ናት፡፡
ሀትሪክ፡-ሲዳማ ቡናን በተቃራኒ
ገጥመህ ግብ አስቆጥረህ ታውቃለህ…
አስቆጥረህስ ጨፈርክ?
ሙጂብ፡- ተቃራኒ ሆኜ ገጥሜ
ግብ አስቆጥሬያለሁ ስሜቱ ከባድ
ነው…እያጠቁን በነበረበት
ሰዓት ያስቆጠርኩት ግብ
በመሆኑ ማሊያዬን አውልቄ
ጨፍሬያለሁ… በኋላ
ሳናግራቸው ቅር ብሏቸዋል
ለካ እንደዚህ ማድረግ
አልነበረብኝም አልኩ…
ግቧ ወሳኝ መሆኗን
ብቻ ነው ያሰብኩትና
የጨፈርኩት፡፡
ሀትሪክ፡-አሁን
ለነርሱ ጥሩ መመኘት
አይከብድህም?
ሙጂብ፡- (ሳቅ)
አሁንማ የዋንጫ
ተፋላሚ ናቸው የደርቢ
ተፋላሚያችን ናቸውኮ /
ሳቅ/
ሀትሪክ፡-ሙጂብ በምን
ዘና ይላል?
ሙጂብ፡- በፕሌይ
ስቴሽን… ፕሌይ ስቴሽን ደስ
ይለኛል፡፡
ሀትሪክ፡-ጨረስኩ..
የምታመሰግነው ሰው ካለ?
ሙጂብ፡- ውዷ ባለቤቴን ኢማንን በጣም
አመሰግናለሁ፡፡

ኢትዮጵያ ቡና ስፖርት ክለብ የጥሎ ማለፍ ውድድርን አስመልክቶ ላቀረበው ጥያቄ ምላሽ ተሰጠ

በኢትዮጵያ እግር ኳስ ፌዴሬሽን አዘጋጅነት እየተካሄደ በሚገኘው የ2011 ዓ.ም የጥሎ ማለፍ ውድድር ሐምሌ 11 ቀን 2011 ዓ.ም ኢትዮጵያ ቡና ከ ሐዋሳ ከተማ እግር ኳስ ክለብ ጋር ለመጫወት ኘሮግራም መውጣቱ ይታወቃል፡፡ ይሁን እንጂ የኢትዮጵያ ቡና እግር ኳስ ክለብ ሐምሌ 5 ቀን 2011 ዓ.ም በፃፈው ደብዳቤ ይህንን ጨዋታ ማካሄድ እንደማይችል ለኢትዮጵያ እግር ኳስ ፌዴሬሽን አሳውቋል ፡፡ ፌዴሬሽኑም ይህንኑ መሠረት በማድረግ ለተጋጣሚው ሐዋሳ ከተማ እግር ኳስ ክለብ በደብዳቤ ለቀጣዩ ጨዋታ ማለፋን ከገለፀ በኋላ የኢትዮጵያ ቡና እግር ኳስ ክለብ በድጋሚ ሐምሌ 8 ቀን 2011 ዓ.ም ለፌዴሬሽኑ በፃፈው ደብዳቤ ቀደም ሲል ሐምሌ 5 ቀን 2011 ዓ.ም መሳተፍ እንደማይፈልግ የገለፀበትን ደብዳቤ በመሻር የጥሎ ማለፋን ውድድር ለማካሄድ ዝግጁ መሆኑን አሳውቋል፡፡
ይሁን እንጂ የኢትዮጵያ እግር ኳስ ፌዴሬሽን የሊግ ኮሚቴ በጉዳዩ ላይ በመወያየት በመጀመሪያው ደብዳቤ የኢትዮጵያ ቡና ያቀረበውን ጥያቄ መሠረት በማድረግ ወስኖ ለተጋጣሚው ቡድን ያሳወቀ በመሆኑ ሐምሌ 8/2011 ዓ.ም የተፃፈውን የጥያቄ ደብዳቤ ያልተቀበለ መሆኑን ዛሬ ሐምሌ 9 ቀን 2011 ዓ.ም በውድድር ዳይሬክቶሬት በተፃፈው ደብዳቤ ለክለቡ አሳውቋል፡፡

Via- eff

በመቐለ ከተማ የ10 ኪ.ሜ ሩጫ ውድድር ተካሄደ

 

በመቐለ ከተማ በሁለቱም ፆታዎች የ10 ኪሎ ሜትር ውድደር ዛሬ ተካሄደ።

ውድድሩ ስፖርት ባህል ያደረገ ጤናማ ማህበረሰብ ለመፍጠር ብሎም ክልሉንና አገር ወክለው የሚወዳደሩ አትሌቶች ለማፍራት ዓላማ ያደረገ እንደነበር ተገልጿል።

መነሻውንና መድረሻው ሮማናት አደባባይ ባደረገው  ውድድር ከ9ሺህ የሚበልጡ አትሌቶችና የከተማው ማህበረሰብ ተሳትፏል።

በሁለቱም ፆታ ከአንደኛ አስከ ሶስተኛ ደረጃ ይዘው  ውድድራቸውን ላጠናቀቁ አትሌቶች የገንዘብና የዋንጫ ሽልማት ተሰጥቷል።

በወንዶች በተደረገው ውድድር አንደኛ የወጣው ገብረጅወርግስ ተክላይ 60ሺህ ብር ፤ሁለተኛ የወጣው ምሩፅ ውበት 30ሺህ ብር፤ሶስተኛ ለወጣው ኃይለማርያም ኪሮስ 20ሺህ ብር ተሸልመዋል።

በተመሳሰይ በሴቶች ውድድሩን ያሸነፉት ከአንደኛ እስከ ሦስተኛ በመውጣት ያሸነፉት ፈትየን ተስፋይ ፣ ጎይቶም ገብረስላሴና አበራሽ ምናሰቦ ሽልማቱን ተቀብለዋል።

ለሶስተኛ ጊዜ በከተማው የተካሄደው ውድድር የተዘጋጀው አትሌት ገብረእግዚብሔር ገብረማርያምና ባለቤቱ ወርቅነሽ ኪዳነ ባቋቋሙት ናትና ስፖርት ኤቨንትስ በተባለ ተቋም ነበር።

ውድድሩን ያስጀመሩት የትግራይ ክልል ወጣቶችና ስፖርት ጉዳይ ቢሮ ኃላፊ ወይዘሮ ገነት አረፈ የማህበረሰቡ ስጋት እየሆኑ የመጡ ተላላፊ ያልሆኑ በሽታዎችን ለመፈወስ ዓይነተኛ መፍትሄ ስፖርት መሆኑ ማወቅና መተግበር አስፈላጊ መሆኑን ተናግረዋል።

Via – Ethiopia news Agency

“ከጅማ አባጅፋር የለቀኩት ገንዘብ ተቀብዬ ወይም ሙስና ሰርቼ አይደለም ይሄ ስም ማጥፋት ነው” “ድሮ ቀለበት ያደረገ ተጨዋች ሽማግሌ ነበር የሚባለው” አሰልጣኝ ክፍሌ ቦልተና (ሰበታ ከተማ)�

THE BIG INTERVIEW WITH : KIFLE BOLTENA

 

በዮሴፍ ከፈለኝ

ሀትሪክ፡- ሰበታ ከተማን እንዴት
ተቀላቀልክ.. ውድድርስ ነበረው?

ክፍሌ፡-ሰበታን ለማሰልጠን በጣም እፈልግ
ነበር… ቤቴ እዚያው አካባቢ ነው ለመስራትም
ይመች ስለነበር ባገኝ አልጠላም ነበር፡፡ ነገር
ግን ክለቡን ለማሰልጠን ጥያቄ አላቀረብኩም
ስራ አስኪያጁ ታዬ ናኔቻ የ3 አሰልጣኞችን
ስም በዕጩነት አቀረበ.. ማቅረቡንም ደውሎ
ነገረኝ ለግምገማ አሉ የሚባሉ ደጋፊዎች
ተጠርተው ስፖርት ቢሮው ተሰበሰቡና በሙሉ
በአንድ ድምፅ መረጡኝ የሜዳ፣ የደጋፊና
የበጀት ችግር የለም የሚል ቅሬታ ነበረባቸው
የክለቡ አመራሮች ጠርተው አነጋገሩኝ ስለኔ
ጀርባ ተነግሮቸው ስለነበር መረጡኝ ይሄ
አመት ካልተሳካ በጀቱ ይቀነሳል ቡድኑ
በጨዋታው ህዝቡን አላስደሰተም ወይም
ውጤት የለም ብለው ተስፋ በቆረጡበት ጊዜ
ነው የገባውት፡፡ ወደ ፕሪሚየር ሊጉ ቡድኑን
ማስገባት ትችላለህ ብለው ሲጠይቁኝ አዎ
መቶ በመቶ ቡድኑን ወደ ሊጉ አሳድገዋለሁ
ብዬ ቃል ገብቼ ስራውን ጀመርኩ፡፡ በእርግጥ
ውጤት ቢጠይፋ ግማሽ አመት ላይ የስራ
ባልደረቦቼ እንደተሰናበቱ ሁሉ እንደምሰናበት
አውቅ ነበር፡፡ ኢትዮጵያ ውስጥ ቃልህ
በምንም መንገድ ከታጠፈ ለመባረር ቅርብ
ነው አምላክ ረድቶኝ ኃላፊነቴን በውጤት
በማጀቤ ተደስቻለሁ፡፡

ሀትሪክ፡- ክፍያ ላይ ሰበታ ከተማ ደከም
ብሏል የሚሉ ወገኖች አሉ… አልተቸገርክም?
ክፍሌ፡- በክፍያ ኤሌክትሪክ፣ ወልዲያ፣
አዲስ አበባ ከተማ፣ ኢትዮጵያ መድን ሀዲያ
ሆሳዕና ይበልጡናል
ወደ 7ኛ ደረጃ ላይ ነው
የምንገኘው… ባለፉት
አመታት ግን በክፍያ
ሰበታ ከላይ ነበር፡፡ አሁን
ስፈርም ትልቁ 44 ሺ
ብር የሚከፈላቸው 5
ተጨዋች ብቻ ናቸው፤
የሌሎቹን ቀንሰህ
አስፈርም ተብዬ ነው
ያስፈረምኩት፡፡ ብዙ
ተጨዋቾች በተሻለ
ክፍያ ቡድኑን ለቀው
ወጥተዋል፡፡ ለዝግጅት
አዳማ ስሄድ 12
ወጣቶችን ይዤ ነው…
አዳማ የነበረን የሙከራ
ጊዜ እንጂ የዝግጅት
ጊዜ አይመስልም ነበር
ሰበታ በነዚህ ልጆች
እንዴት ፕሪሚየር ሊግ
ለመግባት ያስባል?
ክፍሌ ከ3 ጨዋታ
በላይ አይዘልም
ይባረራል ይሉኝ ነበር፡
፡ ዝግጅት በደንብ
ሳንሰራ ወደ ሰበታ
ተመለስን የመጀመሪያ
የወዳጅነት ጨዋታ
ስናደርግ በአዳማ 5ለ0
ተሸነፍንና ብዙ ሰው
ሳቀብን፤ እኔ ግን 32
ተጨዋቾችን አይቼ
ተጠቀምኩበት ከዚያ
በኋላ በየጨዋታው
እያስተካከልን ተስፋ
ሰጪ እንቅስቃሴ
እያየሁ መጣሁ…
ከመጀመሪያው ጨዋታ
ጀምሮ ጥሩ ሆንን
ከቡና ቢ የተገኙ፣
በሌሎች ክለቦች
የተሰላፊነት እድል
ያጡ… ሌሎች ልምድ
ያላቸው ተጨዋቾችን
አካተን የፈጣሪ ፍቃድ
ታክሎበት ውጤታማ
ሆንን፡፡ ሊጉን ስንጀምር
ኮምቦልቻን 2ለ1
ረታን ከዚያ በኋላ
ው ጤ ታ ማ ነ ታ ች ን
ቀጠለ ተጨዋቾቼ የኔን
የአጨዋወት ፍልስፍና
ተቀብለው ጥሩ አቋም
አሳዩ… ማንኛውም
አሰልጣኝ የራሱ
ፍልስፍና አለው እኔም
ለፍልስፍናዬ በሰጠውት
ልምምድ ደስተኛ ነበሩ ራሣቸውን ለማሳየት
ሲታገሉ ቡድኑን ውጤታማ በማድረጋቸው
ሰበታ ሊያልፍ ችሏል፡፡ ፔፕ ጋርዲዮላ
የእንግሊዝን ኳስ አይቻልም ሲባል ቆየና
በሁለተኛና ሶስተኛ አመቱ በተከታታይ የሊጉን
ዋንጫ አነሳ፡፡ ኳስ ጊዜ ይወስዳል ሰበታ ላይ
ግን በ3 ወር አብሮነት ውጤታማ መሆን
ችለናል፡፡ በከፍተኛ ሊግ ቆይታችን ከባድ ጊዜ
አሳልፈናል የኛን ምድብ ስመለከት ጠንካራ
ፍልሚያ እንደሚጠብቀን ተረድቼ ከቡድኑ
አባላት ጋር ያደረኩት ጥረት ተሳክቶልንና
ዳገቱን ተወጥተን ለድል በቅተናል አንድ
መንፈስ አንድ ልብ ኖሮን ግጥሚያዎቹ
በድል ተወጥተን ሣንሸነፍ ወደ ፕሪሚየር
ሊጉ አድገናል፡፡ በኛ ሀገር ማናጀር አትሆንም
ሙሉ ኃላፊነት ለአሰልጣኝ አይሰጥም
ከኮሚቴ ውስጥ አንዱ ካኮረፈህ አበቃ… ይሄ
ክስተት ሳይኖር በትዕግስት በጋራ ሰርተን
ውጤታማ በመሆናችን ከንቲባ ጽ/ቤት፣
የክለቡ አመራሮች፣ ረዳቶቼና ተጨዋቾቼን
በአጠቃላይ ሁሉንም የቡድኑን አባላት
እንኳን ደስ አላችሁ ማለት እፈልጋለው፡፡

ሀትሪክ፡- የዳኝነቱ ነገር ጫና ነበረው
ማለት ይቻላል?

ክፍሌ፡- የዳኝነት ችግር ነበር… በውጤት
ደረጃ ካየነው ያለፍነው ለፍተን በላባችን
ነው ይሄን አረጋግጥልሀለሁ፡፡ ከኛ በፊት
እገሌ የሚባል ክለብ 15 ሪጎሬ ነው ያገኘው
ይባል ነበር፤ ገና ድልድል ሲወጣ ፌዴሬሽኑ
የአዲስ አበባ ክለቦች ስለወረዱ ለአዲስ አበባ
ድጋፍ እናደርግ ብሏል ተብሎ ተነግሮን ነበር
ግን በተግባር አላየንም… አንደኛ ዙር ላይ
የነበረብን ጫና ከፍተኛ መሆኑ ግን እውነት
ነው፡፡ ከአንድ ክለብ ጋር ስንጫወት 2
ተጨዋች በቀይ ወጥቶብናል በ8 ተጨዋቾች
1ለ1 ተለያየን፤

ሀትሪክ፡- ቆይ ቆይ…አንተ የተቀጣህበት
ጊዜ ነበር… የውሳኔውን ተገቢነት አትቀበልም?
ክፍሌ፡- በርግጥ ሜዳ ገብቻለው ነገር ግን
የተፃፈው ሪፖርት ልክ አይደለም ያሳፍራል
ዳኛ ከቦ ሊደበድብ ሲል በፖሊስ ታጅቦ ወጣ
ተብሎ 3 ወር ተቀጣሁ… የክለቡ አመራሮችና
ተጨዋቾቼ ደጋፊው ግን ውሸት ስለነበር ከጎኔ
ቆሙ፡፡ ይግባኘ ጠየኩ አዎ ወይም አይ ሳይባል
1500 ብር ከፍዬም ምላሽ ሳላገኝ ቅጣቱን
ጨረስኩ፡፡ ይሄ ያሳፍራል… ክለቡ ይግባኙ
ሳይመለስ ቅጣቱን ስለጨረሰ ያስያዘው ገንዘብ
ይመለስ ብሎ ጠይቆ ያም አልተመለሰም…
እንዲህ አይነት ክፍተት ነበር ከዚያ ውጪ
ወልዲያ ላይ ስንጫወት የኛ በረኛ በ20 ደቂቃ
ውስጥ በቀይ ወጣ ግን በ10 ልጅ አሸንፈን
ተመለስን… ጫናውን ተቋቁመን ያገኘነው
ድል በመሆኑ ነው ድላችንን ልዩ የሚያደርገው
ለፌዴሬሽኑ ለኛ የሚያዳላ ዳኛም አንፈልግም
ግን ፍትሀዊ ውሳኔ የሚሰጥ ዳኛ ይመደብልን
ብለን ጠይቀናል ምላሸ ግን አላገኘንም…
በእርግጥ ለህሊናቸው የሚያጫውቱ ዳኞች
እንዳሉ አንክድም የመጨረሻው ጨዋታ
ከቡራዩ ጋር ስንጫወት ጥሩ ዳኛ ገጥሞናል
የፕሪሚየር ሊግ ዳኛ ተመድቦ 1ለ0 ረታን…
ደሴ ከተማ እኛ ሜዳ ላይ መጥቶ ጥሩ
ዳኛ በማግኘታችን ጠንካራውን ጨዋታ
1ለ0 አሸነፍን… ለገጣፎ ላይ ስንጫወት ጥሩ
ዳኛ በመመደቡ ሁለታችንም ክለቦች ደስተኞች
ነበርን… ጨዋታው ከፍተኛ ትኩረት
ተሰጥቶት ልዩ ኃይል ከሰው እኩል ተመድቦ
በተካሄደ ጨዋታ 1ለ1 ወጥተን በለገጣፎ
ሜዳ ላይ ማለፋችንን አረጋገጥን… ጨዋታው
ከፍተኛ ትኩረት እንደተሰጠው የሚያሳየው
የፌዴሬሽኑ ፕሬዚዳንት አቶ ኢሳያስ ጅራ
ጭምር ተገኝተው ተከተትለውታል፡፡
ሀትሪክ፡- በሰበታ ከተማ የአሰልጣኝነት
ቅጥር የተፈፀመው በታዋቂ ደጋፊዎች
ተመርጠህ ነው መሆኑን ገልፀሃል.. አሰልጣኝ
በደጋፊ መመረጡ ተገቢ ነው?

ክፍሌ፡- እንደዚህ አይነት ነገር
አይመረጥም… ነገር ግን ብዙ አሰልጣኝ ባለፉት
8 አመታት ተቀጥረው ሰርተው ውጤታማ
ሳይሆኑ ተሰናብተዋል.. ሰበታን ያልያዘ
አሰልጣኝ ቢቆጠር ትንሽ ነው.. አመራሮቹ
ሰልቸት ብሏቸዋል፡፡ ይህን ለማስወገድ ስራ
አስኪያጁ 3 ሰው በዕጩነት አቅርቧል…
ደጋፊውንም መረጃ ለመጠየቅ ተገደዋል፡
፡ አምናም 30 አሰልጣኝ ለቦታው ተወዳድሮ
በስዩም ከበደ በ1 ነጥብ ተበልጠሀል ተብዬ ነው
የቀረሁት፡፡ በግሌ ለቅጥር ውድድርም መኖሩን
አልደግፍም በየክለቡ የሰከነ ባለሙያ ቢኖር
ለክለቤ ውጤትና ለምንፈልገው አጨዋወት
ይሄ አሰልጣኝ ይሻላል ብሎ መርጦ ቢቀጥር
ነው የሚሻለው፤ አሁን ይሄ የለም፡፡ አሰልጣኙ
እድል ተሰጥቶት ለውጥ ከታየ ለአመታት
በቦታው ላይ እንዲቀመጥ የሚያደርግ ክለብና
አመራር በሀገር ደረጃ እንኳን የለም፡፡

ሀትሪክ፡- ከፕሪሚየር ሊጉ የዋንጫ
አሸናፊነት በላይ ከከፍተኛ ሊግ ወደ ፕሪሚየር
ሊግ ማደግ ከባድ ነው የሚሉ አሉ…
ትስማማለህ?

ክፍሌ፡- እውነት ነው… ዳኛ ለመዳኘት
የሚቸገርበት ሊግ ነው፡፡ ገና ከሜዳ ውጪ
ስትሄድ አቻ ትመርጣለህ.. ዘግተህ 1ለ1
ወይ 0ለ0 ከሆንክ ትደሰታለህ… የአየር ላይ
ኳስ ይበዛዋል ከጨዋታ ውጭ ብትሆንም
ትለቀቃለህ…ሪጎሬ ሊሰጥብህ ይችላል አብዛኛው
ሜዳ አስቸጋሪ ነው የሚዲያ ትኩረትም
የለውም ፌዴሬሽኑ በካሜራ አያስቀረፅም
ይሄ ሁሉ መስተካከል አለበት ከዚህ ውጪ
በታዛቢዎች አላምንም ብዙ ታዛቢዎች ጥሩ
ቢሆኑም ለዳኛ በውሸት የሚያዳሉ ኮሚሽነሮች
አሉ አብረው ስለሚጓዙና የሙያ ባልደረባው
ስለሆነ አጥፍቶም ቢሆን እሱን ማስቀጣት
አይፈለጉም ፖለቲካው ያመጣው ችግርም
አለ… ስለዚህ ህዝብ ይፍረድ ሊጉ የቀጥታ
ስርጭት ይኑረው ሱፐር ሊጉ ላይ አንድም
ካሜራ የለም ካለም ባለሜዳው የሚያቀርበው
ነው ወደ ሊጉ ያለፉት ክለቦች በመርፌ ቀዳዳ
እንዳለፉ ቁጠረው፡፡

ሀትሪክ፡- ሰበታ ከተማ ለዳኞች ምንም
ገንዘብ አልከፈለም እያልክ ነው?

ክፍሌ፡- በፍፁም አላደረግንም… ብንከፍል
ኖሮ እኔ 3 ወር አልቀጣም ነበር፤ ብዙ ነገሮችን
ማድረግ ቀላል ይሆን ነበር… ነገር ግን በዚህ
ውስጥ ሰበታ ከተማ የለበትም ኮምቦልቻ ላይ
4ለ0 ስናሸንፍ ወልዲያን በሜዳው ስንረታ
ደጋፊዎቻቸው እያጨበጨቡ ነው ሆቴል
ድረስ የሸኙን ይሄ መሞገስ አለበት… እኛ በ22
ጨዋታ 1 ሪጎሬ ነው ያገኘነው ይሄ ክለባችን
ውጤትን ያገኘው በራሱ ላብ መሆኑን ያሳያል፡

ሀትሪክ፡- በዳኝነቱ ተበደልን የምትልበት
ጨዋታ የትኛው ነው?

ክፍሌ፡- በሜዳችን ፌዴራል ፖሊስን
ስናስተናግድ የመሀል ዳኛው ሶስት የፍፁም
ቅጣት ምት ከለከለን… ከተጨዋቾቼ ጋር
ተገቢ ባልሆነ ሁኔታ ይመላለሳል.. እልህ
ያስገባቸው ነበር ገና 3ኛ ጨዋታ እንደመሆኑ
ገና ከአሁኑ ለማን አድቫንቴጅ ለመስጠት
ነው? ብለን ጠይቀን ነበር በውሳኔውብንገረምም ሳንሸናነፍ 0ለ0 ተለያየን… ይሄን
መቼም አልረሳውም፡፡ ሁለተኛው ከገላን
ጋር ስንጨወት ሁለት ተጨዋቾች በቀይ
የወጡበትን ጊዜ አልረሳውም… አንደኛው
ጎል አስቆጥሮ ደስታውን ሲገልፅ ማሊያውን
አላወለቀም ነገር ግን ዳኛው ማሊያውን ወደ
ላይ አነሳ ብሎ ቢጫ ካርድ ሰጠው አምስት
ደቂቃ ሳይሞላ ፋውል ሰራህ ብሎ በ5 ደቂቃ
ውስጥ 2 ቢጫ አይቶ የወጣበትን አልረሳውም
በ8 ልጅ መከራችንን አየን… ሁለቱን ዳኞች
መቼም አንረሳቸውም፡፡

ሀትሪክ፡- በፕሪሚየር ሊግና በከፍተኛ
ሊግ መሀል የስም ለውጥ ነው ያለው እንጂ
የደረጃ ልዩነት የለም የሚሉ አሉ… እውነት
ነው?

ክፍሌ፡- በሊጉ ጠንካራ ተፋላሚ የሚሆኑና
ለውጤት የሚፋለሙ የተወሰኑ ክለቦች ናቸው
ሌሎቹ ላለመውረድና ከቻሉ መሀል ሰፋሪ
ለመሆን እንጂ ለውጤት አቅደው የሚመጡ
አይደሉም… በተለያየ ምክንያት ከሜዳ
ውጪ ማሸነፍ ይከብዳል የተጨዋቾች የደረጃ
ልዩነት የለም ምናልባት የአዕምሮ ዝግጅት
ወይም ጫና የመሸከም አቅም ቢለያይ እንጂ
ተመሳሳይ ናቸው፡፡ ጅማ አባጅፋር ወደ ሊጉ
ባደገበት አመት ዋንጫ ወስዷል… ይሄ አንዱ
ማሣያ ነው ከባዱ ነገር የወረዱ ቡድኖች
ወደ ላይ ማደግ መቸገራቸው ነው ኤልፓ፣
ወልዲያ… አርባ ምንጭ…መድን ለማለፍ
ተቸግረዋል…. በእኔም እምነት በሁለቱ ሊጎች
ብዙም ለውጥ የለም፡፡

ሀትሪክ፡- አሰልጣኝ ክፍሌ ቦልተና
የከፍተኛ ሊግ ወይስ የፕሪሚየር ሊግ
አሰልጣኝ?

ክፍሌ፡- ራሴን የማየው የከፍተኛ ሊግ
አሰልጣኝ አድርጌ ነው የማየው… ብዙ
ኔትወርክ የለኝም ደጋፊ የለኝም ይሄ ደግሞ
ከፕሪሚየር ሊጉ አርቆኛል፡፡

ሀትሪክ፡-ኧረ እንዲያውም ኔትወርክ
እንዳለህ ነው የምሰማው?

ክፍሌ፡- (ሳቅ በሳቅ) የለኝም፤.. ውሸት
ነው ቢኖረኝማ ታችኛው ሊግ አልቀርም ነበር..
እንዲሳካልኝ ፈልገው የሚያግዙኝ ሰዎች አሉ
ወጣት ይዘህ ጥሩ ስለምትጫወት ደጋፊህ
ነን የሚሉኝ አሉ.. በማናቸውም ግን ተደግፌ
ክለብ ገብቼ አላውቅም በኔትወርክ የገባሁበት
ክለ የለም አለው ካሉ ይምጡ!

ሀትሪክ፡-የአንተ ስኬታማ ጊዜ መቼ ነው?
ክፍሌ፡- ስኬታማ ጊዜ የምለው በአየር
ኃይል የነበረኝ ጊዜ ነው ዋንጫ አላገኘሁም
ነገር ግን ርካታውን እፈለግ ነበር 25 ሰው
ለአሰልጣኝነት ተወዳደረ የክለቡ አመራር
የነበረው ኮ/ል ገ/ስላሴ የኔን ስም ሲያይ
ውድደሩ ሰረዘና አንተን ነው የምፈልገውና
አለኝ፡ በግሉ የቅዱስ ጊዮርጊስ ደጋፊ በመሆኑ
ስቴዲየም አይጠፋም… አትቅር ብትቀር
ወታደር ይዤ ነው የምመጣው ብሎ ቀልዶ
ቀጠሮ ሰጥቶኝ ሄድኩ… መግቢያ አዘጋጅቶ
ጠብቆ አስገባኝና ቁጭ ብለን አወራን ተግባባን
ሙሉ ኃላፊነቱ ተሰጠኝ… ጥሩ ቡድን ሰራሁ
የደብረዘይት አብዛኛው ነዋሪ የቢሾፍቱ ከነማ
ደጋፊ ነበር.. በኛ አጨዋወት ተማርከና የኛ
ደጋፊ ሆነ… 15 ኦራል መኪና ሙሉ ደጋፊ
መጥቶ ያየን ጊዜ ሁሉ ነበር… ቡድኑን
በነፃነት በምፈልገው መንገድ ሰርቼ ስላሣየሁ
በጣም ረክቻለው ይሄን ጊዜ ልረሳውም፡፡

ሀትሪክ፡- ለአሠልጣኝ ሀጎስ ደስታ ትልቅ
ፍቅር አለህ አሉኝ… እውነት ነው?

ክፍሌ፡- ጋሽ ሀጎስ ነፍሳቸውን ይማርና
ምርጥ አሰልጣኝና መካሪዬ ነበሩ… ቢሮ
ውስጥ ምንም ስለማትሰራ ስልጠና ውሰድ
የምትሰጠው ሀሳብ ጥሩ ነው በትምህርት
አዳብረው ብለው መከሩኝ የፕሮጀክት ስልጠና
ወስድኩ ወዲያውኑ የኤልፓን ሲ ቡድን
ሰጡኝ… አዲስ ተሰጥኦ ያለውን ተጨዋች
ማየት ጀመርኩ ኤልፓ ውስጥ ተጨዋቾችን
መዝገበህ ነው የምትመርጠው …እኔ ግን
ከዚያ ሃሳብ ወጣው.. እነ ዳንኤል የሻውን
ከአፈርሳ ሜዳ ነው ያገኘኋቸው… ብዙዎችን
ከተለያየ ቦታ ወስጄ ፈተንኳቸው በምርጫ ጊዜ
ወደ 3 ሺህ ታዳጊ ይመጣል.. እድሉ ደረጄ
ሲ ሞክሮ ወድቋል ፒያሳ ሲጫወት አይቼ
ግን አመጣሁት… አለማየሁ ዴልፒየሮ 5ኛ
ፖሊስ ጣቢያ አካባቢ አስፓልት ላይ ሲጫወት
ነው ያየሁት፡፡ በሁለት እግሩ የሚጫወት
ተጨዋች ነበር… መልምዬ አጣርቼ ለአገር
የሚጠቅም አንድ ትውልድ አፍርቻለሁ..
ለብሔራዊ ቡድኑም መጥቀም ችለዋል፡
፡ ሰበታም በተመሳሳይ ነው የመለመልኩት..
ተሰጥኦ ያለውን መለየት ርካታ ያለው ጨዋታ
ማየት ያስደስተኛል… በአጠቃላይ በመብራት
ኃይል የነበረኝን ቆይታና የጋሽ ሀጎስ ውለታን
አልረሳውም፡፡

ሀትሪክ፡- በኢትዮጵያ ቡና ቆይታህ ትልቁ
ችግር ምን ነበር?

ክፍሌ፡- ኢትዮጵያ ቡና ውስጥ ከባዱ
ነገር እቅድ አለመኖሩ ነው፡፡ ሪያል ማድሪድ
ባርሴሎናን በገንዘብ ይበልጣል፡፡ ባርሳ
ይህን ለመብለጥ ምን ሰራ የሚለው ነው
ጥያቄው? በአንድ ዘመን የጨዋታ ፍልስፍና
ነው ጋርዲዮላ ከ10 በላይ ዋንጫ ያነሳው…
በወጣት አምኖ ሁለት ሶስት አመት እቅድ
ይዞ መስራት አልያም ገንዘብ አውጥቶ ብሎ
ኮከቦችን መግዛት… ኢትዮጵያ ቡናዎች
ከሁለቱ አንዱን መምረጥ አለባቸው…
በአንዱ ሃሣብ ለማመን የማመንታት
ችግር ነው ያለው፡፡ የደጋፊ መጮህ
የተለመደ ነው ውጤት ከጠፋ ይጮሃል
እቅድ ከያዝክ ተቃውሞን መቻል
አያቅትም… ኢትዮጵያ ቡናን 5
አመት ነው ያሰለጠንኩት…. ሆላንድ
ኮርስ እንድወስድ አድርጎኛል
ለማንም ያላደረገውን ነው ለእኔ
ያደረገው… ውጤት ሲጠፋ ግን
ተሰናበትኩ… እቅድህን ወስነህ
መጓዝ ይጠበቃል.. ይሄ ነው
ችግሩ…. ካሳዬ አሁን ሊመጣ
ነው ይባላል… ቢበላሽበትም
በትዕግስት ጊዜ ሰጥተው መጠበቅ
አለባቸው… ማንቸስተር ሲቲ
ባይታገሰው ጋርዲዮላ 2
ተከታታይ አመት የፕሪሚየር
ሊጉን ዋንጫ አያገኝም ነበር ይሄ
ትዕግስት ይጠበቅባቸዋል ባይ
ነኝ… አንዳንዴ እድለኛ ከተኮነ
ውጤት በአጭር ጊዜ ውስጥ
ሊመጣ ይችላል፡፡ እግዚአብሔር
ረድቶኝ ነው በአጭር ጊዜ የተሳካልኝ፡፡
በእግር ኳስ ግን ትዕግስትና ጊዜ ወሳኝ
መሆኑን ክለቦቻችን ማመን አለባቸው፡፡

ሀትሪክ፡-በኤልፓ ተሰላፊነትህ ምርጡ
ጊዜህ መቼ ነበር?

ክፍሌ፡-ኤሊያስ ጁሃር፣ ጠንክር አስናቀ፣
ክፍሉ መብራቱ፣ እነ ሸዋንግዛው.. እነ አንጀሎ
በነበሩበት ቡድን ውስጥ ቋሚ ተሰላፊ ነበርኩ…
የኢትዮጵያ ሻምፒዮናና የአሸናፊዎች አሸናፊ
ዋንጫን በ1985 ወሰደናል… ሁለትዮሽ
ዋንጫ የወሰደው ይሄ ቡድን ለእኔ ምርጡ
ነበር… በነገራችን ላይ የኤልፓ ባህል ደስ
ይላል… አስቀድሞ ታዳጊውን ቡድን የያዘው
ቢረጋ ነበር ከዚያ እኔ ያስኩ…ቀጥሎ ኤልያስ
ጁሃር አሰልጥኗል… ክለቡን በሚያውቁ
የቀድሞ ተጨዋቾች መሰልጠኑ ነው ምርጥ
ተጨዋቾች እንዲፈሩ ያደረገው… የአሁኑ
የክለቡ ችግር ይሄን ባህል ባለማስቀጠሉ
የመጣ ይመስለኛል፡፡ ሌላው ጥሩ ጎን ያኔ
በእኔ የሰለጠኑት አሁን አሰልጣኝ መሆናቸው
ነው፤ ዳንኤል የሻው፣ ሲሳይ.. ኃይሉ/ቻይና/
እነርሱ ለዚህ ምሳሌ ይሆናሉ፡፡

ሀትሪክ፡- አሁን ግን በታዳጊ ደረጃ
ለመወዳደር የሚፈልግም ወጣትኮ ጠፋ?

ክፍሌ፡- (ሳቅ) አንዴ እድሉ ደረጄ ሲናገር
ሰምቻለው… ከክፍሌ ጋር ለቢ ምርጫ ስንሄድ
ወደ 2 ሺህ ታዳጊ ይመዘገብ ነበር ሁሉም
ስለሚችሉ መምረጥ ይከብደናል… አሁን ግን
ታች ሄጄ ሳይ የመጡት 100 አይሞሉም
አንዱም ግን አይችልም አለ… ችግሩ ታዲያ
የሜዳ ችግር ይሁን ትውልዱ ወይም ተስፋ
መቁረጥ በዝቶ አሊያም ታች ያለው ስልጠና
አልገባኝም …ያኔኮ ትውልዱ ወደ ኳስ
ያዘነብላል ሜዳ እንደጉድ ነበር አሁን ግን ያ
ሜዳ የለም ይሄ ትልቅ ችግር ነው… ሌላው
ደግሞ ተጨዋቹ እስከ 13 አመቱ ድረስ በራሱ
ሊጫወት ይገባል፡፡ ከዚያ በኋላ ቢሰለጥን
ይሻላል ባይ ነኝ አለበለዚያ በአሰልጣኙ ፍላጎት
ይቀረፅና ያለውን ተሰጥኦ ያጣል ይሄ ነው
የሚመስለኝ… ለማን.ዩናይትዶቹ የፈርጊ
ቤቢስ ስኬት የቢ አሰልጣኙን ነው የማደንቀው
ጊግስና ቤካም አብረው ነው ያደጉት የተለያየ
ተሰጥኦ አላቸው ይሄን ጠብቆ ባላቸው ችሎታ
ማሰራቱ ነው ያሳደጋቸው… ጊግስን ድሪብል
ከምታደርግ እንደ ቤካም ረጅም ኳስ ተጫወት
ቢለው አይሆንም… ነገር ግን የሁለቱን
ችሎታ ቡድን ውስጥ መጠቀም ይችላል
ፈርጉሰን ያደረጉት ይሄንን ነው የቢ አሰልጣኙ
ያላቸውን አስቀጠለ እንጂ አላስተዋቸውም
በጣም የማደንቀውም ለዚህ ነው የታዳጊን
አቅም ለማየት የራሱ መነፅር ያለው አሰልጣኝ
ሊኖረን ይገባል፡፡

ሀትሪክ፡- ይህንን የሚያደርግ አሰልጣኝ
አለን ታዲያ?

ክፍሌ፡- (ሳቅ በሳቅ)
ሀትሪክ፡-በኛ ሀገር ደረጃ የራሱ ፍልስፍና
ያለው አሰልጣኝ አለን?

ክፍሌ፡- ስለማንም ማውራት አልሻም
(ሳቅ) ተው… ኳሱ የሚጥመው አንተም
የራስህን እኔም የራሴን
ከተጫወትኩ ነው ሳይንሱ
አንድ ነው አጨዋወቱ
ነው ልዩነት የሚፈጥረው አለበለዚያ ማንም ማሰልጠን
ይችላልኮ ብትወድቅ ብትነሣ በራስ አስተሳሰብ ነው መጓዝ ያለብህ.. ይሄ ካልሆነ ከባድ
ነው፡፡

ሀትሪክ፡-ጨዋታ አይቶ
በማንበብ ምርጥ የምትለው
አሰልጣኝ ማነው?

ክፍሌ፡- የ ኤ ል ፓ ው
ቢረጋ… ስዩም አባተ
ይመቹኛል፡፡ አሁን ደግሞ
በተወሰነ መልኩ ጥሩ ቡድን
እየሰራ ነው የሚባልልት
ምናልባት የማየት እድል ባላገኝም ውበቱ
አባተ ይመስለኛል… ስዩም አባተ ግን ልዩ
ነው ምክትል አሰልጣኝ ሆኜ ሰርቻለሁ
ይደፍራል.. ጎበዝ ነው… ከሁሉም በላይ ግን
ጋሽ ሀጎስ ደስታ ልዩ ናቸው… ታዳጊዎች
ሲጫወቱ ይመለከትና ሁሉንም ዝግጅት
ይዤ ነው የምሄደው ይላል… ዋናውን ቡድን
ተስፋውንና ታዳጊውን ቡድን ሁሉንም
ያያል አሁን ይሄን የሚያደርግ አሰልጣኝ
አለ? የለም.. ዝግጅት ላይ ጠንካራ ከሆኑ በቃ
ተሰላፊ ናቸው ለዚህ ነው ኤልፓ ቤት ከክለቡ
አልፈው ለሀገር የሚጠቅሙ ተጨዋቾች
የሚወጡት… ሌላው አሰልጣኞች ሰከን
ብለው አይሰሩም… ውጤት ተኮር ከሆንክ
ለህይወትህ ነው የምትሰራው ለህይወትህ
ከሰራህ ደግሞ ትክክለኛውን ስራ አትሰራም…
ላለመባረር ለእንጀራ ቤተሰቤ ምን ይበላል
ካልክ ደፍረህ ለመወሰን ትቸገራለህ፡፡ ብዙ
ክለብ የቆ 7 ወይም 8 ተጨዋቾች በአንድ
ክለብ ውስጥ ታያለህ ይሄ ውጤት ላይ
መተኮሩን ያሳያል አሰልጣኙ ታዲያ
ምን እየሰራ ነው እነዚህ ተጨዋቾችኮ
አሰልጣኞች ናቸው አካል ብቃትን
ማስተባበር ነው የአሠልጣኙ ስራ..?
አስተባባሪና አሰልጣኝኮ ይለያያል /
ሳቅ በሳቅ/ መልፋት ታዳጊ ላይ
ማመን ውድቀትም ቢሆን ለህሊህ
ደስታ ይፈጥራል፡፡ ውጪ ሀገር
የሚሰራበት ስልጠና አለ በተለይ
ለኛ ሀገር የሚጠቅመንን ማየት
የኛ ፋንታ ነው እኔም ኤልፓ
እንደነበርኩት አይደለሁም
አሁን.. ያኔ ለእርካታ ነበር
የምጫወተው አሁን ግን ማራኪ
አጨዋወት ከማሸነፍ ጋር የግድ
መሆኑ ገብቶኛል አሰልጣኞች
ወጣት ላይ ማመንና መድፈር
አለብን፡፡

ሀትሪክ፡- ውጤታማ ከነበርክበት
ከጅማ አባጅፋር አሰልጣኝነትህ ለምን
ወጣህ?

ክፍሌ፡- ስሜታዊ መሆኔ ነው…
ስራዬን ለማስከበር የሄድኩበት መንገድ
ልክ አልነበረም ለተጨዋቾች እረፍት
መስጠቴ ነው ያጋጨን… አላባ ላይ 1ኛ
መሆናችንን ስናረጋግጥ ለተጨዋቾቼ እረፍት
ሰጠው 1ኛ ዙር ካለቀ ማረፍ አለባቸው
ብዬ አምናለሁ፡፡ አላባ ላይ እረፍት ስሰጥ
ፕሬዚዳንቱ ሁሴን ደወለና አስተዳደሩ
ይጠብቅሃል ለምን እንዲህ አደረክ አለኝ
ከዚያ በፊትም ለተጨዋቾቼ ፍቃድ ሰጥቼ
ስለነበር ለምን ሰጠህ ብለው መተዳደሪያ
ደንብ አወጡልኝ ከፌዴሬሽኑ ደንብ ውጪ
አልቀበልም አልኳቸው፡፡ 1ኛ ዙር ካለቀ
በኋላ ደካማና ጠንካራ ጎናችንን ለመገምገም
ተቀመጥን… ግምገማው ላይ እያለ እንዲህ
አደረክ ብለው የማይሆን ነገር ሲዘረዝሩ
ተበሳጨሁ… ብድግ አልኩና በዚህ አይነት
ከዚህ በኋላ ብሰራ ውጤታማ አልሆንም
አልኳቸውና ለቀክኩ… በርግጥ በዚህ ተግባሬ
ተፀፅቻለው ይሄ ነው ምክንያቱ በቃ…

ሀትሪክ፡- እኔ የሰማሁት ከ3 ታዳጊዎች
ብር በመቀበልህ መሰናበትህን ነው….ውሸት
ነው?

ክፍሌ፡- በፍፁም… የተሳሳተ መረጃ
ነው… በወቅቱ የነበሩ ሰዎችኮ
አሁንም አሉ እነርሱን መጠየቅ
ይችላል… ከጅማ አባጅፋር
የለቀቅኩት ገንዘብ ተቀብዬ ወይም ሙስና
ሰርቼ አይደለም ይሄ ስም ማጥፋት
ነው፤ ወደፊት እውነቱ ይወጣል
አሰልጣኞች ጋር
ያለ ክፍተት ነው እርስ በርስ
ስ ለማ ን ከ ባ በ ር  ያ ወ ሩ ብ ኝ
አ ሰ ል ጣ ኞ ች አለ… ደስ የሚለኝ
የትም ክለብ ስሄድ ይችላል ነው
የ ም ባ ለ ው … የፊት ለፊት ሳይሆን ማስረጃ
የማይቀርብበት የ ማ ይ ታ ይ ነገር ያወራሉ ይሄ በሽታ
ይ መ ስ ለ ኛ ል ፡ ፡ አንዱ ዋና አሰልጣኝ
ሌላው ምክትል ለመሆን
ሰበታ ድረስ ሄደው አስወርተውብኛል ግን
አልተሳካም… ወደፊት እውነቱ ይወጣል፡፡

ሀትሪክ፡- መጠጥ
ታበዛለህ አሉኝ.. .እውነት
ነው?

ክፍሌ፡- (ሳቅ በሳቅ) ተጨዋች ሣለው
እኔና ኤሊያስ ጁሃር አብረን አንድ ክፍል
ነበር የምናድረው… ሁለታችንም ልንጠጣ
እንጠፋለን እኔና በለጠ ወዳጆ አብረን ነበር
የምናድረው ለሊት ትራስ ሰርተን ሄደን
አሰልጣኝ ወንድማገኝ ከባደ አውቆብናል…
ጠዋት ላይ በሩን ከፍተው ሲያዩ እኛ የለንም
ትራሱን ሲያዩ ስቀው ይወጡና ቁርስ ላይ
ተገናኘን… ደህና መስለን ስንገባ አሰልጣኙ
ወንድማገኝ የተቀበለኝ በጥፊ ነበር (ሣቅ)
አሁን ድረስ ያነሳዋል በዚህ አጋጣሚ ታሟል
ጤናው እንዲመለስ እመኛለሁ፡፡ ረጅም ጊዜ
አልተጫወትኩም ምክንያቱም መዝናናት አበዛ
ስለነበር ነው.. ቤተሰብንና ራስን ለመምራት
ጠጪ ከመሆን መታቀብ አለብን.. ከኔ ልትማሩ
ይገባል ማለት እፈልጋለው. ለነገሩ የአሁኑ
ጊዜ አብዛኞቹ ተጨዋቾች ትዳር ይዘዋል ይሄ
ጥሩ ነው፡፡ መቀጠል አለበት ሰበታ ከተማ
ውስጥ ቀለበት ያሰሩ 2 ተጨዋቾች አሉ በነርሱ
ደስተኛ ነኝ ድሮ ቀለበት ያደረገ ተጨዋች
ሽማግሌ ነበር የሚባለው ድሮኮ ሁለት ሶስት
የሴት ጓደኛ የነበራቸው ተጨዋቾች ነበሩ…
ይሄ አሁን የለም ለአላማ የሚኖር በዝቷል
በዚህ ቀጥሉ ለቀሪ የጨዋታ ህይወታችሁና
ለተስተካከለ ኑሮ መዝናናት ባያበዙ ጥሩ ነው
እላለው፡፡

ሀትሪክ፡- ከሰሞኑ የባለስልጣናትና የጦር
ሰዎች ግድያ መላው ህዝቡ አዝኗል.. ምን
ተሰማህ…?

ክፍሌ፡-ሰው ሲሞት የማያዝን የለም
ወንድም ወንድሙን ሲገድል ተረጋጋቶ
መስራት ይከብዳል የተለየ ሀገር የለንም
አንድ ኢትዮጵያ የሁላችንም ናት፡
፡ በተፈጠረው ድርጊት ቅር ብሎኛል፡
፡ ትክክለኛ ምርጫ ተካሄዶ አሸናፊዎቹ
የሚመሯት ኢትዮጵያ ብትኖር ደስ
ይለኛል፤… ምናልባት በመነጋገር ማመን
አለብን ባይ ነኝ፡፡ ወደ ኋለኛው ዘመን
እየተመለስንኮ ነው አዕምሯችን አድጎ
ማየት እፈለጋለው ወንድም ወንድሙን
ገድሎ ምንም አያመጣም.. ወደ ድህነት
ኋላቀርነት እየሄድንኮ ነው ይሄ መታረም
አለበት ለሟቾች ቤተሰቦች፣ ጓደኞች፣
የቅርብ ሰዎችና ለመላው ህዝቡ መፅናናትን
እመኛለው፡፡

ሀትሪክ፡-የእግር ኳሱ ችግርስ አያሰጋም..
ይሄ ዘረኝነቱ ስጋት አይፈጥርም?
ክፍሌ፡- በጣም ስጋት አለው.. ህዝቡ
የሚወደው እግር ኳስም ሊጠፋ ነው…
የብሔር ስም ያላቸው ቡድኖች መቆም
አለባቸው የከተማ ስም ችግር የለም አለም
ላይም አለ.. ለምን ግን ወደ ብሔር ይሄዳል..?
ፊፋም ይሄን ይቃወማል..? አንዱ ሌላው ጋር
እየሄደ መደብደቡ ፊፋ ጋር አይደርስም ማለት
ይችላል? አንድ ቀን ልንታገድ እንደምንችል
እሰጋለው.. ፌዴሬሽኑ እገዳ ማድረግ ካለበት
መድፈር አለበት… የፊፋና የካፍ ህጎችን
መተግበር የግድ ነው… አለበለዚያ ቀጣዩ ጊዜ
ያሰጋናል፡፡

ሀትሪክ፡-ፎርማቱ ባለበት ይቀጥል ወይስ
ይቀየር?

ክፍሌ፡- ባለበት ይቀጥል ባይ ነኝ…
የችግሩ ምንጭ ፎርማቱ ነው ብዬ አላምንም
ከዚህ ይልቅ ህጎችን ማጥበቅ ነው የሚሻለው…
የፎርማቱ ለውጥ መፍትሄ ያመጣል ብዬ
አላስብም ስፖንሰር ፈልጎ ሁሉም ጨዋታ
በቀጥታ ቢሰራጭ ህዝቡ አይቶ ቢፈርድ
ለውጥ ይኖራል ብዬ አስባለሁ… እግር
ኳስኮ ከዘርና ከፖለቲካ የፀዳ ነው ባያበላሹት
እመርጣለሁ፡፡ ሌላው የፖለቲካ ሰዎች ብቻ
ቢሮ አካባቢ ባይበዙ… አይሁኑ ማለት
አይቻልም መንግሥት ብር ሰጥቶ አይቆጣጠሩ
ማለት አልችልም ነገር ግን የሙያ ሰዎች
በደንብ ቢካተቱ የኳሱ ችግር ሊቀንስ ይችላል
ብዬ አስባለው፡፡

ሀትሪክ፡-ጨረስኩ.. የምታመሰግነው ሰው
ካለ?

ክፍሌ፡- የምስጋና ቅድሚያውን
ለአምላኬ እሰጣለው ፈጣሪዬን አመሰግናለሁ
እግዚአብሔር ይመስገን ብዙ ፈተናዎችን
አልፌ ለዚህ እንደደርስ አድርጎኛል.. ከርሱ
በመቀጠል ውዷ ባለቤቴን ትዕግስት…………..
አመሰግናለው፡፡ ኳስ መጫወት ካቆምኩም
በኋላ የነበረብኝን ደካማ ጎን ችላ ታግሳ
እያበረታታችኝ በትዕግስቷ በምክሯ ደግፋ
ለውጣኛለች፡፡ ስራ አቁሜ ከርሷ የተነሣ ምንም
አይነት ክፍተት አልተፈጠረም እግዚአብሔር
የሰጠኝ እርሷን ነው ረጅም እድሜ
እመኝላታለው ልጆቼን አሳድጌ በህይወት
ኖሬ የተገኘሁት ከእግዚአብሔር ቀጥሎ በርሷ
ነው አመሰግናታለው፡፡ ትዳር ከመሰረትን 20
አመታት ሞልቶናል ቀሪ ዘመናችንን የደስታና
የስኬት እንዲሆን እመኛለው ከዚያ በተረፈ
አዲሱ ከንቲባ፣ ቢሮ ውስጥ ያሉት የክለቡ
ኃላፊዎች፣ ጀግኖቹ ተጨዋቾቼ፣ ረዳቶቼ፣
ጫና ፈጥረው ለድል ያበቁን ደጋፊዎቻችን፣
ቤተሰቦቼን ስኬት እንዲገጥመኝ የተመኙልኝን
ሁሉ ከልብ አመሰግናለሁ፡፡