Category: ፋሲል ከተማ

ፋሲል ከነማ አሰልጣኝ ስዮም ከበደን በኃላፊነት ሾመ

ፋሲል ከነማ በአፍሪካ ኮንፌዴሬሽን ዋንጫ ትናንት የታንዛኒያውን አዛም 1-0 አሸንፈው ከአሰልጣኝ ውበቱ አባተ ጋር በስምምነት መለያየታቸው ይፋ ሁኗል ።
ፋሲል ከነማ አሰልጣኝ ስዩም ከበደን በይፋ የቀጣዩ የአፄዎቹ አሰልጣኝ አድርጎ ሾሟል ። አሰልጣኝ ስዩም ከበደ የትናንትናውን የፋሲልና የአዛም ጨዋታ በባህርዳር ስታዲየም ተገኝተው የተመለከቱ ሲሆን ከ15 ቀናት በኋላ በታንዛኒያ ዳሬሰላም ከተማ ለሚካሄደው የመልስ ጨዋታ የአፄዎቹን የሚያዘጋጁ ይሆናል ።


አሰልጣኝ ሥዩም ከበደ ከዚህ ቀደም ሰበታ ከተማ ፣ቅዱስ ጊዮርጊስ፣ አዲስ አበባ ከተማና መከላከያን ያሰለጠኑ ሲሆን በኢትዮጵያ ብሄራዊ ቡድን ዋሊያዎቹንና ሉሲዎቹን በምክትልና በዋና አሰልጣኝነት አሰልጥኗል ።

ፋሲል ከነማ በበዛብህ መለዮ ብቸኛ ግብ እዛምን እሸነፈ

 

በካፍ ኮንፌዴሬሽን ካፕ ቅድመ ማጣርያ የመጀመርያ ዙር ጨዋታ  በሜዳው እዛምን ያስተናገደው ፋሲል ከነማ በመጀመርያ እጋማሽ በበዛብህ መለዮ እማካኝነት በተቆጠረች ግብ እሸንፈዋል።

በባለሜዳው የፋሲል ደጋፊዎች ደማቅ የሞዛይክ ትርኢት ታጅቦ በተካሄደው የመጀመርያ እጋማሽ የፋሲሎች የኳስ ቁጥጥር ብልጫ እና ሙከራ የታየበት ነበር።በመጀመሪያዎቹ 15 ደቂቃዎች እፄዎቹ ከሁለቱም መስመር በሚነሱ ኳሶች እድሎችን ለመፍጠር ቢሞክሩም እንደ ያዙት የኳስ ብልጫ የግብ ሙከራዎችን ማድረግ እልቻሉም። ናይጀርያዊው ኢዙ እዙካ ከግራ መስመር ወደ ፍፁም ቅጣት ምት ሳጥን ሰብሮ በመግባት ለሙጂብ እቀብሎት በእዛም ተከላካዮች በተመለሰ ኳስ እድሎችን መፍጠር የጀመሩት ፋሲሎች በተደጋጋሚ የእዛም ፍፁም ቅጣት ሳጥንን ቢጎበኙም የጠሩ እድሎችን መፍጠር ተስንዋቸው ታይቷል።የፋሲሎች ሊጠሩ ሚችሉ ሙከራዎችን ከቆሙ ኳሶች በተሻለ ሁኔታ ፈጥረዋል የዚህ ማሳያ ሚሆኑት በ6ኛው ደቂቃ ቀኝ መስመር ላይ የተገኝውን ቅጣት ምት ሱራፋኤል ዳኛቸው እሻምቶት በእዛም ተካላካዮች ተመልሶ የተገኘውን ኳስ ቅርብ የነበረው ሙጂብ ቢመታውም የግቡ የጎን መርበብ ገጭቶ ወጥቷል።በተመሳሳይ ሱራፌል ዳኛቸው ከፋሲል ሜዳ ቀኝ መስመር በረጅሙ የላከው ኳስ እጥቂው ሙጂብ ቃሲም የእዛም ተከላካይና በረኛ አለመግባባት በመጠቀም ያገኘውን ኳስ በጨረፍታ ቢመታውም ለትንሽ ወደ ውጭ ሊወጣ ችሏል።እንግዶቹ እዛም በበኩላቸው በ3-5-2 እሰላለፍ ወደ ኃላ ማፈግፈግን ምርጫቸው በማድረግ ከመስመር በሚነሱ የመልሶ ማጥቃት ኳሶች እድሎችን ለመፍጠር ቢሞክሩም ሚካኤል ሳማኬን እና ተቀይሮ የገባውን ጀማል ጣሰው ሚፈትኑ እልነበሩም።

መስመር ላይ ትኩረት ያደረገው የፋሲል እጨዋወት መደበኛው የመጀመርያ 45 ተጠናቆ ዳኛው በጨመረው 2 ደቂቃዎች ላይ ፍሬ ማፍራት ችሏል።ሽመክት ጉግሳ ከግራ መስመር ያሻማው ኳስ በፍፁም ቅጣት ምት ሳጥን በቀኝ በኩል የነበረው ሙጂብ ወደ ውስጥ መልሶት በዛብህ መለዮ በጥሩ እጨራረስ አፄወቹን በመሪነት ወደ ዕረፍት እንዲወጡ እድርጓል።

በሁለተኛው እጋማሽ ተሽለው የቀረቡት እዛሞች እሁንም መስመር ላይ ትኩረት እድርገው እድሎችን ፈጥረዋል።በተለይ ፊት ላይ የነበረው የእብርይ ቼርሞ ና ኤዲ ሱሌማን ጥምረት የፋሲል ተከላካይ ክፍልን በሚገባ መፈተን ችሏል።የሁለተኛው እጋማሽ የመጀመርያ ሙከራ ከቀኝ መስመር ኤዲ ሱሌማን ያሻገረው ኳስ አብሬይ ቼርሞ በግምባሩ ቢገጨውም ከግቡ ጎን ለጥቂት ወጥቷል።

በተመሳሳይ ቦታዎች ጥፋቶች ሲሰሩ የነበሩት ፋሲሎች ሁለተኛው እጋማሽ ላይ በእካል ብቃት ተዳክመው ታይቷል።በመጀመርያው እጋማሽ የኳስ ብልጫ ወስደው የተጫወቱት ፋሲሎች ሁለተኛ እጋማሽ ላይ ኳሱን ለእዛሞች በመስጠት መከላከልን ምርጫቸውን እድርገዋል።በዚህም ምክንያት በተደጋጋሚ በእዞሞች ጥቃት ደርሶባቸዋል፤በተለይ ተቀይሮ የገባው ሙዩ ኩሪ በተቀራራቢ ደቂቃዎች ከተመሳሳይ ቦታ የመታቸው ሁለት ኳሶች እንደኛው ለትንሽ ወደ ውጭ ሲወጣ ሁለተኛው የግቡ እግዳሚ ሊመልሰው ችሏል።መሃል ሜዳ ላይ ብልጫ የተወሰደበት ውበቱ እባተ በሁለተኛው እጋማሽ ላይ ተዷክሞ የታየውን ሃብታሙ ተኸስተን በሰለሞን ሃብቴ በመቀየር በተሻለ ሁኔታ ተከላካይ ክፍሉ ሽፋን እንዲያገኝ በማድረግ ጨዋታው በፋሲል እሸናፊነት እንዲጠናቀቅ እድርጓል።

በዚህም መሰረት ፋሲል ከነማ የመጀመርያው የካፍ ኮንፌዴሬሽን ካፕ ጨዋታውን በማሸነፍ ጀምሯል።የመልሱ ጨዋታ ከ15 ቀናት በኃላ ታንዛንያ ላይ ይካሄዳል።

ባህርዳር ከተማ ፋሲል ተካልኝን በዋና እሰልጣኝነት ለመቅጠር ተቃርቧል

 

ከጻውሎስ ጌታቸው(ማንጎ) ጋር የተለያዩት የጣና ሞገዶቹ በቅዱስ ጊዮርጊስ ቤት በተጨዋችነት እና በምክትል እሰልጣኝነት በርካታ ዓመታትን ያሳለፈው ፋሲል ተካልኝን በዋና እሰልጣኝነት ለመሾም ተቃርቧል።

በ2010 በጻውሎስ ጌታቸው(ማንጎ) መሪነት ፕሪምየር ሊጉን የተቀላቀሉት የጣና ሞገዶቹ በያዝነው ዓመት የኢትዮጵያ ፕሪምየር ሊግ ተስፋ ሰጪ እንቅስቃሴን እሳይተዋል።

በስፔን እና ሃንጋሪን የእግር ኳስ ስልጠናዎችን ተከታትሎ በቅርቡ ወደ እዲስ እበባ የተመለሰው ፋሲል ተካልኝ በቅርብ ቀናት ወደ ባህርዳር በማምራት ለ2012 የኢትዮጵያ ፕሪምየር ሊግ ዝግጅትና የፊታችን ሐምሌ 26 በሚጀምረው የተጨዋቾች ዝውውር ይጀምራሉ ተብሎ ይጠበቃል።

“የጥሎ ማለፉ ብቻ ሳይሆን የፕሪምየር ሊጉም አሸናፊ እኛ ነን” ሱራፌል ዳኛቸው (ፋሲል ከነማ)

ሱራፌል፡- የኢትዮጵያ ፕሪሚየር ሊግ
ዋንጫን እኛ አላጣነውም አሁንም ራሳችንን
እንደሻምፒዮና ቡድን አድርገን ነው
እየቆጠርን የምንገኘውና የእሁዱን የጥሎ
ማለፍ ዋንጫ ማግኘታችን ሁላችንንም
ደስተኛ አድርጎናል፡፡
ሀትሪክ፡- የኢትዮጵያ ፕሪምየር ሊግ
አሸናፊ የተባለው ፋሲል ከነማ ሳይሆን
መቐለ 70 እንደርታ ተብሏል፤ አንተ ግን
ሻምፒዮናው እኛ ነን እያልክ ነው፤ ከምን
በመነሳት ነው?
ሱራፌል፡- የኢትዮጵያ ፕሪምየር ሊግ
የዘንድሮ የውድድር ዘመን ተሳትፎአችን
ላይ ክለባችን ብዙ ጥሮ ብዙ ለፍቶ ብዙ
መስዋዕትነት ከፍሎ ሽረ ላይ ከኳስ በወጣ
እና በታየው አስቀያሚ ነገር ይኸውም
እግር ኳሳዊ ባልሆነ ሁኔታ በዕለቱ
ፖለቲካዊ ነገሮች በተንፀባረቀበት ሁኔታ
ዋንጫውን ከመድረክ ባንቀበልም አሁንም
በድጋሚ መናገር የምፈልገው የውድድሩ
አሸናፊ እንደሆንን የምንቆጥረው ራሣችንን
ነው፡፡
ሀትሪክ፡- ፋሲል ከነማ በአፍሪካ
ኮንፌዴሬሽን ካፕ ላይ ይሳተፋል፤
ስለውድድሩ ተሳትፎ እና ስለሚመዘገበው
ውጤት ምን ትላለህ?
ሱራፌል፡- የአፍሪካ ኮንፌዴሬሽን
ካፕ ላይ ቡድናችን የሚኖረው ተሳትፎ
ከውድድሩ ባሻገር ለእኛም ተጨዋቾች
የፕሮፌሽናል ተጨዋቾችንን ዕድል
የሚያስገኝልን ስለሆነ ለጨዋታው እየሰጠን
ያለው ትኩረት ከፍ ያለ ነው፤ ለውድድሩም
በአጭር ጊዜ ውስጥ ዝግጅታችንን እንጀ
ምራለን፤ የአፍሪካ ኮንፌዴሬሽን ካፕ ላይ
በሚኖረን ውድድርም ቡድናችን ግጥሚ
ያውን የሚያደርገው ለተሳትፎ ሳይሆን
የፋሲል ከነማ እግር ኳስ ክለብ እሁድ እለት ሐዋሳ ከተማን አሸንፎ የኢትዮጵያ ጥሎ ማለፍ ዋንጫን ካነሳ
በኋላ የቡድኑ አሰልጣኝ ውበቱ አባተ እና የቡድኑ ተጨዋች
ሱራፌል ዳኛቸው ስለ ድሉ እና ሌሎች ላቀረብንላቸው ጥያቄ
የሚከተለውን ምላሽ ሊሰጡን ችለዋል፡፡
ጥሩ ውጤት ለማምጣት ነው፤ ፋሲል ከነማ
ጠንካራ እና ጥሩ አቅም ያለው ቡድን
ነውና ለመጀመሪያ ጊዜ በሚኖረን ተሳትፎ
እኛነታችንን ማሳየት እንፈልጋለን፤ ይሄ
እንደሚሳካልንም አምናለሁ፡፡
ሀትሪክ፡- ፋሲል ከነማ የጥሎ
ማለፉን ዋንጫ ያነሳበትን ጨዋታ እንዴት
ትመለከተዋለህ?
ሱራፌል፡- የሐዋሳ ከነማ ክለብን በፍፁም
ቅጣት ምት ያሸነፍንበት ጨዋታ ሜዳው
የአንድ ሁለት ቅብብልንም ሆነ ድሪብል
አድርገህ ጥሩ ለመጫወት የማትችልበት
ነበርና በዚህ በኩል በእንቅስቃሴው በኩል
ተቸግረናል፡፡ ያም ሆኖ ግን ሀዋሳዎች ግብ
በማስቆጠር እኛን ቢቀድሙንም ቡድናችን
ጎል እንደሚያስቆጥር ለአሰልጣኛችን ውበቱ
አባተ እየነገርኩት ነበርና ያንን ነው
በማሳካት በመጨረሻም በፍፁም ቅጣት ምት
ለማሸነፍ የቻልነው፡፡

“አለአግባብ ላጣነው የፕሪምየር ሊግ ዋንጫ ማካካሻ አግኝተናል” አሰልጣኝ ውበቱ አባተ (ፋሲል ከነማ)�

ሀትሪክ፡- ፋሲል ከነማ የኢትዮጵያ
ጥሎ ማለፍ ዋንጫን እሁድ ዕለት
አንስቷል፤ በተገኘው ድል ምን ተሰማህ?
አሰልጣኝ ውበቱ፡- በኢትዮጵያ
ጥሎ ማለፍ ዋንጫ ሐዋሳ ከተማን
በማሸነፍ ያገኘነው ድል በውስጤ
የፈጠረብኝ የደስታ ስሜት በጣም
ከፍ ያለ ነው፤ ፋሲል ከነማ እንደ
ልፋቱ፣ እንደ ጥረቱ፣ እና በሜዳ ላይ
እንደሚያሳየው ማራኪ የእግር ኳስ
አጨዋወቱ ከእዚህም በላይ ሌላ ድልም
ይገባው ነበርና ይሄን ዋንጫ በፕሪሚየር
ሊጉ አለአግባብ ላጣነው ዋንጫ እንደ
ማካካሻ ቆጥረነዋል፤ ደስታችንም እጥፍ
ድርብ ሆኗል፡፡
ሀትሪክ፡- ፋሲል ከነማ የጥሎ
ማለፉን ዋንጫ ባያነሳ እንደ ቡድኑ
አሰልጣኝነት በውስጥህ ምን ነገር
ሊፈጠር ይችል ነበር?
አሰልጣኝ ውበቱ፡- ክለባችን
በእዚህ ዓመት የውድድር ተሳትፎው
ላይ ከነበረው ጥንካሬና እስከመጨረሻው
ቀን ድረስም የፕሪሚየር ሊጉን ዋንጫ
ለማንሣት ከመፎካከሩ አንፃር የእሁድ
ዕለቱን የጥሎ ማለፍ ዋንጫ ባያገኝና
ዘንድሮ ያለምንም ስኬት የውድድር
ዘመኑን ቢያሳልፍ ለእኔ ብቻ ሣይሆን
ለቡድኑ ተጨዋቾች እንደዚሁም
ደግሞ በየሜዳው እኛን ለማበረታታት
እየተጓዙ፣ እየተንገላቱ፣ እየተጎዱና
ከፍተኛ መስዋትነትንም እየከፈሉ
ለሚገኙት ደጋፊዎቻችን ጭምር
ሁሉም ነገር አሳዛኝ ይሆን ነበርና በዚህ
ዋንጫ እግር ኳሳዊ ባልሆነ
መንገድ አለአግባብ ላጣነው
ዋንጫ ልንካስ ችለናልና ይሄ
መሆን መቻሉ አስደስቶኛል፡፡
ሀትሪክ፡- እሁድ ዕለት
ከፋሲል ከነማ ጋር ያሳካከው
ዋንጫ ለአንተ አራተኛው
ትልቁ ድልህ ነው ልበል?
አሰልጣኝ ውበቱ፡
– አዎን፤ ወደ አሰልጣኝነት
ህይወት ካመራሁበት ጊዜ
አንስቶ በትላልቅ ደረጃዎች
ሊጠቀሱ የሚችሉ ዋንጫዎችን
አሁን ላይ ሳገኝ አራተኛ ጊዜዬ
ነው፤ እነሱም ከእዚህ ቀደም
በ2002 ዓ.ም ላይ ከደደቢት
ጋር የጥሎ ማለፍ ዋንጫን
በ2003 ዓ.ም ከኢትዮጵያ ቡና
ጋር የፕሪሚየር ሊጉን እና
የአሸናፊዎች አሸናፊ ዋንጫን
እና ከፋሲል ከነማ ጋር እሁድ
ዕለት የተጎናፀፍኩት የጥሎ
ማለፍ ዋንጫ ትልቁ ስኬቶቼ
ናቸውና የበፊቱን ድሎቼን
ያኔ ውጤት ባመጣንበት ወቅት
ለተገኘው ድል ክሬዲቱን በጊዜው ለነበሩት
የቡድኑ አባላቶች ስሰጥ የእሁዱን ደግሞ
ለአሁኑ የቡድናችን አጠቃላይ አባላቶች እና
ለደጋፊዎቻችን መስጠትን እፈልጋለው፡፡
ሀትሪክ፡- የጥሎ ማለፉን ዋንጫ
ያገኛችሁት በፍፁም ቅጣት ምት በማሸነፍ
ነው፤ በእዚህ ዙሪያ እና በሜዳ ላይ
ስለነበረው እንቅስቃሴ ምን ትላለህ?
አሰልጣኝ ውበቱ፡- ከሐዋሳ ከተማ ጋር
ያደረግነውን የፍፃሜ ጨዋታ ቡድናችን
በፍፁም ቅጣት ምት አሸንፎ ዋንጫውን
ለማንሳት ቢችልም የዋንጫ ጨዋታዎች
ብዙ ጊዜ አንድ ነገር ከተሳሳትክ ዋጋ
ልትከፍል የምትችልበት ነገሮች ስላሉና
ጥንቃቄም አድርገህ የምትጫወትበት ሁኔታ
ስላለ ሜዳ ላይ ስለነበረው እንቅስቃሴ ብዙ
ማውራት ትርጉም ያለው አይመስለኝምና
በእሁድ ዕለቱ ጨዋታ የእግር ኳሱ አንዱ
አካል በሆነው የፍፁም ቅጣት ምት አሸንፈን
ዋንጫውን ስላነሳንና በኢንተርናሽናል
የውድድር መድረክም ፋሲል ከነማን
ለመጀመሪያ ጊዜ እንዲሳተፍ መንገዱን
ስላመቻቸንለት ይሄ ሊያስደስተኝ ችሏል፡፡
ሀትሪክ፡- በፍፃሜው ጨዋታ ከሐዋሳ
ከተማ ጋር ለመሸናነፍ ወደ ፍፁም ቅጣት
ምቶቹ ስታመሩ ምን አልክ?
አሰልጣኝ ውበቱ፡- የፍፁም ቅጣት
ምቶች የጨዋታው አንድ አካል
ቢሆኑም ሁሌም ግን ከዕጣ
ያልተናነሱ ነገሮች ናቸው፤
በዚህ የፍፁም ቅጣት ምት ጊዜም
በዕለቱ ጥሩ ሲጫወቱ የነበሩት
የእነሱ መስፍን፣ ካቻና የእኛው
ደግሞ በዛብህን የመሳሰሉ
ተጨዋቾች የሳቱበት አጋጣሚ
ስለነበር ወደዛ ከማምራታችን
በፊት ምነው 30 ደቂቃ
ቢጨመር የሚል ነገር ነበር
በውስጤ ሲመላለስ የነበረውና
ቡድናችን ይሄ ዋንጫ ይገባው
ስለነበር በመለያ ምት ልናሸንፍ
ችለናል፡፡
ሀትሪክ፡- ፋሲል ከነማ
የጥሎ ማለፉ አሸናፊ በመሆኑ
በአፍሪካ ኮንፌዴሬሽን ካፕ ላይ
ይሳተፋል፤ በእዚያ ውድድር ላይ
ቡድናችሁ ስለሚኖረው ቆይታ
ምን ትላለህ?
አሰልጣኝ ውበቱ፡- የፋሲል
ከነማ እግር ኳስ ክለብ በዘንድሮው
የፕሪሚየር ሊጉ ተሳትፎ
በሜዳ ላይ ያሳየው የጨዋታ
እንቅስቃሴ ደጋፊን በኳስ
ያረካ፣ በርካታ ጎል ያስቆጠረ
ትንሽ ግብ ብቻ የተቆጠረበት
እና ከፍተኛ ብርታትንም
የሚሰጡት ብዙ ደጋፊ ያለው
ቡድን ከመሆኑ አኳያ በቶታል
የአፍሪካ ኮንፌዴሬሽን ካፕ ላይ
የሚኖረው የውድድር ተሳትፎ
ጥሩ ይሆንለታል፡፡
ሀትሪክ፡- በመጨረሻ….?
አሰልጣኝ ውበቱ፡- የኢትዮጵያ ፕሪሚ
የር ሊግ የእዚህ ዓመት ተሳትፎአችንን እግር
ኳሳዊ ነገሮች ባልነበሩበት ሁኔታ ዋንጫውን
ብናጣም የጥሎ ማለፉ ባለድል ሆነን በእዚሁ
ልንካስ ችለናልና ለእዚህ ላበቃን ፈጣሪያችን
ክብርና ምስጋና ይግባው፡፡

“የፕሪምየር ሊጉን ዋንጫ እግር ኳሳዊ ባልሆነ መልኩ አጥተናል” ኤፍሬም ዓለሙ [ፋሲል ከነማ]

የፋሲል ከነማ እግር ኳስ ክለብን በጥሩ
የመሀል ሜዳ ስፍራ ተጨዋችነቱ በማገልገል
ቡድኑን እየጠቀመ የሚገኘው ኤፍሬም ዓለሙ
ቡድናቸው የዘንድሮውን የፕሪምየር ሊግ ዋንጫ
ስላጣበት መንገድ፣ ስለ አጠቃላይ የውድድር
ዘመን ተሳትፎአቸውና ከራሱ ጋር በተያያዙ
ጉዳዮች ዙሪያ ጋዜጠኛ መሸሻ ወልዴ /G.BOYS/
አናግሮት የሚከተለውን ምላሽ ሰጥቷል፤
ተከታተሉት፡፡

ሀትሪክ፡- የመጠሪያ ስምህን ለመቀየር
ከመዘጋጀትህ ጋር በተያያዘ ጥያቄያችንን
ብንጀምር?

ኤፍሬም፡- ይቻላል፡፡

ሀትሪክ፡- ኤፍሬም ዓለሙ የሚለውን
ስምህን ፍፁም ዓለሙ ልታስብል ተዘጋጅተሃል
አሉ፤ የእውነት ነው?

ኤፍሬም፡- አዎን፤ ኤፍሬም የሚለው ስሜ
አሁን ድረስ የምጠራበት ስም ቢሆንም ከመጪው
ዓመት አንስቶ ግን ስሜ በፍፁም ዓለሙ
የተቀየረ ስለሆነ በቀጣዩ ጊዜ በዛ ስም የምጠራበት
ይሆናል፤ ፍፁም የሚለው ስም እናቴ ልጅ
ሆኜ ያወጣችልኝ ነው፤ በጣም ከምወዳት እህቴ
ቡርቱካን ዓለሙ በመቀጠል ለቤተሰቦቼ ሁለተኛና
የመጨረሻ ልጅ ስለሆንኩም ነው ስሙን
ያወጣችልኛና፤ ከዚህ በኋላ እናንተም ፍፁም
ብላችሁ ጥሩኝ፡፡

ሀትሪክ፡- አሁን ደግሞ ወደ ዋናው
ጥያቄዎቻችን እናምራ ፋሲል ከነማ የፕሪምየር
ሊጉን ዋንጫ አነሳ ሲባል ከስሁል ሽረ ጋር
ባደረገው የመጨረሻው ቀን ጨዋታ ዋንጫውን
ለመቐለ 70 እንደርታ አሳልፎ ሰጥቷል፤
የውድድሩ ሻምፒዮና ባለመሆናችሁ በውስጥህ
ምን አይነት ስሜት ነው የተፈጠረብህ?
ኤፍሬም፡- የኢትዮጵያ ፕሪምየር ሊግ
የዘንድሮ ዋንጫ ለእኛ እየተገባን በመጨረሻ
ቀን ላይ ባደረግነው እግር ኳሳዊ ባልሆነ
መልኩ ጨዋታ በአደባባይ በደል ተፈፅሞብን
ዋንጫውን ስናጣ የተሰማኝ ስሜት በጣም
መጥፎ የሚባል ነው፤ ለፋሲል ከነማ ይህ
ዋንጫ ከልፋቱ አንፃር በጣም ይገባው ነበር፤
ያም ሆኖ ግን እግር ኳሱ ወደ ፖለቲካው ውስጥ
ዘልቆ በመግባቱ፣ የዳኝነት በደል ስለደረሰብን እና
ፈጣሪም ስላልፈቀደልን ሻምፒዮናነቱን ሳናሳካ
ቀርተናል፡፡

ሀትሪክ፡- ፋሲል ከነማ ከስሁል ሽረ ጋር
ያደረገውን ጨዋታ 1-1 መለያየቱን ተከትሎ
ነው ዋንጫውን ሳያነሳ የቀረውና በሜዳ ላይ
ምን ተፈጥሮ ነው ውጤትን አሳጥቶናል
ያላችሁት?

ኤፍሬም፡- ከስሁል ሽረ ጋር የነበረንን
የመጨረሻ ቀን ጨዋታ ሳናሸንፍ ዋንጫውን
ልናጣ የቻልንበት ዋንኛ ምክንያቶች
የመጀመሪያው ከዚህ ቀደም በዳኝነቱ ረገድ
በጣም የምናደንቀው እና ስለ ችሎታውም
የምንመሰክርለት ኢንተርናሽናል አልቢትር በላይ
ታደሰ ቡድናችን የመሪነቱን ጎል ካስቆጠረበት
ሰዓት አንስቶ የሚወስናቸው ውሳኔዎች
ትክክል ያልነበሩና ይባስ ብሎ ደግሞ በእኛ
የፍፁም ቅጣት ምት ክልል ውስጥ የሽረ
ሁለት አጥቂዎችና ተከላካያችን ያሬድ ባየ
ኳስ ለማግኘት በተፋጠጡበት ሰዓት ያሬድ
የእነሱን መሬት ላይ የወደቀውን አንድ
አጥቂ ምንም ሳይነካው በአጠገቡ ያለውን
ኳስ ከአካባቢው በመምታት በሚያርቅበት
ሰዓት በቡድናችን ላይ ዘግየት ብሎ የሰጠብን
የፍፁም ቅጣት ምት የሚያሰጥ አለመሆኑ
በጣሙን አሳዝኖናል፤ ኢንተርናሽናል አልቢትር
በላይ ታደሰ የፍፁም ቅጣት ምቱ እንደማይሰጥ
አውቆና ጨዋታውንም እንደማስጀመር ብሎ
ነው ሀሳቡን በመቀየር የፍፁም ቅጣት ምቱን
የሰጠብን፤ ስሁል ሽረን በዛን ዕለት ከነበረው
እግር ኳሳዊ ያልሆነ ጨዋታ አንፃር ማሸነፍ
በጣም ከባድ ነበር፤ ግጥሚያውን ብናሸንፍ
የሰው ህይወት ያልፍም ነበርና ዋንጫውን
ለማንሳት ብዙ የለፋንበትን መንገድ በዚሁ
መልኩ ስናጣ ከፍተኛ የሀዘን ስሜት ነው
የተሰማንና ከጨዋታው በኋላ ሁሉን ነገር
ለፈጣሪ ሰጥተነዋል፡፡

ሀትሪክ፡- ስሁል ሽረን በሜዳ ላይ በነበረው
እንቅስቃሴ አሸንፋችሁ ዋን ጫውን ለማንሳት
የቱን ያህል ጥረት አድር ጋችኋል?

ኤፍሬም፡- የስሁል ሽረን በተፋለምንበት
ጨዋታ ዋንጫውን በማንሳቱ በኩል
ባይሳካልንም ቡድናችን በሜዳ ላይ
በነበረው የጨዋታ እንቅስቃሴ ግን እነሱን
ለማሸነፍ ያደረገው ጥረት ከፍ ያለና ብዙም
መስዋትነትንም የከፈለበት ነበር፤ ያን ዕለት
በነበረን ጨዋታ ያገኛቸውን በርካታ የግብ
አጋጣሚዎች አለመጠቀማችን ጎድቶናል፤
በተለይ እኔ፣ ሙጂብ ቃሲምና በዛብህ መለዮ
ያገኘናቸው ዕድሎች የሚያስቆጩም ነበሩ፤
የባዛብህ በተለይ ጨዋታው ሊጠናቀቅ አንድ
ደቂቃ ሲቀር ያገኘው ዕድልም ስለነበር ፈጣሪ
ስላልፈቀደልንና በእነሱም ግብ ጠባቂ የእለቱ
ጨዋታ ላይ በጥሩ አቋም ላይ መገኘት ኳሶችን
እንዲያድን ስላደረገው ግጥሚያውን ሳናሸንፍ
ቀርተናል፡፡

ሀትሪክ፡- ፋሲል ከነማን በአጠቃላይ
የፕሪምየር ሊጉ ተሳትፎው እንዴት አገኘኸው
?

ኤፍሬም፡- የፕሪምየር ሊጉ የዘንድሮ
ተሳትፎአችን በዋንጫ ባይታጀብም በጣም
ጥሩ የሚባል እና የወደድኩትም ነው፤
በተለይ ደግሞ በሁለተኛው ዙር ላይ የነበረን
አቋም የሚገርምና በመሪው ክለብ መቐለ
70 እንደርታም በ10 ነጥብ ልዩነት ከተበልጠን
በኋላ እነሱ ላይ ደርሰንና መሪነቱንም
ነጥቀነው የተጓዝንበት አጋጣሚ ስለነበር
ይሄ ሊፈጠር መቻሉ ፋሲልን እንዲለይ
አድርጎታልና በውድድር ዘመኑ ለቀረበው
ቡድናችን ዋንጫውን ብናጣም ከፍተኛ
አድናቆት ነው ያለኝ፡፡

ሀትሪክ፡- የፕሪምየር ሊጉን ዋንጫ
ባጣችሁበት ቀን የደጋፊዎቻችሁን ስሜት
እንዴት አገኘኸው?

ኤፍሬም፡- የእውነት በጣም ነበር
የሚያሳዝኑት፤ የቡድናችን ደጋፊዎች
የዘንድሮውን የፕሪምየር ሊግ ዋንጫ እንድናነሳ
ከመፈለግ በሜዳችንም ከሜዳችንም ውጪ
ስንጫወት ከፍተኛ ድጋፍን ነበር ሲያደርጉልን
የነበሩት፤ እነሱ ለክለባቸው ካላቸው ከፍተኛ
ፍቅር የተነሳም ሲደግፉን መሞት ካለብን
እንሞታለንም ብለውም ነው የሚያበረታቱት
እና ወደ ሽረ በእንደዛ አይነት እግር ኳሳዊ
ነገር ባልታየበት ሁኔታ መጥተው ደግፈውን
ዋንጫውን ሳያገኙ ሲቀሩ ሳይ እንደእነሱ ሁሉ
የእኔም ስሜት ነው የተጎዳው፡፡

ሀትሪክ፡- ፋሲል ከነማ የፕሪምየር ሊጉን
ዋንጫ ካጣ በኋላ የክለቦቻችሁ ኃላፊዎች ምን
አሏችሁ?

ኤፍሬም፡- የፕሪምየር ሊግ ዋንጫውን
ያጣነው ትክክል እና ተገቢ ባልሆነ መልኩ
መሆኑን ስላወቁ አይዟችሁ ዋንጫውን
አላጣችሁትም፤ የውድድር ዘመኑም አሸናፊ
እናንተ ናችሁ በሚል ነው ያፅናኑን እና
ሞራላችንንም የጠበቁት፤ ከዛ ውጪም አሁን
የግማሽ ፍፃሜ በደረስንበት የጥሎ ማለፍ
ጨዋታም ላይ ጠንክረን በመግባት ዋንጫውን
እንድናነሳም ነው የማበረታቻ ቃላትን ሲሰጡን
የነበረው እና የእዚህ ውድድር ሻምፒዮና
ከሆንም ከፍተኛ ሽልማት እንደሚሰጠንም ነው
ቃል የተገባልን፡፡

ሀትሪክ፡- በኢትዮጵያ ዋንጫ መቐለ 70
እንደርታን በግማሽ ፍፃሜ ትገጥማላችሁ፤
የጨዋታው መልክ ምን ይሆናል? ማንስ
ያሸንፋል?

ኤፍሬም፡- የመቐለ 70 እንደርታ ጋር
የምናደርገው የግማሽ ፍፃሜ ጨዋታ
በሁለቱ ቡድኖች መካከል ካለው አንዱ
በአንዱ ያለመሸነፍ ፍላጎት አንፃር ጨዋታው
በከፍተኛ ጉጉት የሚጠበቅ ነው፤ ይሄ ጨዋታ
በክለቦቹ መካከል ካለው ልዩነት አኳያም
በሰላም ተጀምሮ በሰላም የሚጠናቀቅበትን ነገር
የእግር ኳስ ፌዴሬሽኑ ከወዲሁ ሊያስብበት
ይገባል፤ ከእነሱ ጋር የምናፈርገውን ጨዋታ
በተመለከተም ውጤቱ ከእነሱ ይልቅ ለእኛ
በጣም አስፈላጊያችን በመሆኑ ይሄን ጨዋታ
በድል አድራጊነት ለመወጣትም በሚገባ
ተዘጋጅተናል፤ መቐለዎች የሊጉ አሸናፊ ስለሆኑ
በዋናው የአፍሪካ ቻምፒዮንስ ሊግ ውድድር
ላይ ይሳተፋሉ፤ እኛ ደግሞ ወደ ኮንፌዴሬሽን
ካፕ ለሚያሳትፈው ውድድር ለማምራት ይሄን
ጨዋታና የዋንጫውንም ግጥሚያ ማሸነፍ
ስለሚጠበቅብን በእርግጠኝነት የውድድሩ
ባለድል እና ሀገራችንንም የምንወክለው እኛ
ፋሲሎች ነን፡፡

ሀትሪክ፡- የፕሪምየር ሊጉን የዘንድሮ
ፉክክር እንዴት ተመለከትከው?

ኤፍሬም፡- የእግር ኳሱ ላይ አላ ስፈላጊ
የሆኑ የስፖርታዊ ጨዋነት ጥሰቶች የታዩበት
ቢሆንም ጥሩ ፉክክር ተደርጎበታል፤ እኛ መቐለ
70 እንደርታ እና ሲዳማ ቡናም አንገት ለአንገት
የተናነቅንበት እና ሌላ ጊዜም በፉክክር ደረጃ
እንዲህ ያለ ጨዋታን መመልከት ቢያጓጓህም
ዋንጫ በማንሳቱ ላይ ግን መስተካከል ያለባቸው
ስራዎች ላይ ከፍተኛ ጥንቃቄ ሊደረግ ይገባል፡፡
የኢትዮጵያ ፕሪምየር ሊግ ዋንጫ
ማንሳት ላይ ሁሌም ልክ በ2003 ኢትዮጵያ
ቡና እንደበላው አይነት ቢሆን ጥሩ ነው፤ ያኔ
ውድድሩ አምሮም ይጠናቀቃል፡፡

ሀትሪክ፡- ለፋሲል ከነማ በመጫወት
ዘንድሮ ያሳለፍከውን ጉዞ እንዴት ትመለከ
ተዋለህ?

ኤፍሬም፡- በጣም ጥሩ የውድድር ዘመንን
ነው እያሳለፍኩ ያለሁት፤ ለክለቤ ስጫወት ብዙ
ለጎል የሚሆኑ ኳሶችን አቀብያለው፤ ከዛ ውጪም
አራት ያህል ጎሎችንም አስቆጥሬያለው፡፡
ሀትሪክ፡- ሙጂብ ቃሲም በርካታ ጎሎችን
ለክለባችሁ አስቆጥሯል፤ ከዛ ውጪም
የፕሪምየር ሊጉ የኮከብ ግብ አግቢ ተፎካካሪ ሆኖ
ጨርሷል፤ ስለ እሱ ምን ትላለህ?
ኤፍሬም፡- የቡድናችን አጥቂ ሙጂብ
ለቡዙዎች ሞዴል መሆን የሚችል ተጨዋች
ነው፤ በጨዋታ ላይ ፈፅሞ መሸነፍ አይፈልግምና
ግጥሚያዎችን በድል ለመወጣት የተቻለውን
ሁሉ ያደርጋል፤ ከዛ ውጪም በእያንዳንዱ
ግጥሚያ ላይ እኛ ተጨዋቾች በምንም ነገርም
እንዳንጨነቅ መጥቶ ያበረታታናልና ዘንድሮ
እሱን ከጠበቅኩት በላይ ነው ያገኘሁት፡፡

ሀትሪክ፡- አሰልጣኛችሁ ውበቱ አባተስ?

ኤፍሬም፡- እሱ ኢትዮጵያ ውስጥ ካሉ
ትላልቅ አሰልጣኞች መካከል በስልጠና ብቃቱ
ለየት ያለ ነው፤ ሁሌም የሚጠቅምክንና
የሚያሻሽልህንም ስልጠና ይሰጥሃልና
በዘንድሮው የመጀመሪያ ዓመት የክለቡ
የአሰልጣኝነት ህይወት እኛን ወደ እሱ የስልጠና
ቅኝት ውስጥ እንድንገባ ያደረገበት መንገድ ጥሩ
ነውና በዚሁ አጋጣሚ አድናቆቴን ልገልፅለት
እፈልጋለው፡፡

ሀትሪክ፡- ስለ ቀጣይ ጊዜ የኳስ ህይወትህ ምን
ትላለህ?

ኤፍሬም፡- የእግር ኳስ ተጨዋችነት ህይወቴን
ከፍተኛ ደረጃ ላይ ለማድረስ ብዙ ጥረቶችን ነው
እያደረግኩ የምገኘው፤ የፋሲል ከነማ ክለብ ውስጥ
ዘንድሮ ስጫወት ውሌን የምጨርሰው በዋንጫ
ቢሆን በጣም ነው ደስ የሚለኝ፤ ከዛ ውጪም
ውጤታማ ጊዜያቶችን በማሳለፍ ለሀገሬ ብሔራዊ
ቡድንም ተመርጬ መጫወትም እፈልጋለው፡፡

ሀትሪክ፡- በኢትዮጵያ እግር ኳስ አሁን ላይ
እየተፈጠሩ ስላሉት ችግሮች ምን ማለት ትፈልጋለህ
?

ኤፍሬም፡- የኢትዮጵያ እግር ኳስ ላይ
ከስፖርታዊ ጨዋነት ጥሰት ጋር በተያያዘ በየጊዜው
የሚታዩት ችግሮች ስፖርቱን ወደ አላስፈላጊ
ነገሮች እየወሰዱት በመሆኑ ይሄ ጉዳይ በቸልታ
ሊታይ አይገባውም፤ አሁን ላይ ኳሱ ፖለቲካ ውስጥ
ገብቷል፤ ሁለቱ ነገሮች ፈፅሞ የማይጣጣሙና
የማይገናኙም ስለሆኑ ልንለያያቸው ይገባል፤
በስፖርቱ ውስጥ ደጋፊው ወደ ሜዳ ሲመጣ
እግር ኳስን እና እግር ኳስን ብቻ ብሎ ቢመጣ
እና ሌሎች ነገሮችን ባያራምድ በዚህ ላይ ለውጥ
ማምጣት ይቻላል፤ ይሄን ማድረግ የሚችሉት
ደግሞ ደጋፊዎች፣ ኳስ ተጨዋቾች፣ ጋዜጠኞች እና
የስፖርቱ ባለድርሻ አካላት ናቸውና እነሱ ትልቁን
ሚና ሊጫወቱ ይገባል፡፡

ሀትሪክ፡- በመጨረሻ…..?

ኤፍሬም፡- በኢትዮጵያ ስፖርት ውስጥ የእግር
ኳሱን አሁን ላይ እየተጫወትኩ ባለሁበት ሁኔታ
ከእኔ ጎን በመሆን በሙያዬ በርትቼ እንድሰራ
በምክራቸው ጥሩ አስተዋፅኦ ከሚያደርጉልኝ አካላቶች
መካከል ማመስገን የምፈልጋቸው ሰዎች አሉ፤
በቅድሚያ ለሁሉም ነገር ለዚህ ያበቃኝን ፈጣሪዬን
ማመስገን እወዳለው፤ በመቀጠል ደግሞ በእኔ ብቻ
ሳይሆን በፋሲል ከነማ ክለብ ማህበረሰብ ዘንድ
በሁሉም ነገሩ የሚወደደውን እና ቡድናችን በዚህ
ዓመት ላመጣው ውጤት ክለቡን ከማነቃቃት አንስቶ
ጥሩ ነገር የሰራውን ጀማል ጣሰውን ላመሰግነው
እፈልጋለው፤ ጀማል ጣሰው ወደ ክለባችን ከመጣበት
ሰዓት አንስቶ በሁሉም ተጨዋቾችም ሆነ ደጋፊዎች
ዘንድ ባለው ስብህና የሚወደድም ተጨዋች ነውና
የሚሰጠው ምስጋናም የሚያንሰው ነው፤ ከእሱ
ውጪም ቤተሰቤን እና የፋሲል ከነማ ደጋፊዎችን
አመሰግናለው፡፡

photo credit – kebra z Gonder

“የሠላም መስበኪያ መድረክ የሆነው እግር ኳሳችን ላይ ዘረኝነት መንፀባረቁ አሳፋሪ ነው…”� ሙጂብ ቃሲም /ፋሲል ከነማ/

ሀትሪክ፡- የልጅነት ህልምህን እየኖርክ
ነው ወይስ?
ሙጂብ፡- ህልሜ ላይ እየኖርኩ ነው፡፡
መሆን የምሻው እግር ኳስ ተጨዋች መሆን
ነበር፡፡ ትምህርቴን እያቋረጥኩ ነበር ኳስ
ስጫወት የነበረውና…. ህልሜ ላይ ፍላጎቴ
ላይ እየኖርኩ ነው ማለት እችላለው፡፡
ሀትሪክ፡- በክለብ ደረጃ የት የት
ተጫወትክ?
ሙጂብ፡- የኳስ ህይወቴ የጀመረው
በሲዳማ ቡና ነው…. ከዚያ ውጪ
የተጫወትኩባቸው ክለቦች ሀዋሳ ከተማ፣
አዳማ ከተማና ፋሲል ከነማ ናቸው፡፡
ሀትሪክ፡- ለአንተ የህይወት ጉዞ ስኬት
ወይም አሁን ለደረስክበት ደረጃ እንድትደርስ
አድርጓል የምትለው ባለውለታ አሰልጣኝ
ማነው?
ሙጂብ፡- ትልቅ ምስጋናዬን የማቀርብ
ለትና የማመሰግነው የሲዳማ ቡናው ዋና
ስራ አስኪያጅ መንግሥቱ ሳሳሞ ነው፡
፡ ከርሱ ውጪ በወቅቱ አሰልጣኝ የነበረው
ታረቀኝ ትልቁን ድርሻ ይወስዳሉ፡፡ ከወረዳ
ውድድር ላይ አግኝተው አስፈርመው
በህልሜ ላይ እንድኖር አድርገውኛልና ከልብ
አመሰግናቸዋለው፡፡
ሀትሪክ፡- በኮከብ ግብ አስቆጣሪነት ፉክክር
ላይ ነህ በ29ኛው ሳምንት ደግሞ ፎርፌ
አግኝታችኋል በዚህም 3 ግብ ለክለባችሁ
ተሰጥቷል ግቦቹ ለኔ በሆኑ ወይም በስሜ
በተመዘገበ አላልክም?
ሙጂብ፡- (ሳቅ በሳቅ) አዎ
ብያለው፡፡ በጣም ሳስበው ሁሉ
ነበር… ሆኖም ግን ዋናው ነጥቡ
ለክለቡ የሚያስፈልግ በመሆኑ
ባገኘነው 3 ግብም ተደስቻለሁ
በርግጥ ብንጫወት ደስ ይለኝ
ነበር ነገር ግን አጋጣሚው ለኛ
ጥሩ በመሆኑ አልተከፋሁም፡፡
ሀትሪክ፡- በዘንድሮው 29
ጨዋታ ነጥብ በመጣላችሁ
የተከፋህበት.. ስላሸነፋችሁ
ደግሞ የተደስትክበት
ጨዋታዎች የትኞቹ ናቸው?
ሙጂብ፡- ጎንደር ላይ
ከደቡብ ፖሊስ ባደረግነው
ጨዋታ በቃ አሸንፈናል
ብለን ርግጠኝነት በተሰማን
ሰዓት የተቆጠረብን ግብ
አቻ አድርጎናል በዚህም
በጣም ተበሳጭቻለሁ…
በ ማ ሸ ነ ፋ ች ን
የተደሰትኩበት ደግሞ
ጅማ አባጅፋርን 6ለ1
የረታንበት ጨዋታ ነው፡
፡ በዚህ ጨዋታ አራት
ግብ አስቆጥሬያለው
በውጤቱም ደረጃችንን
ማሻሻል በመቻላችን ደስተኛ ነበርኩ፡፡
ሀትሪክ፡- ተጨዋች በሆንክባቸው ክለቦች
ለአሰልጣኝ ገንዘብ ሰጥተህ ወይም ተጠይቀህ
አታውቅም?
ሙጂብ፡- በፍፁም ሰጥቼም አላውቅም
የጠየቀኝ አሰልጣኝም የለም፡፡ በዚህ በኩል
እድለኛ ነኝ የፈረምኩት አምነውብኝ ባናገሩኝ
አሠልጣኞች በመሆኑ ገንዘብ ለመክፈል
አልተገደድኩም፣ የማወራው የእውነቴን ነው
ገጥሞኝም አያውቅም፡


ሀትሪክ፡-የአመቱ ልፋት የሚወሰነው
ከስሁል ሽረ ጋር በሚደረግ ጨዋታ ነው ምን
ውጤት ይጠበቅ?
ሙጂብ፡- የጨዋታው ስሜት ከባድ
ነው… ከባድ ትግልም ይጠብቀናል እኛ ጋር
ያለው ስሜትና የሚጠበቀው የግድ ማሸነፍ
በመሆኑ ያንን ለማድረግ ተዘጋጅተናል ከፈጣሪ
ጋር እናሳካለን ብለን እናምናለን ግዴታ
ማሸነፍ የሚጠበቅብን ጨዋታ እንደመሆኑ
ለሜዳው ላይ ፍልሚያ ተዘጋጅተናል፡፡ 90
ደቂቃ ይለየናል ከባድ ስሜት ያለበት ጨዋታ
ነውና ማሸነፍ ዋንጫ ከማንሣት ጋር የተያያዘ
በመሆኑ የምንችለውን እናደርጋለን፡፡
ሀትሪክ፡- በጨዋታው በዳኛ ስህተት
ወይም በሌላ የውጪ ኃይል አሸናፊው
መታወቅ የሌለበት ጨዋታ ደስ ይላል ከዚህ
አንፃር ለሽሬው ጨዋታ ምን መደረግ አለበት
ትላለህ?
ሙጂብ፡- አሁን ያለው የኳሱ ሁኔታ
የሚታወቅ ነው ኳሱና ፖለቲካው አንድ
መሆኑ የኳሱ እድገት ላይ ተፅዕኖ ፈጥሯል
ያ ስሜት ስላለ ጥንቃቄ ያስፈልገዋል፡፡ ትልቅ
ደርቢ እንደመሆኑና የዋንጫ ጨዋታ ስለሆነ
ጥንቃቄና ጥበቃ ያስፈለገዋል፡፡ ከባድ ጨዋታ
ነው ትልቅ ትርጉም ያለውም በመሆኑ
ፌዴሬሽኑ ትልቅ የቤት ሥራ አለበት፡፡
ጨዋታው በሠላም እንዲጠናቀቅ እመኛለው፡፡
ሀትሪክ፡-በሀገራችን እግር ኳስ ላይ
ዘረኝነቱ ተንሰራፍቷል እዚህ ላይ የምትለው
አለ?
ሙጂብ፡- እግር ኳስን ጨምሮ አጠቃላይ
ስፖርት ከዘረኝነት ነፃ የሆነ መድረክ ነው፡
፡ ብዙ ጊዜ የሚሰራው እንዲህ እንዲሆን
ነው በኛ ሀገር ግን አሁን ላይ ያለው ሁኔታ
ያስጠላል ዘረኝነቱ ኳሱ የሠላም መስበኪያ
መድረክ የሆነው እግር ኳሳችን ላይ ዘረኝነት
መንፀባረቁ አሳፋሪ ነው… ክለብ ሲደገፍም
ፖለቲካና ብሔርተኝነት ይንፀባረቅበታል
ከዚህ በኋላም ካልተስተካከለ አደጋ አለው
ደጋፊውም የኳሱ ባለድርሻም ከዘረኝነት ነፃ
ሆኖ ነው ኳስን መመልከት ያለበት፡፡
ሀትሪክ፡- ይሄ የዘረኝነቱን ችግር
ለማስወገድ የቀረበው ሃሳብ ፎርማቱ ይቀየር
የሚል ነው፡፡ ፎርማቱ ይቀየር ወይስ?
ሙጂብ፡- በፍፁም አልስማማም….
ፎርማቱ መቀየር የለበትም… በሀገር ደረጃ
ካለው ችግር አንፃር መታሰቡን እረዳለሁነገር ግን መፍትሔ አይሆንም ሁሉም ራሱን
የማረም ርምጃ ሲወስድ ብቻ መፍትሔው
የሚመጣው…. እንደ ተጨዋች ግን ፎርማቱ
ይቀየር በሚለው አልስማማም፡፡ የኳሱን
እድገት ከማቆሙም ውጪ ህዝብን ከህዝብ
የሚያራርቅ በመሆኑ ፎርማቱ ይቀየር
በሚለው አልስማማም፡፡ ፕሪሚየር ሊጉ
ባለበት ሆኖ የስፖርት ቤተሰቡንና ባለ ድርሻ
አካላት ማስተማርና መለወጥ የሚለው
መቅደም አለበት ባይነኝ፡፡
ሀትሪክ፡- ክልል ወጥቶ ወይም ከሜዳ
ውጭ ማሸነፍ ከባድ ሆኗል…ይሄንንስ
እንዴት አየኸው?
ሙጂብ፡- የአቅም ማነስ ነው ብዬ
አላስብም፡፡ በእርግጥም የሚታይ ተፅዕኖ
ይኖረዋል፡፡ በተለይ የደጋፊ ተፅዕኖ ከባድ
ነው ከሜዳ ውጪ ስትጫወት ብዙ ተፅዕኖዎች
ስላሉ እንደ ሜዳህ መጫወት አትችልም
ሁኔታው ከባድ ነው፡፡
ሀትሪክ፡- ብዙዎች ከሜዳ ውጪ
ስንጫወት የዳኛ ተፅዕኖ አለ ይላሉ… አንተስ?
ሙጂብ፡- በርግጥ ተፅዕኖ አለ…. የዘንድሮ
ፕሪሚየር ሊግ ከበድ ያለ ቢሆንም ያንን
ተቋቁመው እዚህ ደረጃ መድረሳቸው ጥሩ
ነው… ተፅዕኖው እንዳለባቸው ግን ይገባኛል
በየሜዳው ያለው የደጋፊ ተፅዕኖ የስፖርታዊ
ጨዋነት ችግር ተቋቁመው ማጫወታቸው
ግን እንደእኔ ትልቅ ነገር ነው፡፡
ሀትሪክ፡- ፋሲል ከነማ በጨዋታው
ተበልጦ ሳይሆን በዳኛ ስህተት የተሸነፈበት
ግጥሚያ አለ?
ሙጂብ፡- እርሱማ አይጠፋም.. ሀዋሳ
ላይ በነበረን ጨዋታ የፌር ፕሌይ ግብ
ተቆጥሮብናል፡፡ ያንን ጨዋታ አሸንፈን ቢሆን
ኖሮ የተሻለ ነጥብ ይኖረን ነበር በዚያ ቅር
ብሎኛል፡፡
ሀትሪክ፡- የፋሲል ከነማ ደጋፊዎች
ድጋፍንስ እንዴት ትገልፀዋለህ?
ሙጂብ፡- ደጋፊዎቻችን በክለባቸው
የማይደራደሩ ጠንካሮች ናቸው የነርሱ ጥንካሬ
ነው እዚህ ደረጃ ላይ ያደረሰን… ከጀርባችን
ሁሌ የማይጠፉ ለክለባቸውና ለተጨዋቾቹ
ያላቸው ክብርና ፍቅር የሚያስደስት ነው
ምርጥ ደጋፊዎችን ስለያዝን ደስተኞች ነን…
ሀትሪክ፡- ከ15ቱ የሊጉ ክለቦች መሃል
የፋሲል ከነማ የተለየ መገለጫ የትኛው ነው?
ሙጂብ፡- አሰልጣኛችን ውበቱ አባተ
የሚታወቀው ኳስን መሰረት አድርጎ
በመጫወቱ ነው፡፡ ያንን ነገር ነው የሰራነው..
ቡድናችን በይበልጥ ኳስን ተቆጣጥሮ
የሚጫወት ቡድን ነው ቶሎ ቶሎ ወደ
ግብ ይደርሳል ብዙ ግብ ነው እያስቆጠርን
የነበረው… በተለይ ከ2ኛ ዙር በኋላ በይበልጥ
የማጥቃት አቅማችን እንደ ቡድን ምርጥ
ነው… ይሄ ነው ልዩነታችን፡፡
ሀትሪክ፡- ፋሲል ከነማን የመረጥከው
ብቸኛ የጠየቀህ ክለብ እሱ ስለሆነ ነው?
ሙጂብ፡- ቅዱስ ጊዮርጊስ፣ ኢትዮጵያ
ቡናና መከላከያ አናግረውኛል… ነገር ግን
ምርጫዬ ፋሲል ስለነበር ወደዚያ አቅንቻለሁኝ
በዚህ ደግሞ ደስተኛ ነኝ፡፡
ሀትሪክ፡- የአሰልጣኝ ውበቱ አባተ ትልቅ
አቅም የምትለው ምኑን ነው?
ሙጂብ፡-አሰልጣኝ ውበቱ ያለው አቅም
የሚታወቅ ነው ምንም ጥርጥር የለውም
በሚገባ ታታሪ የሆነ አሰልጣኝ ነው ቡድኑን
ጠንካራ የማድረግ አቅሙ በግል ከተጨዋች
የሚፈልገውን ለማግኘት የሚያደርገው ጥረት
ልዩ መለያው ነው፡፡ ጠንካራ አሰልጣኝ
በመሆኑ ቡድኑን ጠንካራ አድርጎታል
በአሰልጣኛችን ደስተኛ ነኝ፡፡
ሀትሪክ፡-ያንተ ምርጡ አሰልጣኝ ማነው?
ሙጂብ፡- አሰልጣኝ ውበቱ አባተ ነዋ….
ይሄማ ጥርጥር የለውም፡፡
ሀትሪክ፡-አሁን እያሰለጠነህ ስለሆነ
ፈርተህ ነው?
ሙጂብ፡- (ሳቅ በሳቅ) በፍፁም አይደለም
ሀዋሳ እያለሁ አሰልጥኖኛል እዚህም አብረን
ነን ለኔ ምርጡ እርሱ ነው፡፡
ሀትሪክ፡-በፋሲል ደጋፊዎች ትወደዳለህ…
ይገባኛል የሚል አቋም አለህ…?
ሙጂብ፡- (ሣቅ) የመውደዱ ነገር
የደጋፊው እይታ ይመስለኛል… እኔ ስራዬን
በታማኝነት መስራት ነው የሚጠበቅብኝ…
ደጋፊው ሊጠላህም ሊወድህም ይችለል፡
፡ በእርግጥ ደጋፊ ከሚጠላህ ቢወድህ
ይመረጣለና በደጋፊዎቹ በመወደዴ ደስተኛ
ነኝ፡፡ የደጋፊ ጫና ከባድ ነው ሀዋሳ
እያለሁ ይሄ ነገር አጋጥሞኝ እንደምንም
ተቋቁሜዋለው እዚህ ፋሲል ከነማ ግን ድጋፍ
እንጂ ጫና የለብኝም፡፡


ሀትሪክ፡-አብሬው ብጫወት ደስ ይለኛል
የምትለው ተጨዋች ማነው?
ሙጂብ፡- አሁኝ የለም … በፊት ግን
ከሙሉጌታ ምህረት ጋር የመጫወት ህልም
ነበረኝ… ኳስ ሊያቆም አካባቢ ከርሱ ጋር
ተጫውቼ ፍላጎቴን አሳክቻለሁ፡፡
ሀትሪክ፡-የፋሲል ከነማ የቡድን አጋርህ
አይናለም ኃይለ ውድድሩ ፕሪሚየር ሊግ
አይባል የረብሻ ወይም የድብድብ ሊግ ይባል
ሲል ባለው ሁኔታ ቅሬታውን ገልጿል…
ሙጂብስ ምን ይላል?
ሙጂብ፡- (ሳቅ በሳቅ)
አዎ እውነቱን ነው…
ከባድ ነው… አሁን
ያለው ሁኔታ
ያሰጋል… አይናለም
እንዳለው ሁኔታው
ያስጠላል ክለቦች
በምን አይነት
መልኩ ውጤት
እ ን ደ ሚ ያ መ ጡ
እየሰማንና እያየን ነው፡፡
ደጋፊዎች ውጤት እያስለወጡ
ነው… ዘረኝነቱ ሰፍቷል…
እውነት ነው ሊጉ ከጨዋታ
ይልቅ የረብሻ ሊግ ነው ቢባል
ነው የሚቀለው…የምናየው
መጥፎ ሁኔታ እንዲስተካከልና
ሠላም እንዲሆን እመኛለው
በዚህ ከቀጠለ ግን ለኳሱ
ከባድ አደጋ ነው የተሻለና
ጥሩ ጊዜ እንዲመጣ ተስፋ
አደርጋለው፡፡
ሀትሪክ፡- ጠቅላይ
ሚኒስትር ዶ/ር አብይ
አህመድ በሌለ ኳስ ላይ
ረብሻው ከቀጠለ ድብድቡ
ካልቆመ እጃችንን
እንሰበስባለን ሲሉ
ተናግረዋል.. ይሄስ
ስጋት አይፈጥርም?
ሙጂብ፡-
በርግጥ ኳሱ ገና ነው
ገና ብዙ የሚቀሩት
ጉዳዮች አሉ…
የደጋፊዎች የእርስ
በርስ ድብድብ
ለሰው ልጆች
ህልፈት ምክንያት
እየሆነ ነው በዚያ
ላይ ኳሱ አለማደጉ
በራሱ ያበሳጫል…
በጣም ከባድ ችግር
ነው፡፡ ሁኔታው
ከቀጠለ ለኳሱ
አደጋ ይሆናል ብዬ
እየሰጋው ነው፡፡
ሀትሪክ፡-ከ40 -60
ሚሊዮን ብር በአመት
እየወጣ ሽልማቱ 150 ሺ ብር
መሆኑ አይገርምም?
ሙጂብ፡- (ሣቅ) ሁሌ የማስበው
ነገር ነው፡፡ ሽልማቱ 150 ሺ ብር ሲባል
ያስቃልኮ.. ሁሌ ባወራው የምፈጥረው
ነገር ስለሌለ ለራሴ አውርቼ ነው ዝም
የምለው… በጣም የሚያሳዝን ነገር
ነው፡፡ ገንዘቡ ቀርቶ የክብር ሽልማት
ቢሰጥኮ ይሻላል… ገንዘቡ ምንም
ትርጉም የለውም ማሸነፍ ዋንጫ
መውሰድ ብቻ ነው ትርጉሙ.. ያንን
ሳስብ አፍራለው፡፡
ሀትሪክ፡- እድል ቢሰጥህ
ኢትዮጵያ ውስጥ መቀየር
ወይም ማድረግ የምትፈልገው
ምንድነው?
ሙጂብ፡- በየጊዜው
ባይሆንም በየሁለት
የአፍሪካ ዋንጫ ላይብንሳተፍ ደስ ይለኛል፡፡ ሰፊ ጊዜ እየተቆጠረ
ከመድረኩ ከምንርቅ ሌላው ቢቀር በጥቂት
የአፍሪካ ዋንጫ ላይ ብንገኝ ደስ ይለኛል ይሄ
ታሪክ ተቀይሮ ማየት እፈልጋለሁ፡፡
ሀትሪክ፡- ፕሮፌሽናል ተጨዋች የመሆን
እድል አግኝተህ ነበር.. እንዴት ነበር?
ሙጂብ፡- ለ25 ቀናት የሙከራ እድል
ሞርኮ ሄጄ ነበር…ሙከራው ባይሳካም
በቀጣይም እሞክራለው
ሀትሪክ፡-የሞሮኮና የኢትዮጵያን የኳስ
ልዩነት ታዘብክ?
ሙጂብ፡- በጣም ሰፊ የሆነ ልዩነትማ
አለ፡፡ አንገናኝም.. በቡድን አደረጃጀት፣
በስታዲየም ጥራት ሜዳ ላይ ባለው ስልጠና
ሰማይና ምድር ነን… በእውነት አንገናኝም
ይሄን ታዝቤያለው፡፡
ሀትሪክ፡-ለኢትዮጵያ ምን ትመኛለህ?
ሙጂብ፡- ያለ ጥርጥር ሠላምን እመ
ኛለው… ሠላም ለሁሉም ነገር ወሳኝ ነው
በተለይ ለኢትዮጵያና ለኢትዮጵያውያን ዋና
ጉዳይ ነው…. ሠላም ከሌለ እንደ ሀገር እንደ
ዜጋ እንደ ተጨዋች መኖር አይቻልም
ኳሱም የሚኖረው ሠላም ሲመጣ ነው…
ያንን ሠላም ለማምጣት ሁሉም ኢትዮጵያዊ
ሊያስብበት ይገባል በተለይ ኳሱ ላይ ሠላም
እንዲመጣ የማድረግ አቅም ያለው ደጋፊው
ነው ተጨዋቹ 22 ሆኖ ነው ወደ ሜዳ
የሚገባው ከነርሱ ጀርባ ያለው ተመልካች ነው
ዋነኛ ባለድርሻ… እንደ ሀገር አሁን ያለውን
ሁኔታ ያሳስበኛል….ሠላም እንዲሆን ሀገሪቷ
እንድትረጋጋ እፀልያለው፡፡ ሀገሬን አላህ
ሠላም ያደርጋት ነው የምለው፡፡
ሀትሪክ፡- ለስፖርታዊ ጨዋነት መጓደልኮ
የተጨዋቾችም እጅ አለበት… ደጋፊ
የሚያነሳሱ ተጨዋቾች፣ አሰልጣኞች የቡድን
መሪዎች አሉ፤… እዚህ ላይ ምን ትላለህ?
ሙጂብ፡- አዎ ትክክል ነው ያ ግን
ከስሜታዊነት የሚመነጭ ይመስለኛል፡፡
ሁሉም ስሜቱን መቆጣጠር እንዳለበት ግን
አምናለሁ፡፡ የተጨዋቾች አንዳንድ ድርጊት
በርግጥም በተቃራኒ ቡድን ደጋፊዎች ላይ
ተፅዕኖ ይፈጥራልና ሁሉም ባለድርሻ አካል
ስህተቱን ማረም አለበት ማለት እፈልጋለሁ፡፡
ሀትሪክ፡- የሚከፈለው ደመወዝና የናንተ
የኳስ ደረጃ አይገናኝም…. ክፍያው በዝቷል
የሚሉ አሉ… ትስማማለህ?
ሙጂብ፡- አልስማማም… እንደተጨዋች
ሳየው ያንሳል ባይ ነኝ፡፡ እንደ ሀገሪቱ እግር
ኳስ ደረጃ ካየነው ግን ልዩነት አለው፡፡
አፍሪካም ውስጥም ያለው ነገር ተመሳሳይ
ነው ለምን የኛ እንደሚጋነን አልገባኝም፡፡
ሀትሪክ፡-ትዳር እንዴት ይዞሃል…. አሪፍ
ነው?
ሙጂብ፡- አሪፍ ትዳር አለኝ ባለቤቴ
ኢማን ስሩር ትባላለች… ትዳር ከመሰረትን
5 አመታችን ነው፡፡ ሲዳማ እያለሁ ነው
ያገባኋት… ደስተኛ መሆኔንንና እንደምወዳት
ልነግራት እፈልጋለው… በህይወቴ ላይ ከባድ
ተፅዕኖ ያሳረፈች ምርጥ ሚስቴ ናት፡፡
ሀትሪክ፡-ሲዳማ ቡናን በተቃራኒ
ገጥመህ ግብ አስቆጥረህ ታውቃለህ…
አስቆጥረህስ ጨፈርክ?
ሙጂብ፡- ተቃራኒ ሆኜ ገጥሜ
ግብ አስቆጥሬያለሁ ስሜቱ ከባድ
ነው…እያጠቁን በነበረበት
ሰዓት ያስቆጠርኩት ግብ
በመሆኑ ማሊያዬን አውልቄ
ጨፍሬያለሁ… በኋላ
ሳናግራቸው ቅር ብሏቸዋል
ለካ እንደዚህ ማድረግ
አልነበረብኝም አልኩ…
ግቧ ወሳኝ መሆኗን
ብቻ ነው ያሰብኩትና
የጨፈርኩት፡፡
ሀትሪክ፡-አሁን
ለነርሱ ጥሩ መመኘት
አይከብድህም?
ሙጂብ፡- (ሳቅ)
አሁንማ የዋንጫ
ተፋላሚ ናቸው የደርቢ
ተፋላሚያችን ናቸውኮ /
ሳቅ/
ሀትሪክ፡-ሙጂብ በምን
ዘና ይላል?
ሙጂብ፡- በፕሌይ
ስቴሽን… ፕሌይ ስቴሽን ደስ
ይለኛል፡፡
ሀትሪክ፡-ጨረስኩ..
የምታመሰግነው ሰው ካለ?
ሙጂብ፡- ውዷ ባለቤቴን ኢማንን በጣም
አመሰግናለሁ፡፡

መቐለ 70 እንደርታ ድሬዳዋ ከተማን በማሸነፍ የ2011 የኢትዮጵያ ፕሪምየር ሊግ ዋንጫን አነሳ

 

ከ60 ሺህ በላይ ደጋፊ በትግራይ ስታድየም ታድሞ በተከታተለው የመቐለ 70 እንደርታ ና ድሬዳዋ ከተማ ጨዋታ በባለ ሜዳዎቹ ምዓም እንበሳዎች እሸናፊነት ተጠናቋል።

ብዙ ሙከራዎች እና የመቐለ 70 እንደርታ የኳስ ቁጥጥር ና ሙከራ በላይነት በታየበት የመጀመርያው ጥሩ ሚባል ፋክክር አሳይቷል።በ4-2-3-1 የተጨዋቾች እሰላለፍ ወደ ሜዳ የገቡት መቐለዎች ከሁለቱም መስመሮች በሚነሱ ኳሶች እድሎችን ሲፈጥሩ ነበር፤በተለይም ኦሰይ ማውሊ፣ያሬድ ብርሃነ ና እማኑኤል ገብረሚካኤል ያደረግዋቸው ሙከራዎች ሚጠቀሱ ናቸው።እንግዶቹ ድሬዎች እብዛኛው ጊዚያቸውን መሃል ሜዳ ላይ ትኩረት ያደረጉ እጫጭር ና የተቆራረጡ ቅብብሎሽ ከማድረግ ውጪ ይህ ሚባል የግብ ዕድል መፍጠር ተስንዋቸው ታይቷል።መደበኛ የመጀመርያ እጋማሽ ተጠናቆ ዳኛው በጨመሩት 3 የባከኑ ደቂቃዎች ላይ እማኑኤል መትቶት በድሬዳዋ ተከላካዮች በእጅ መመለሱ ተከትሎ የተሰጠውን ፍፁም ቅጣት ምት ጋናዊው ኦሰይ ማውሊ እስቆጥሮ የመጀመርያው እጋማሽ በመቐለ መሪነት እንዲጠናቀቅ እድርጓል።

ሁለተኛው እጋማሽ መቐለዎች ያሬድ ብርሃነን በዮናስ ገረመው በመቀየር የጨዋታ ስልታቸውን ወደ 4-4-2 በመቀየር ተጫውተዋል።ድሬዎች በበኩላቸው መጀመርያ እጋማሽ ላይ የተጠቀሙበት እሰላለፍ ለውጥ ሳያደርጉ ገብተዋል።ጫና መፍጠራቸውን የቀጠሉት መቐለዎች 55ኛው ደቂቃ ላይ ዮናስ ገረመው ከማእዘን ምት ያሻገረውን ኳስ የድሬ ተከላካዮች ኳሱን በሚያወጡበት ጊዜ በእጅ መንካታቸውን ተከትሎ የተሰጠውን ፍፁም ቅጣት ምት እማኑኤል ገብረሚካኤል እስቆጥሮ የመቐለን ጎል ወደ ሁለት ከፍ ማድረግ ችሏል።

ከግቡ መቆጠር በኃላ በተሻለ መልኩ ሙከራዎችን ማድረግ የቻሉት ድሬዎች ከርቀት በሚመቱ ኳሶች እድሎችን መፍጠር ችለዋል፤የዚህም ውጤት በ78ኛው ደቂቃ ላይ ኤልያስ ማሞ የበረኛው ሶፈንያስ ሰይፈ መውጣትን ተምልክቶ ከርቀት የመታው ኳስ ቀጥታ የመቐለ መረብ ላይ ሊያሳርፈው ችሏል።ከግቡ በኃላ መቐለዎች መሪነታቸውን ለማስጠበቅ ያደረጉት ሙከራ ተሳክቶላቸው ጨዋታው 2ለ1 ማሸነፍ ችለዋል።

ሽረ ላይ የሊጉ መሪ ፋሲል ከነማ ነጥብ መጣሉን ተከትሎ መቐለ 70 እንደርታ የ2011 የኢትዮጵያ ፕሪምየር ሊግ ሻምፒዮን ሊሆን ችሏል።

ሶስትዮሽ የዋንጫ ፍልሚያ አጓጊ ሆኗል

ኢትዮጵያ ፕሪሚየር ሊግ የዋንጫ
ፍልሚያ በ3 የክልል ክለቦች መርሃ ግብር
መሆኑ አጓጊ ሆኗል፡፡

መሪው ፋሲል ከተማ አዳማ ላይ ከአዳማ ከተማ
ጋር 1ለ1 ተለያይቶ ሁለት ወሳኝ ነጥቦችን
ቢጥልም በግብ ክፍያ የሊጉን መሪነት አሁንም
ይዟል፡፡ በአዳማው ፍልሚያ ሙጂብ ቃሲም
ለፋሲል ከተማ ቡልቻ ሹራ ለአዳማ ከተማ
ባስቆጠሯቸው ግቦች በ53 ነጥብና 29 ግብ
ሊጉን ሲመራ መቐለ ላይ ደቡብ ፖሊስን 4ለ0
የረታው መቐለ 70 እንደርታ በእኩል 53
ነጥቦችና 19 ግቦች ከኢትዮጵያ ቡና ጋር አቻ
ወጥቶ ያጣውን 2 ነጥብ ዳግም አግኝቶ ፉክክሩ
ላይ ነፍስ ዘርቶበታል፡፡ ለገ/መድህን ኃይሌ
ቡድን ማውሊ ሳውሊ 2 ግብ ሲያስቆጥር
ቀሪዎቹን አማኑኤል ገ/ሚካኤልና ያሬድ
ብርሃኑ አስቆጥረዋል፡፡ ድሬደዋን በሀብታሙ
ገዛኸኝ ግብ 1ለ0 የረታው ሲዳማ ቡና በ52
ነጥብ ፋሲል ከነማና መቐለ 70 እንደርታ ላይ
ደረስኩ እያለ ጫናውን በማሳደር ላይ ይገኛል፡
፡በቀሪው መርሃ ግብሮች ፋሲል ከነማ ከቅ/ጊዮርጊስ በሜዳው ከስሁል ሽረ ጋር ከሜዳው
ውጪ ይጫወታል፡፡ መቐለ 70 እንደርታ
በበኩሉ ከመከላከያ ጋር ከሜዳው ውጪ
ከድሬደዋ ጋር በሜዳው ሲጫወት ሲዳማ ቡና
ከሜዳው ውጪ ስሁል ሽረን በሜዳው ደግሞ
ወልዋሎ አዲግራትን ይገጥማል፡፡


29ኛ ሳምንት መርሀ ግብር
ረቡዕ ሰኔ 26 ቀን 2011
04:00 ወልዋሎ ዓ/ዩ ከ ስሑል ሽረ
09:00 ባህር ዳር ከተማ ከ ጅማ አባ ጅፋር
09:00 ወላይታ ድቻ ከ አዳማ ከተማ
09:00 ደቡብ ፖሊስ ከ ኢትዮጵያ ቡና
09:00 ድሬዳዋ ከተማ ከ ሀዋሳ ከተማ
09:00 ደደቢት ከ ሲዳማ ቡና
09:00 ፋሲል ከነማ ከቅዱስ ጊዮርጊስ
09:00 መከላከያ ከ መቐለ 70 እንደርታ


 

ፋሲል ከነማ ባህርዳር ከተማን በማሸነፍ መሪነቱን አጠናክሯል

 

በ27ኛው ሳምንት እሁድ በተደረገ የኢትዮጵያ ፕሪምየር ሊግ የአማራ ደርቢ ጨዋታ ጎንደር ላይ ፋሲል ከነማ እና ባህርዳር ከተማ ጨዋታ በፋሲል ከነማ አሸናፊነት ተጠናቋል።ፋሲል ከነማ ወደ ወላይታ ተጉዞ 2-1 ከተሸነፈው ቡድን ምንም አይነት ለውጥ ሳያደርግ ነበር ወደ ሜዳ የገባው በአንጻሩ እንግዳው ቡድን ባህርዳር ከተማ ውልዋሎ ጋር ነጥብ ከጣለው ስብስብ አስናቀ ሞገስ፣ ኤልያስ አህመድ እና ልደቱ ሞላን በ ሳላምላክ ተገኝ፣ ዜናው ፈረደ እና ስነ ጊዮርጊስን ቀይሮ ነበር ወደ ሜዳ የገቡት።

የፋሲል ከነማ ብልጫ በታየበት የመጀመርያ አጋማሽ በ4-3-3 አሰላለፍ ወደ ሜዳ የገቡት አጼዎቹ በተሻለ መልኩ ወደ ግብ ቀርበዋል።ጨዋታው ገና እንደተጀመረ በሙከራ የታጀበ ነበር። 3ኛው ደቂቃ ላይ ሰአድ ሀሰን በቀኝ መስመር ለኢዙ አዙካ ያሻገረለትን ኳስ ኢዙ አዙካ ተከላካዮችን አታሎ ይዞት በመግባት ወደ ግብ አክርሮ የመታውን ኳስ ግብ ጠባቂው ምንተስኖት አሎ የተፋውን ሽመክት ጉግሳ አግኝቶ በ ቴስታ በቀላሉ አስቆጥሮ ፋሲሎች መሪ እንዲሆኑ አስችሉዋል።አጼዎቹ ከጎሎዋ መቆጠር በሁዋላ በተደጋጋሚ የ ባህርዳር ከተማን የጎል መስመር ሲፈትሹ ተስተውለናል፡፡በተለይ ሱራፌል ዳኛቸው 9ኛው ደቂቃ ላይ አክርሮ የመታው ኳስ እና በግቡ አግዳሚ ለጥቂት የወጣው አንዱ አስደንጋጭ ሙከራ ነበር።ረጃጅም ኳሶችን በሁለቱም መስመሮች በኩል ክሮስ እያደረጉ ተጭነው የተጫወቱት ፋሲሎዎች በ 25ተኛው ደቂቃ ላይ አምሳሉ ጥላሁን ከኤፍሬም አለሙ የተቀበለውን በቀጥታ ወደ ጎል ያሻማውን ኳስ የምንተስኖት አሎ ስህተት ተጠቅሞ ሙጅብ ቃሲም በቴስታ መረብ ላይ አሳርፏታል።ከጎሉ መቆጠር በሁዋላ ፋሲሎች በተደጋጋሚ ወደ ጎል ሲሞክሩ ተመልክተናል ሙከራቸውም ተሳክቶላቸው በ 31ደኛው ደቂቃ በእለቱ አስደናቂ ብቃቱን ሲያሳይ የነበርው እና የጨዋታው ኮኮብ ኢዙ አዙካ ከ መሀል ሜዳ የተቀበለውን ኳስ በሚገርም ሁኔታ 5 የጣና ሞገድ ተከላካዮች አታሎ በማለፍ ለፋሲል ሶስተኛዋን ጎል በሚገርም አጨራረስ እና ብቃት አስቆጥሩዋል።በፋሲል መሪነት የመጀመሪያ አጋማሽ ተጠናቁዋል።

በሁለተኛው አጋማሽ ባህርዳር ከተማ ተጫዋቾችን በመቀየር ወደ ጭዋታ ለመመለስ እና ተጭነው ለመጫወት ሞክረዋል፡፡ 69ኛው ደቂቃ ሚካኤል ቬራ ጃኮ አራፋት ከሳጥን ውጭ ያሻገረለትን ኳስ በቀጥታ ወደ ግብ አክርሮ ወደ ጎል የመታው እና ሚካኤል ሳማኪ በ ግሩም ሁኔታ ያወጣበት በጭዋታው ለጣና ሞገድ ብቸኛ ኢላማውን የጠበቀ ሙከራ ነበር፡፡ፋሲሎች በአንጻሩ ኳስ ይዘው ለመጫወት ሙከራ ሲያደርጉ አስተውለናል።73ተኛው ደቂቃ ላይ ሙጅብ ቃሲም ከዮሴፍ ዳሙየ ጋር አንድ ሁለት ተጫውቶ በጭዋታው ለእራሱ ሁለተኛውን ለቡድኑ ፋሲል አራተኛውን እንዲሁም በውድድር አመቱ 14 ተኛውን ጎሉን አስቆጥሮ ጭዋታው ተጠናቁዋል።

ጭዋታው ፍጹም ጭዋነት የተሞላበት እና የደጋፊዎች ድባብ በጣም የሚያምር እና ታሪካዊ ጭዋታ ነበር፡፡

ውጤቱን ተከትሎ ፋሲል ከነማ ነጥቡን ወደ 52 በማሳደግ መሪነቱን አጠናካሩዋል በአንጻሩ እንግዳው ቡድን ባህርዳር ከነማ 37 ነጥብ በመያዝ ሰባተኛ ደረጃ ላይ ተቀምጡዋል።

ሪፖርተር:ከድር ጀማል
ከ ባህርዳር