Category: የኢትዮጵያ ፕሪሚየር ሊግ

ደደቢት በመሰቦ ስሚንቶ ፋብሪካ ስር ሆኖ ይቀጥላል

 

በመቐለ 70 እንደርታ እሸናፊነት በተጠናቀቀው የ2011 ኢትዮጵያ ፕሪምየር ሊግ ከሊጉ የወረደው ደደቢት ቀጣይ ዓመት በመሰቦ ስር ሆኖ በከፍተኛ ሊጉ ተሳታፊ ይሆናል።

ባለፋት ዓመታት ከተለያዩ ከድርጅቶች በሚያገኘው የገንዘብ ድጋፍ በፕሪምየር ሊጉ ከጥሩ ተፎካካሪነት ባሻገር የፕሪምየር ሊጉን ዋንጫ እስከ ማንሳት ደርሶ የነበረው ደደቢት በተጠናቀቀው የውውድር ዓመት በፋይናንስ እጥረት ምክንያት እስከ መፍረስ ደርሶ እንደነበር ሚታወስ።

መሉ ርክክቡን በሚመለከት በቀጣይ ቀናት ክለቡ ጋዜጣዊ መግለጫ ሚሰጥ ይሆናል።

ሪፖርት |ቅዱስ ጊዮርጊስ ሲዳማ ቡናን 2-0 መርታት ችሏል።

 

ቅዱስ ጊዮርጊስ ሽረ ላይ ነጥብ ተጋርቶ ከተመለሰበት ጨዋታ ቅጣት ላይ በሚገኘው ሳላዲን በርጌቾ እና አሜ መሀመድ ምትክ ኢሱፍ ቡርሀና እና ሀምፍሬይ ሚዬኖን የተጠቀመ ሲሆን በተመሳሳይ ሁለት ለውጦች ያደረጉት ሲዳማዎችም አዳማን ከረቱበት ጨዋታ በአምስተኛ ቢጫ ካርድ ባልተሰለፈው ግርማ በቀለ እና ዳዊት ተፈራ ቦታ ተስፉ ኤልያስ እና ትርታዬ ደመቀን ተጠቅመዋል።

የመጀመሪያው አጋማሽ በአብዛኛው የባለሜዳዎቹ የበላይነት የታየበት ነበር። ሁለቱም ተጋጣሚዎች መሀል ሜዳ ላይ የተረጋጉ ቅብብሎችን በብዛት መከወን ባልቻሉበት በዚህ አጋማሽ የሜዳ ላይ ግጭቶችም ተበራክተው ታይተዋል። በቶሎ ኳሶችን ወደ መስመር በማሳለፍ ወደ ቀኝ አድልተው ጫና ፈጥረው የነበሩት ሲዳማዎች 7ኛው ደቂቃ ላይ ከግሩም አሰፋ በተነሳ ረጅም ኳስ ሀብታሙ ገዛኸኝ ከሳጥን ውስጥ ካደረገው ኢላማውን ያልጠበቀ ሙከራ በኋላ በማጥቃቱ ተቀዛቅዘው ታይተዋል።

ወደ ፊት የሚላኩ ኳሶች ያልተመጠኑ መሆን እና የቡድኑ የአማካይ ክፍል በሽግግሮች ወቅት ይታይበት የነበረው መበታተን ደግሞ ለተወሰደባቸው ብልጫ ምክንያቶች ተደርገው የሚወሰዱ ናቸው።

ቅዱስ ጊዮርጊሶች እንደተጋጣሚያቸው ሁሉ ኳስ ይዘው ባይጫወቱም ከኋላ ከሚነሱ ረጃጅም ኳሶቻቸው በተጨማሪ ከአማካዮቹ በቂ ሽፋን ሳያገኝ በቀረው የሲዳማ የተከላካይ መስመር መሀል በሚፈጠሩ ክፍተቶች ደጋግመው በሳጥን ውስጥ መገኘት ችለው ነበር። በተለይም አቤል ያለው 20ኛው ደቂቃ ላይ በቀኝ በኩል ሰብሮ ገብቶ ያመከነው እና 32ኛው ላይ ሚዮኔ ከሰነጠቀለት ኳስ ከግብ ጠባቂ ጋር ተገናኝቶ የሳተው በዚህ ረገድ ተጠቃሽ ነበሩ። አቤል 21ኛው ደቂቃ ላይም ኢሱፍ ብርሀና በግራ በኩል ካደረሰው ኳስ ከቅርብ ርቀት ሞክሮ ተከላካዮች ተደርበው ከውጥቶታል።

ሁለተኛው አጋማሽ ሲጀምር ሰንደይ ሙቱኩ እና ዳዊት ተፈራን ቀይረው በማስገባት የኋላ እና የመሀል ክፍላቸውን ለማስተካከል ጥረት ያደረጉት ሲዳማዎች መጠነኛ ለውጥ ቢታይባቸውም አሁንም የመጨረሻ የግብ ዕድሎችን መፍጠር አልሆነላቸውም። ከኋላ በሚጣሉ ኳሶች ላይ ተመስርተው በግል ጥረታቸው አጋጣሚዎችን ለመፍጠር ሲሞክሩ የነበሩት አዲስ ግደይ እና ሀብታሙ ገዛኸኝ እንቅስቃሴዎችም ፍሪያማ ካለመሆናቸው ባለፈ የመሀል አጥቂው መሀመድ ናስርም ተቀይሮ እስከወጣበት ጊዜ ድረስ ተነጥሎ ቆይቷል። በተደጋጋሚ በተጋጣሚያቸው ሳጥን ውስጥ እየተገኙ ሙከራዎችን ለማድረግ ከጫፍ ሲደርሱ ይታዩ የነበሩት ጊዮርጊሶችም የፈፅሟቸው በነበሩ ይቅብብል እና የሙከራ ውሳኔ ስህተቶች ምክንያት ጥረቶቻቸው የማዕዘን ምቶችን ከማስገኘት ባለፈ ፍቅሩ ወዴሳን የሚፈትኑ አልነበሩም።
በ80ኛው ደቂቃ ላይ አሜ መሀመድ በተከታታይ ሁለት ኳሶችን ከሳጥን ውጪ ሲሞክር አንዱ በግቡ አግዳሚ ሌላኛው ደግሞ በፍቅሩ ጥረት ድነዋል። ሆኖም ከሦስት ደቂቃዎች በኋላ ሜንሱ ከግራ መስመር ያሻማውን ኳስ ሰንደይ ሙቱኩ ፍቅሩ ይደርስበታል በሚል በተዘናጋበት ቅፅበት አቡበከር ሳኒ ከኋላ በመግባት በግንባሩ አስቆጥሮ ጨዋታው በቅዱስ ጊዮርጊስ 2-0 አሸናፊነት ተጠናቋል።

ቅዱስ ጊዮርጊስ የሙሉአለም መስፍን ውል ሲያራዝም ደስታ ደሙን አስፈርሟል

የተጨዋቾች ውል በማራዘምና አዳዲስ ተጨዋቾችን በማስፈረም የተጠመዱት ፈሩሰኞቹ የክረምቱ ሥስተኛ ፈራሚያቸውን ከቢጫ ለባሾቹ ወልዋሎ አድርገዋል።በመቐለ 70 እንደርታ አሸናፊነት በተጠናቀቀው የ2011 ኢትዮጵያ ፕሪምየር ዘንድሮ ካሳያቸው ተስፈኛ ተጨዋች አንዱ የሆነው ደስታ ደሙ የፈረሰኞቹ የክረምቱ ሶስተኛ ፈራሚ በመሆን ተቀላቅሏል።

በብዙ ታላላቅ ክለቦች ሲፈለግ የነበረው ደስታ በዘንድሮ ዓመት ከወልዋሎ ውጪ ለኢትዮጵያ ኦሎምፒክ ብሄራዊ ቡድን እና ለቻን ብሄራዊ ቡድን ተመርጦ መጫወት ችሏል።በተጨማሪም የኦሎምፒክ ቡድኑ አዲስ አበባ ላይ ማሊን በገጠመበት ጨዋታ በብሄራዊ ቡድኑ መለያ የመጀመርያ ግቡን ማስመዝገብ ችሏል።

በተያያዘ ዜና ጊዮርጊስ ቤትን ከተቀላቀለ 3 ዓመታትን የደፈነው አማካዩ ሙሉአለም መስፍን ከፈረሰኞቹ ጋር ለቀጣይ ሁለት ዓመታት ሚያቆየውን ውል ተፈራርሟል።በ2009 ከሲዳማ ቡና ወደ ቅዱስ ጊዮርጊስ የፈረመው ጠንካራው የአማካይ ክፍል ተጨዋች ባለፋት 4 ዓመታት በብሄራዊ ቡድን አሰልጣኞች ጥሪ ቀርቦለት ሃገሩን በማገልገል ላይ ይገኛል።

የኢትዮጵያን በፕሪምየር ሊግን ካነሱ ሁለት ዓመታትን ያስቆጠሩት ጊዮርጊሶች የቀጣዩን ዓመት ዋንጫ ወደ ጊዮርጊስ ለማምጣት ከደስታ ደሙ በተጨማሪ የአብስራ ተስፋዬን እና እቤል እንዳለን ከደደቢት ሲያስፈርሙ፤ የአብዱልከሪም መሐመድ፣ሳላዲን በርጌቾ፣ለዓለም ብርሃኑ፣ጋዲሳ መብራቴ፣አሜ መሐመድ ና ናትናኤል ዘልቀን ውል ለሁለት ዓመት ማራዘማቸው ሚታወስ ነው።

ፋሲል ከነማ አሰልጣኝ ስዮም ከበደን በኃላፊነት ሾመ

ፋሲል ከነማ በአፍሪካ ኮንፌዴሬሽን ዋንጫ ትናንት የታንዛኒያውን አዛም 1-0 አሸንፈው ከአሰልጣኝ ውበቱ አባተ ጋር በስምምነት መለያየታቸው ይፋ ሁኗል ።
ፋሲል ከነማ አሰልጣኝ ስዩም ከበደን በይፋ የቀጣዩ የአፄዎቹ አሰልጣኝ አድርጎ ሾሟል ። አሰልጣኝ ስዩም ከበደ የትናንትናውን የፋሲልና የአዛም ጨዋታ በባህርዳር ስታዲየም ተገኝተው የተመለከቱ ሲሆን ከ15 ቀናት በኋላ በታንዛኒያ ዳሬሰላም ከተማ ለሚካሄደው የመልስ ጨዋታ የአፄዎቹን የሚያዘጋጁ ይሆናል ።


አሰልጣኝ ሥዩም ከበደ ከዚህ ቀደም ሰበታ ከተማ ፣ቅዱስ ጊዮርጊስ፣ አዲስ አበባ ከተማና መከላከያን ያሰለጠኑ ሲሆን በኢትዮጵያ ብሄራዊ ቡድን ዋሊያዎቹንና ሉሲዎቹን በምክትልና በዋና አሰልጣኝነት አሰልጥኗል ።

32ቱ ህጋዊ የተጨዋች (የክለብ) ወኪሎች ተለይተው ታወቁ

32ቱ ህጋዊ የተጨዋች (የክለብ) ወኪሎች ተለይተው ታወቁ

ከ2012 ዓ.ም የውድድር ዘመን ጀምሮ የኢትዮጵያ እግር ኳስ ፌዴሬሽን በመሚመራቸው ውድድሩሮች ላይ ተሳታፊ ለሚሆኑ የአገር ውስጥና የውጭ አገር ተጨዋቾች ዝውውርን ለማካሄድ የዓለም አቀፋ እግር ኳስ ፌዴሬሽን /ፊፋ/ ባወጣው መመሪያ መሠረት ቅድመ ሁኔታዎችን ላሟሉ 32 ኢንተርሚደሪዎች የኢትዮጵያ እግር ኳስ ፌዴሬሽን ህጋዊ ፈቃድ ተሰጠ፡፡

የኢትዮጵያ እግር ኳስ ፌዴሬሽን የኢንተርሚደሪ /የሶስተኛ ወገን/ ፈቃድ ለሚፈልጉ በሙሉ በፌዴሬሽኑ መስፈርት መሠረት የፈቃድ መውሰጃ ፈተና በመስጠት 75 የሚሆኑት ተመዝጋቢዎች በመመዘኛ መሠረት ፈተናውን ወስደው ማለፋቸውን የአረጋገጡ በመሆናቸው ከፈለፋት ውስጥ 32 የሚሆኑት የፈቃድ መውሰጃ /የላይሰንስ/ እና የኢንሹራንስ ክፍያ በመፈፀም አስፈላጊውን ቅድመ ሁኔታዎች በማጠናቀቃቸው ሐምሌ 30 ቀን 2011 ዓ.ም ህጋዊ ፍቃዳቸውን ወስደዋል፡፡

ሕጋዊ ፈቃዱ ለሁለት ዓመታት አገልግሎት የሚሰጥ መሆኑን እና ይህንን ፈቃድ ያገኙ ብቻ ዝውውሩን እንደሚሰሩ የተገለፀ ሲሆን ከዚህ ውጪ የሚደረጉ ዝውውሮች ህገወጥ መሆናቸውን እና በፌዴሬሽኑም ሆነ በፊፋ ተቀባይነት የማይኖራቸው መሆኑን ፌዴሬሽኑ ገልጿል፡፡

ፈቃዱን የወሰዱ ዝርዝር

1 ጢሞቲዮስ ባዬ
2 ኤርሚያስ ተክሌ
3 ብሩክ ኢስራኤል
4 ደረጄ መኮንን
5 ዘርአይ ኢያሱ
6 በያን ሁሴን
7 ኤፍሬም ተሰማ
8 አፈወርቅ አሳለ
9 መነን መላኩ
10 እስክንድር ገመዳ
11 ሙሉጌታ ወልደሚካኤል
12 ተስፋአብ ህሉፍ
13 ተሾመ ፋንታሁን
14 ለአለም ሲሳይ
15 ፍቃዱ ተፈራ
16 ሞገስ በሪሁን
17 ብርሃኑ በጋሻው
18 ከበረ አስማረ
19 ስለሺ ብሩ
20 ቴዎድሮስ ፋና
21 ዳግማዊ ረታ
22 ዱሬሳ ሳሙና
23 ጌትነት ኃይለማርያም
24 ወንድማገኝ መኮንን
25 አብዱልወሃብ ፋሪስ
26 አሰግድ ከተማ
27 ሄኖክ ታምሩ
28 ጋሮ ገረመው
29 ፈድሉ ዳርሰቦ
30 መሀቡባ ሳሙና
31 ቢኒያም ወርቁ
32 በረከት ደረጄ

Via – EFF

የሐሙሱ የስራ አስፈፃሚ ኮሚቴ ስብሰባ ውዝግብ እንዳይነሳበት ተሰግቷል�

በዮሴፍ ከፈለኝ

በኢመርጀንሲ ኮሚቴና በተቀሩት
የፌዴሬሽኑ ስራ አስፈፃሚ ኮሚቴ አባላት
መሀል የነበረው አለመግባባት በረድ ቢልም
ልዩነቶችን ሊያሰፋ የሚችል ምክንያት
መፈጠሩ መረጃዎች ያመለክታሉ፡፡ የፊታችን
ሀሙስ ሀምሌ 25/2011 የሚደረገው የስራ
አስፈፃሚ ኮሚቴ አባላቱ ስብሰባ ሌላ ውዝግብ
እንያስከትል ተሰግቷል፡፡ ባለፈው ሳምንት
በካፒታል ሆቴል ከግንቦት በኋላ ለመጀመሪያ
ጊዜ የተገገናኙት አመራሮቹ በያዙት አጀንዳ
ላይ ውሳኔ ከመሰጠቱ በፊት የስዑልሽረና
ወልዋሎ ጨዋታ ህገ ወጥ ድርጊት
ታይቶበታል በሚል አርቢትሩና ኮሚሸነሩ
ሪፖርት በማድረጋቸው ጉዳዩን ዲሲፒሊን
ኮሚቴ አይቶ ውሳኔ እንዲሰጥ ይግባኝ ሰሚ
ኮሚቴም የቅዱስ ጊዮርጊስን ይግባኝ ባፋጣኝ
አይቶ ከአመራሮቹ የሀሙስ ስብስባ በፊት
ውሳኔያቸውን እንዲያሳውቁ ቢወሰንም
ሀትሪክ የደረሳት መረጃ ግን ጉዳዩን አጠራጣሪ
አድርጎታል፡፡ ከታማኝ ምንጮች በደረሰ መረጃ
ዲሲፕሊን ኮሚቴ በወልዋሎ አዲግራትና
ስሁል ሽረ ጨዋታ ዙሪያ ምንም አይነት
መረጃ እንዳልደረሰው ታውቋል፡፡ ይህ ደግሞ
ለሀሙሱ ስብሰባ የዲስፕሊን ኮሚቴ ውሳኔ
ላይቀርብ እንደሚችል አመላክቷል፡፡ የቅዲስ
ጊዮርጊስ ይግባኝ ፌዴሬሽን ጽ/ቤት ቢደርስም
እስከዛሬ ድረስ ይግባኙን ይግባኝ ሰሚ ኮሚቴው
አለማየቱ ታውቋል፡፡ መደበኛ ስብሰባቸው
ሀሙስ ሃሙስ የሚያደርጉት የይግባኝ ሰሚ
ኮሚቴ አባላት ምናልባት በአቸኳይ ማክሰኞና
ረቡዕ ካልተሰበሰቡ በስተቀር የአመራሮቹ
ስብሰባ ውጤት አልባ ሊሆን እንደሚችል
ተሰግቷል፡፡ ከኮሚቴው ምንጫችን ባገኘነው
መረጃ “ብንሰባሰብ እንኳን የሚቀርበው
ሰነድ ካልተሟላ ውሳኔ ላይሰጥ ይችላል”
ሲል የሁኔታውን አጠራጣሪነት አስረድቷል፡
፡ በተለይ ወልዋሎ አዲግራትና ስሁል ሽረ
ጨዋታ ዙሪያ የተሟላ መረጃ አለኝ ያለው
መከላከያ ጥያቄ ማቅረቡና እስካሁን ምላሽ
አለማግኘቱ ራሱን የቻለ ክርክር እንዳያስነሳም
ተሰግቷል፡፡ በስሁልሽረ ደጋፊዎች ተፈፀመ
የተባለው ድርጊት በፌዴሬሽኑ ህግ ነጥብ
የሚያስቀንስ ቢሆንም አመራሮቹ ይህን
የማድረግ ድፍረት ይኖራቸዋል ወይ?
የሚለው የበርካቶችን ትኩረት ስቧል፡፡

ባህርዳር ከተማ ፋሲል ተካልኝን በዋና እሰልጣኝነት ለመቅጠር ተቃርቧል

 

ከጻውሎስ ጌታቸው(ማንጎ) ጋር የተለያዩት የጣና ሞገዶቹ በቅዱስ ጊዮርጊስ ቤት በተጨዋችነት እና በምክትል እሰልጣኝነት በርካታ ዓመታትን ያሳለፈው ፋሲል ተካልኝን በዋና እሰልጣኝነት ለመሾም ተቃርቧል።

በ2010 በጻውሎስ ጌታቸው(ማንጎ) መሪነት ፕሪምየር ሊጉን የተቀላቀሉት የጣና ሞገዶቹ በያዝነው ዓመት የኢትዮጵያ ፕሪምየር ሊግ ተስፋ ሰጪ እንቅስቃሴን እሳይተዋል።

በስፔን እና ሃንጋሪን የእግር ኳስ ስልጠናዎችን ተከታትሎ በቅርቡ ወደ እዲስ እበባ የተመለሰው ፋሲል ተካልኝ በቅርብ ቀናት ወደ ባህርዳር በማምራት ለ2012 የኢትዮጵያ ፕሪምየር ሊግ ዝግጅትና የፊታችን ሐምሌ 26 በሚጀምረው የተጨዋቾች ዝውውር ይጀምራሉ ተብሎ ይጠበቃል።

ሶስቱ የትግራይ ክልል ፕሪምየር ሊግ ተሳታፊ ክለቦች ዱባይ ላይ የቅድመ ዝግጅት ጊዜ ሊያሳልፋ ነው

ኢትዮ-ነጃሺ ቱር ኤንድ ትራቭል ከትግራይ ክልል እግር ኳስ ፌዴሬሽን ጋር በመተባበር በተዘጋጀው ይህ የቅድመ ውድድር ዝግጅት ሻምፒዮኒ መቐለ 70 እንደርታ፣ስሑል ሽረ ና ወልዋሎ ዓድግራት ዩኒቨርሲቲ ተሳታፊ ይሆናሉ።ከኦገስት 26- መስከረም 4 2019 ለ 9 ቀናት በሚቆየው የዝግጅት ጊዜ ሥስቱም ክለቦች በነጃሺ ካፕ ላይ ተሳታፊ ይሆናሉ።

በኢትዮጵያ እግር ኳስ ታሪክ ያልተለመደው ከሃገር ውጪ የቅድመ ውድድር ዝግጅት በነዚህ ክለቦች መጀመሩ ሊበረታታ ሚገባውና ሌሎች ክለቦችም ሊከተሉት ሚገባ ነው።

የ2012 የተጨዋቾች ዝውውር በኢንተርሚደሪ /ሶስተኛ ወገን/ ብቻ የሚስተናገድ መሆኑ ተገለፀ

የኢትዮጵያ እግር ኳስ ፌዴሬሽን የዓለም አቀፋ እግር ኳስ ፌዴሬሽን /ፊፋ/ የአገር ውስጥና የውጭ አገር ተጨዋቾች ዝውውርን አስመልክቶ ባወጣው መመሪያ መሠረት በቀጣይ በ2012 ዓ.ም ፌዴሬሽኑ በመሚመራቸው ውድድሩሮች ላይ ተሳታፊ የሆኑ ተጨዋቾች በኢንተርሚደሪ /በሶስተኛ ወገን / ብቻ ምዝገባ እንደሚካሄድ አስታወቀ፡፡

ቀደም ሲል ይህንኑ ሥራ ለመስራት የሚያስችለውን የኢንተርሚደሪ /የሶስተኛ ወገን/ ፈቃድ ለሚፈልጉ በሙሉ
በፌዴሬሽኑ መስፈርት መሠረት የፈቃድ መውሰጃ ፈተና በመስጠት 75 የሚሆኑት ተመዝጋቢዎች የመመዘኛ ፈተናውን ማለፋቸውን የአረጋገጡ በመሆናቸው ፈቃዱን ለመውሰድ የፈቃድ ክፍያ እና የኢንሹራንስ ክፍያ በመፈፀም ቅድመ ዝግጅታቸውን እያከናወኑ ይገኛሉ ፡፡

ከሐምሌ 25 /2011 እስከ ጥቅምት 12 /2012 እና ከጥር 1 እስከ ጥር 30 ቀን 2012 ዓ.ም በአንደኛ እና በሁለተኛ ዙር የሚከናወኑት የ2012 ዓ.ም የተጫዋቾች ምዝገባን አስመልክቶ ለኘሪሚየር ሊግ ክለቦች፣ ለከፍተኛ እና ለአንደኛ ሊግ ክለቦች ዛሬ ሐምሌ 18/ቀን 2011 ዓ.ም በተፃፈ ደብዳቤ ከፌዴሬሽኑ ሕጋዊ የሦስተኛ ወገን ፈቃድ በተሰጣቸው ህጋዊ አካላት ብቻ ማስመዝገብ እንደሚገባቸው እና በፌዴሬሽኑ ህጋዊ የሆኑት አካላትም ስም ዝርዝር በደብዳቤ እንደሚላክላቸው የተገለፀ መሆኑን የኢትዮጵያ እግር ኳስ ፌዴሬሽን የአስተዳደር ጉዳዮች ምክትል ፀሐፊ የሆኑት አቶ ሚሊዮን መኮንን ገልፀዋል፡፡
አክለውም “ማንኛውም የአገር ውስጥ እና የውጭ አገር ተጫዋች በተገለፁት የምዝገባ ጊዜያት ለመመዝገብ በሚቀርብበት ወቅት ከፌዴሬሽኑ የሶስተኛ ወገን ፈቃድ ባላቸው እና ሕጋዊ በሆኑት አካላት ብቻ መመዝገብ እንደሚገባቸው” አሳስበዋል፡፡ በመጨረሻም “ይህ አይነቱ አሰራር ለአገራችን እግር ኳስ የራሱ የሆነ በጎ ገጽታ ያለው ሲሆን ለክለቦቻችን በወቅቱ የሚፈጠሩትን የተለያዩ የምዝገባ ስህተቶች በአፋጣኝ ለመፍታት፣ ለፌዴሬሽኑ የገቢ ምንጭ እንዲያገኝ የማስቻል እና ለተጨዋቾች በተደጋጋሚ የሚከሰትን ክስ እና እንግልት ለመቀነስ እንዲሁም የሦስተኛ ወገን ፈቃድ ላላቸው የሥራ እድል መፍጠርን የሚያስችል ነው፡፡ በተጨማሪም የዓለም አቀፋ የእግር ኳስን አሠራር ሂደት የሚከተለውን ዘመናዊ ሥርዓት በአገራችን መተግበሩ በፊፋ እና በካፍ መልካም ገጽታ ለማግኘት የራሱ አስተዋጽኦ እንዲኖረው ያደርጋል በማለት” አስረድተዋል ፡፡

Via- theeff official page

“የጥሎ ማለፉ ብቻ ሳይሆን የፕሪምየር ሊጉም አሸናፊ እኛ ነን” ሱራፌል ዳኛቸው (ፋሲል ከነማ)

ሱራፌል፡- የኢትዮጵያ ፕሪሚየር ሊግ
ዋንጫን እኛ አላጣነውም አሁንም ራሳችንን
እንደሻምፒዮና ቡድን አድርገን ነው
እየቆጠርን የምንገኘውና የእሁዱን የጥሎ
ማለፍ ዋንጫ ማግኘታችን ሁላችንንም
ደስተኛ አድርጎናል፡፡
ሀትሪክ፡- የኢትዮጵያ ፕሪምየር ሊግ
አሸናፊ የተባለው ፋሲል ከነማ ሳይሆን
መቐለ 70 እንደርታ ተብሏል፤ አንተ ግን
ሻምፒዮናው እኛ ነን እያልክ ነው፤ ከምን
በመነሳት ነው?
ሱራፌል፡- የኢትዮጵያ ፕሪምየር ሊግ
የዘንድሮ የውድድር ዘመን ተሳትፎአችን
ላይ ክለባችን ብዙ ጥሮ ብዙ ለፍቶ ብዙ
መስዋዕትነት ከፍሎ ሽረ ላይ ከኳስ በወጣ
እና በታየው አስቀያሚ ነገር ይኸውም
እግር ኳሳዊ ባልሆነ ሁኔታ በዕለቱ
ፖለቲካዊ ነገሮች በተንፀባረቀበት ሁኔታ
ዋንጫውን ከመድረክ ባንቀበልም አሁንም
በድጋሚ መናገር የምፈልገው የውድድሩ
አሸናፊ እንደሆንን የምንቆጥረው ራሣችንን
ነው፡፡
ሀትሪክ፡- ፋሲል ከነማ በአፍሪካ
ኮንፌዴሬሽን ካፕ ላይ ይሳተፋል፤
ስለውድድሩ ተሳትፎ እና ስለሚመዘገበው
ውጤት ምን ትላለህ?
ሱራፌል፡- የአፍሪካ ኮንፌዴሬሽን
ካፕ ላይ ቡድናችን የሚኖረው ተሳትፎ
ከውድድሩ ባሻገር ለእኛም ተጨዋቾች
የፕሮፌሽናል ተጨዋቾችንን ዕድል
የሚያስገኝልን ስለሆነ ለጨዋታው እየሰጠን
ያለው ትኩረት ከፍ ያለ ነው፤ ለውድድሩም
በአጭር ጊዜ ውስጥ ዝግጅታችንን እንጀ
ምራለን፤ የአፍሪካ ኮንፌዴሬሽን ካፕ ላይ
በሚኖረን ውድድርም ቡድናችን ግጥሚ
ያውን የሚያደርገው ለተሳትፎ ሳይሆን
የፋሲል ከነማ እግር ኳስ ክለብ እሁድ እለት ሐዋሳ ከተማን አሸንፎ የኢትዮጵያ ጥሎ ማለፍ ዋንጫን ካነሳ
በኋላ የቡድኑ አሰልጣኝ ውበቱ አባተ እና የቡድኑ ተጨዋች
ሱራፌል ዳኛቸው ስለ ድሉ እና ሌሎች ላቀረብንላቸው ጥያቄ
የሚከተለውን ምላሽ ሊሰጡን ችለዋል፡፡
ጥሩ ውጤት ለማምጣት ነው፤ ፋሲል ከነማ
ጠንካራ እና ጥሩ አቅም ያለው ቡድን
ነውና ለመጀመሪያ ጊዜ በሚኖረን ተሳትፎ
እኛነታችንን ማሳየት እንፈልጋለን፤ ይሄ
እንደሚሳካልንም አምናለሁ፡፡
ሀትሪክ፡- ፋሲል ከነማ የጥሎ
ማለፉን ዋንጫ ያነሳበትን ጨዋታ እንዴት
ትመለከተዋለህ?
ሱራፌል፡- የሐዋሳ ከነማ ክለብን በፍፁም
ቅጣት ምት ያሸነፍንበት ጨዋታ ሜዳው
የአንድ ሁለት ቅብብልንም ሆነ ድሪብል
አድርገህ ጥሩ ለመጫወት የማትችልበት
ነበርና በዚህ በኩል በእንቅስቃሴው በኩል
ተቸግረናል፡፡ ያም ሆኖ ግን ሀዋሳዎች ግብ
በማስቆጠር እኛን ቢቀድሙንም ቡድናችን
ጎል እንደሚያስቆጥር ለአሰልጣኛችን ውበቱ
አባተ እየነገርኩት ነበርና ያንን ነው
በማሳካት በመጨረሻም በፍፁም ቅጣት ምት
ለማሸነፍ የቻልነው፡፡